MEN SIRF TUMHARI HON

nikah part 2

Makhmal k gaao takiye sey take lagaye unhon ney abhi ankhen moondi hi thi k MARiYA aa kr dham sey takhat par bethi - unhon ney chonk kr ek dam aankhen kholi..

"Kia Afat aa toot pari hai jo yun bhagam bhag arahi hen shehzadi sahiba"

Yeh unka makhsoos tanziyah andaz tha jo faqat apni ladli (Granddaughter) potti k liye makhsoos tha

Dadi !! Shehzadi pr bura wat aney wala hai mariya bechargi ki mujassim tasweer ban giee

Kis k daman k heerey moti chura liye ??? Dadi seedhi ho bethi

Is sey bhi ziada qeemti ... Wo dadi k nazdeek ho bethi
Wo jo  daal ka halwa tha nan, akhiri 2 pees bachey they , mani bhai k liye , ammi ney rakhey they. Wo men ney kha liye...

Mariya k akhiri jumley men puri baat ka nichor tha
Dadi neh tanbeehi nigahon sey usey dekha

Maan do char baten beth kr sunaye gi .. Ab beth kr sunna

Mariya ..mariya .... Mariya ney kuch kehney k liye mun khola hi tha k ammi ki awaz aie jo usey hi pukar rahi thi bethi k chatorpan sey khoob waqif thi usey ghhortey howey pucha ... Mani k liye men ney jo halwa rakhwaya tha wo kahan hai???

Wo mani k liye rakha tha ?? Mjhey kia khabar thi wo to men ney kha lia...

Dadi ney jhat sey jhoot bola ...

Aap ka bhi koi jawab nhi amma kal to zara sa kha k ap ka pait kharab ho gaya tha or aj purey do pees kha liye .. Ap k beton ko pata chal gaya nan to meri shamat ajani hai amma jan

Arey choro un ko to men khud dekh lon gi... Tum btao shahab kb tk aye ga mjhey leney

Amma jan abhi kuch der men pohnch jayen gey ap befikr rahen ..

Acha bahu saman peck kr lia hai nan tum ney mera

Ji men ney kr lia hai

Ammi ap halwa leney aie thi or yahin pr bethi gie .. Den mjhey mera halwaa

Mani bhaga howa aya or man sey sawal kia..

Beta wo khatam ho gaya hai .. Hamna ney piyar sey apney betey salman k sir pr hath phertey howey kaha ..

Mani gussey sey mariya ki traf dekhney lga .. Wo janta tha isi ney khaya hoga

Men ney nhi dadi mey khaya hai .. Dadi ko dekhen mjhey nhi

Mariya ney uski nazron ka mtlb samajhtey howey jawab dia

Jawab suntey hi us ney ammi ki traf dekha.. Beta men khud bna don gi dobara sey apney bachey k liye .. Wo pair patakhtey howey wahan sey chala gaya...

***. . . . . . . . . . . . . . .  ***. . . . . . . . . . . . . .  ***

Hameeda bagham bewa khaton thi bachon ko alaa taleem dilwaie.. Is afra tafri k dor men jahan bs tabahi hi nazar ati thi wo bachon ko ley k boht pareshan thi

Magar bachon ney apni maan ka sir fakhar sey buland kr dia tha.. Bara beta shahab or noman  bachon samet karachi men makeen they..