توفيق بأبتسامة : حاولي تتقربين منة تعرفين شصاير ويا ومخلي بهلحدية والعصبية هاي
هيڤا : اني هم هيج كلت اكيد صاير شي ويا ومخلي يصير عندة هيج ردة فعل
توفيق : اكيد شي قوي
هيڤا : بس هو ميحب يصادق احد حتى اكو ولد ويانا ميحاجي هواية وميتشاقى شلون حتقربلة ؟
توفيق : حاولي تساعدي دائماً ومن يعصب ابتعدي هو من يهدى حيجي يحاجيج حاولي تستمعيلة بدون متحجين شي لحد ميخلص حجية وانتظري شوفي ورا مخلص حجية شنو وضعة علمود تعرفين بيا طريقة تحاجي عرفتي شلون؟
هيڤا : ايي فهمتك
توفيق : سايسي حاجي بعقلانية خلي هو بالموقف بس بطريقة غير مباشرة افهمي عقليتة واحجي ويا وعاملي حسب عقليتة بهلطريقة راح تكسبي وراح تكدرين تساعدي
هيڤا : وان رفض ؟
توفيق : حسب اللي حجيتي فشي طبيعي محيوافق انو تتقربين منة من اول محاولة بس انتي حاولي دائما تكونين اول وحدة تمديلة ايدج وتساعدي حتى لو رفض وجنتي كادرة تكملين الشغلة كمليها هو بعدين حيحس بغلطة وحيندم
هيڤا : واذا جرحني بالكلام
توفيق : هم اسكتي تدرين ليش لان من حيكعد بينة وبين نفسة حيتندم وحيكول هي مجاوبتني واني اذيتها انتي حتكونين بهلطريقة دتعذبي دتخلي يعيش عذاب نفسي ليش هو هيج حجة وياج ورغم طريقتة بالحجي وياج انتي سكتي فبهلطريقة حيكعد يلوم روحة وحيحاول يضبط نفسة كدامج بس اكيد بعد زمن مو من الاول
هيڤا : تمام حسمع كلامك ونشوف
توفيق : هذا كتابج الجديد يخلص باسبوع
هيڤا : ان شاء الله وهذا القديم تفضل
هيڤا
خرجت من عند توفيق وتوجهت الى سلوى لأرى جود نائم بحضن أحدى النساء وهي تربت على ظهره وتنشد اناشيد الأطفال أبتسمت على منظره بحظنها
دائماً احاول ان اقوم بواجبي تجاهه على أفضل حال
مسحت تلك الدمعة التي نزلت بسرعة
لن ابكي على مواضيع وعدت نفسي بنسيانها
لن امحي ابتسامتي بسبب اشخاص لم يهمهم أمري
فأنا اقوى بكثير ابتسمت اخذت جود وعدنا الى المنزل
4:30 PM
جود : مااام مامااا
هيڤا بنعاس : ها حبيبي
جود : كومي نسوي كيك
هيڤا : خليها باجر
جود : لاااا حباابة
هيڤا : تعبانة حبيبي
جود : ماااا حباابة انطيج بووسة
هيڤا بقلة حيلة : تمام تمام يلا اكوم اشوف الاغراض
جود : طلعتهم بس الطحين منشتة
هيڤا بضحكة : ما عدنا طحين هسة نروح نشتري
جود : مااام بااعييي
هيڤا : روح رجعها اني شكايلة
جود : والله ما اخذتها من الرف
هيڤا : لعد ؟ ترا اكو كاميرات تكشفك وياخذوك مني
جود : لالا اكو عمو اشترالي ياها
هيڤا : وانت ليش تطلب من الغربة ؟
جود : والله مطلبت بس شافني دا اباوع عليهم واشترالي وحدة
هيڤا : وينة ؟
جود : طلع
هيڤا : بعد متسويها ومتاخذ شي من ناس غربة
جود : اسف
هيڤا : يلا امشي
جود : هذا كوب طحين
نظرت اللي ولم تجبني فاكملت
⁃ احطة اني ؟
⁃ كوب شكر صح ؟
⁃ هااي الفانيلا خلي نحط هيل
⁃ بعد الحليب
⁃ خلي اني اخبط
⁃ زييين نلعب بالعجينة ؟
⁃ تمام حروح انام
⁃ تصبحين على خير
⁃ هيڤااااااا
هيڤا
هل ناداني بأسمي الان ؟ هل اجتمعت الدموع بعينه ؟
لماذا لم يقول ماما ؟ هل هو يبكي ؟
نظرت اليه اذ به يكور نفسه بمنتصف السرير ويغطي كامل جسده رغم صغر سنه الا انه حساس بطريقة مبالغ بها وتصرفاتة كانه شخص بالغ
حسناً استطيع تغيير مزاجه
فقطعت وعد على نفسي بأن لا احزنه ابداً
ولا اجعله ينطوي على نفسه بهذه الطريقة
اخذت معي ملعقة الخليط وذهبت اليه
هيڤا : شو بلة باوعلييي
جود : مااا
هيڤا : دشوف شنو جبتتت
ابعد يده على عينه ونظر نحوي ففاجئته بوضع نقطة على انفه بالخليط
جود : مامااااا
هيفأ : قبل شوية جنت هيڤا مووو شوو تعال اراويك شلون تكول هيڤا مرة ثانية
جود بضحك : تماام تمااام اسف بعد ما اعيدها يكفيي دغدغة والله اسف مااام
هيڤا : كول ما اعيدها
جود : وبداعتج ما اعيدها
هيڤا : هيج احنا متفقيين
قفز نحوي وعانقني بيديه الصغيرتيين سحبت نفسي بارتياح
فلا أريد رؤية الدموع تغطي خديه الناعميين
8:15 am
ليليان : لكممم تعرفون مبارحة منو شفت بالسوك
لينا : عزرائيل
ليليان : اختتة لعزرائيل
انجي : منوو
ليليان : هيڤاااا
احمد : انتي شبيج ويا البنية؟ ليش حاطة دوبج بدوبها؟
ليليان : لانو مستفزة
احمد : وانتي ان شفتيها بالسوك شكو بيها البنية دتتسوك حالها حالج
ليليان : مو مدا تخلوني اكمل
لينا : شو بلة كملي دنشوف
ليليان : جان وياهااا طفلل
لينا : وشكو شبيج مستغربة
ليليان : جان يصيحلهاااا مامااا
انجي : واذااا شنو دتحسسيني البنية مسويا شي غلط
ليليان : هي ممتزوجة
انجي : شمدريج؟
ليليان : ماكو حلقة بايدها واذا تتذكرون بيوم اللي شفنا هذاك ديلحكها كالت ابن عمي يعني هي وحدة جذابة
لينا : انتي شعليج بالعالم عوفي البنية بحالها
ليليان : والله ما اعوفها الا اعرف شكو وراها
انجي : شتردين منها؟ اذتج بشي علمود هشكل تعاديها؟
ليليان : لتتتقرب على شي يخصني
احمد : شوفي كلتنا ندري انتي عايشة بالاوهام وزياد محيباوعلج فحسي على روحج وعوفي البنية بحالها
ليليان : معليكم اني وهي محد ليتدخل
احمد : لعد لتجين تحجيلنا شي عليها ومتحجين بشي يضرها كدامنا
ليليان : اييي خلص محكوللكم شي بعد ، هااه شرفت الانسة اووه اقصد المدام
هيڤا بملل : شكوو
ليليان : مكلتيلنا انو انتي متزوجة
هيڤا: لتخافين من اتزوج اعزمج على عرسي
ليليان : تريدين تقنعيني انو انتي ممتزوجة؟
هيڤا : ميحتاج اقنع احد بالحقيقة
ليليان : والطفل اللي يصيحلج ماما شنو موقعة ؟
هيڤا بتوتر : يا طفل
ليليان : اللي جان وياج مبارحة بالمحل وجنتي معصبة عليه
هيڤا : هلشي ميخصج
ليليان : ليكون ابن حرام
هيڤا
لم اشعر بيدي الا انها تترك اثراً واضحاً على خدها
نظرت اليها والدموع بعيني واتنفس بسرعة
صككت على اسناني بقوة ونظرت اليها باحتقار لقد اثارت غضبي بشدة تفوهت بكلام لم يجب عليها ان تخبره لشخص مثلي رفعت اصبعي امام وجهها بتهديد واردفت
⁃ كلامج هذا مينعاد هلمرة جتي على ضربة مرة اللخ لسانج اكصة فاهمممةةة؟؟؟
زياد
سمعت صوتهم ارتفع في الداخل نهضت لارى ماذا يحدث ففوجئت بهيڤا تصدم بي لم ترفع رأسها فقط اكتفت بالاعتذار للشخص الذي صدمته وهي لاتعلم من هو بل اسرعت باتجاه الحديقة
نظرت الى الداخل اذ بليليان تمسك خدها بطريقة تحاول ان تبين انها المضلومة كالعادة
سحبت نفسي بتنهيدة ولم ارى نفسي الا انني اقف امامها
اجل امام هيڤا
هيڤا
شعرت بشيء يحجب الشمس عني رفعت رأسي فدهشت برؤية زياد يقف امامي واضعاً واحدة من يداه في جيب بنطاله والاخرى ممتدة نحوي وبها قطعة محارم
نظرت اليه باندهااش وهو ينظر اللي نظرة بلا معنى
يبدو كالتمثال حتى صدره لا يعلو وينزل عند تنفسه
هل هو رجل آلي ام ماذا ؟
كتفت يدي وعقدت حاجبي واستدرت الى الجهة الاخرى
فها هو يجلس بجانبي ويضع المنديل بين اصبعيه ويقدمه نحوي
نظرت اليه بدهشة
هل هذا زياد الذي اعرفة!؟؟
