9:45pm
احمد : اليوم كلش خفت على هيڤا
زياد بلامبالاة : امم
احمد : تجيها نوبات سكري وعدها فقر دم وديصير عليها ضغط قوي نطوها مهدئات
زياد : تريد اخذلها ورد واتحمدلها علسلامة ؟
احمد : زين ميكفي هلكد كهوة ؟
زياد : لا هو ثالث فنجان هذا
احمد : يكفي يا اخي والصبح الله يعلم شكد شارب
زياد : عادي خوما جديدة
احمد : بس مو هيج لو منظر الشباك يستاهل هلكد كافيين
زياد : يا شباك ؟
احمد : شباك الحديقة حبيبيي
زياد : شكاعد تحجي
احمد : لك تضحك علكل مو عليا
زياد : شكوو ششفت هلمرة ؟
احمد : نظراتك لهيڤا
زياد : ماكو نظرات
احمد : مدافعتك عنها واهتمامك بيها
زياد : ماكو هيج شي
احمد : دافعت عنها كدامنا ونطيت بليليان تقبلتها يمك بالشغل مع انو الكل يعرف انت متتقبل بنية يمك
طولت بال وياها وهاي ويايا متسويها
سمحتلها تتحداك وتحدتك ومسويتلها شي
نقلتها للمستشفى وبقيت موجود لحد ما اني اجيت واتطمنت انو اني موجود يلا رجعت
زياد : عادي
احمد : لا مو عادي
زياد : بلي وكلش عادي همين
احمد : لعد ليش جنت تباوعلها من الشباك
زياد : عادي جنت مخنوك ودا اباوع علسما
احمد : علسما كلتلي
زياد : ليش هي جانت كاعدة ؟
احمد : اييي علسما اللي جوا جانت كاعدة
زياد : شلون ؟
احمد : مو انت دتكول جنت تباوع علسما وانت جنت تباوع جوا اول مرة اعرف اكو سما جوا
زياد : خلي نرجع
احمد : بعد وكت
زياد : نعست
احمد : تمام
هيڤا
استحميت وحممت جود تناولنا عشائنا وها هو جود يعانقني بقوة ويقبلني
جود : بعد متوكعين
هيڤا : لا حبيبي موكعت بس جنت نعسانة فنمت كبل
جود : لا محسيتي على شي
هيڤا : زين منو ودانا للمستشفى ؟
جود : ما اعرف اني بس انتي وكعتي اني هم صرت مثلج
هيڤا : عينك بعيني
جود : نعساان مااام
هيڤا : نام نام حيجي يوم وتجي تكلي شصار
هيڤا
قبلت رأس جود لا استطيع تحمل فكرة غيابه عني لا استطيع النوم بسبب هذه الكوابيس متى ستذهب ؟
متى سأرتاح منها متى سأنام براحة ولا اخاف من الغد ؟
تذكرت زياد لماذا اتى في عقلي الان ؟
ليس وقته ابداً ولكن لماذا يتصرف بلين معي ؟
لماذا احب ان اتحداه دوماً ؟
هل أنا أبتسم الان ؟
كلا هيڤا ما هذا الذي تفكرين به ، انتي لا يمكنكي ان ترتبطي ابداً مهما حصل تذكري وعدكي وكلامكي كلا لن تفعلي شيء كهذا !
8:30 am
لينا : صبااح الخير يحلوو
هيڤا : اهلاا متأخرين اليوم
لينا : عينيي سيد احمد ودا خطيبتة للكلية ميصير تتأخر بس احنا عادي نتأخر
هيڤا : احمد خاطب ؟
لينا : ايييي
انجي : لو تعرفين منووو
هيڤا : منوو ؟
انجي : اختت زياد
هيڤا : بس لا مثل زياااد شلون متحملها
ليليان : ليش عيني شبي زياد
هيڤا : هسة اني حجيت وياج ؟ يا عيني انتي تحبي وشايفتة ملاك خلص هذا رأيج !
ليليان : لتحجين عليه كدامي
احمد : شبيكم من الصبح
لينا : شوف شلون فرحان شوف
احمد : غير شفتها من الصبح
هيڤا : شسالفة النستلة باالصدرية ؟ منو حاطلنا ياها
لينا : كولي منو حاطلج ياها احنا ما عدنا
هيڤا : ولا واحد من عندة ؟
انجي ، احمد ،لينا & ليليان : لااا
هيڤا : يجوز اني ناسيتها مبارحة عن أذنكم
هيڤا بهدوء : صباح الخير
زياد : صباح النور
هيڤا : مالمن هاي الكهوة ؟
زياد : جابوا كوبين وحطوهم مو مال احد
هيڤا : اهاا كلت كوبيين
نظرت اليه فلم يجيب ابتسمت واردفت
⁃ شكراً
لم يعطيني أيي ردة فعل اكتفى باتمام عمله لم يحدث شيء مهم كلعادة روتين العمل ومشاكل ليليان المعتادة
مضت الايام بهذا الروتين و لوح الشوكلاتة لم يفارق صدريتي كنت ارى يوميا لوح جديد مع كوب قهوة
كانت علاقتي بزياد جيدة نوعاً ما في بعض الاحيان كنا نتبادل اطراف الحديث كان يبتسم ايضاً عندما اقتربت منه علمت انه شخص جيد ولكن يوجد ما يمنعه من اظهار طيبته والتصرف بشكل طبيعي
لم اكن اعلم انني اخاف عليه بهذه الطريقة الى ان اتى هذا اليوم ! : المفروض اليوم تنطوني الفلوس
ابو حسام : باجر تكون يمج
هيڤا : هيج اعتبرة تأخير راتب اني هم ورايا دفع ايجار وكومة امور
ابو حسام : والله باجر راتبج يكون يمج
هيڤا : هاي 3 ايام دتكلي اليوم وباجر ميصير هيج
ابو حسام : لا باجر اخير موعد
هيڤا : الله كريم عن اذنك
ابو حسام : الله وياج
جود : ماما ليش ضايجة؟
هيڤا : هيج حبيبي
جود : هسة حنشتري هاي الجنطة؟
هيڤا : نخليها على باجر ؟ هسة تعبانين
جود : بس صارلج هواية واعدتني
هيڤا : عمري انت والله تعبانة وهسة راجعة من الشغل وداعة عيونك باجر اشتريلك ياها
جود بحزن : زيين خلي نشتري جبس
هيڤا : تدلل هسة نشتري
اخذته الى احدى الاسواق اشتريت له ما يريد وخرجنا
قاطع طريقنا شخصان شددت على قبضة جود وحاولت الرجوع
⁃ وين يحلووة
⁃ خووش قطعة ترا
جود : مام شبيهم
هيڤا : لتتحرك من يمي
جود : باعي شلون يباوعون
⁃ لاه الحلوة متزوجة
⁃ حناخذج من رجلج اليوم
هيڤا
يا الهي ساعدني لا اعلم ماذا افعل لماذا الشارع فارغ هكذا الا يوجد احد يساعدني
حملت جود وحاولت الركض لكنهم كانوا اقوى مني بكثير
شعرت بشخص يسحبني ويدفعني بعيداً وبدأ الناس بالاقتراب منهم تقدمت امرأة كبيرة نحوي واردفت
⁃ تعاي بنتي جيبي هلطفل وتعاي
هيڤا ببكاء : خالة الولد اللي ديدافعلي شنو ذنبة لازم احد يتدخل
⁃ ميخالف هسة الشباب يفضوها جيبي الطفل ميصير هيج يشوف
هيڤا : لا ما اتحرك منا ياربي تفض
⁃ ادعي هسة الله يحلها
هيڤا
نظرت الى جود يخبىء وجهه بصدري ويضغط على خصري بقوة بيديه الصغيرتيين قبلت رأسه ومسحت على شعره
هيڤا : لتخاف عمري هذول ديلعبون
جود : خل نروح لبيتنا
هيڤا : هسة نروح حبيبي انت سد عيونك وتذكر شنو علموك بالتمهيدي وراح تشوف نفسك بالبيت
هيڤا
يا الهي فلينتهي هذا الشجار اغمضت عيني واستمريت
بالدعاء لا اريد ان يتأذى شخص بسببي ما ذنبه وما ذنب عائلته لتخسره
تعالت اصواتهم بشكل مفاجىء بعدها رأيت اثنين يهربان
وبدأ الجميع باخراج هواتفهم وقول نفس الجمل
⁃ خابر الاسعاف
⁃ الولد دينزف
⁃ ضغطوا علجرح
⁃ المكان خطر
⁃ خلي ننقلة احنا
ماذا يحدث هل تأذى شخص بسببي ؟ حاولت ان ارى من هو ولكن التم الحميع عليه ولم استطيع ان اراه
مر القليل من الوقت اتت سيارة الاسعاف حاولت كثيراً التقرب منهم لارى من هو ولكن لم استطيع فجود بيدي
لا استطيع ادخاله بين هذا الحشد
لقد رأيت فتاة تصعد خلفه في الاسعاف تمسك بيده
تغلق عينها وتبكي يبدو أنها زوجته او خطيبته لا اعلم ولكن بسببي سوف تفقده
نظرت الى جود لقد نام بحظني
استأجرت سيارة اجرة واخبرته بتتبع سيارة الاسعاف
وصلنا الى المستشفى قاموا بأنزاله لقد رأيته وياليتني لم ارى انه هو مستحيل اعتقد انني اتخيل هل بت اتخيله بالضراء ايضاً ؟؟
