MEN SIRF TUMHARI HON

shehryar's decision

Shehryar neha ka sir god men rakhey us pr jhuka musalsal usey pukar raha tha jo behoshi k alam men ankhen kholney men nakam ho rahi thi

Shehryar ka ek hath neha k hath men tha jisey wo mazbuti sey thamey howey tha or doosrey hath sey wo neha k gal thapaktey howey bola neha ankhen kholo apni

Apni ankhen kholo neha merey liye please neha
Shahab ney apney betey ko deewana war neha ko pukartey dekha or khuda sey is ki khushion ko salamat rakhney ki dua mangi thi

Naila sey zabt krna mahal ho raha tha
Unka bs nhi chal raha tha wo neha ko utha k sahi salamat kr den k unka beta unki jan khush ho jaye

Hospital pohnchtey hi neha ko emergency men muntakil kr dia gaya tha
Doctor sey shahab khan ney hr mumkin koshish kr k usey salamat rakhney ki faryad ki thi

Doctor ney unhen khuda sey dua magney ki request ki thi kun k wohi zindagi deney or leney ka malik hai
Neha ki conditions boht serious thi

Naila najma ko or shahab amjad ko sambhaley howey  they baqi sb gher pr mojud they or neha ki salamti ki dua kr rahey they

Umer apni behan ko is hal men nhi dekh pa raha tha wo ansu bahata shehryar k galey ja laga
Shehryar ki halat khud boht kharab thi wo esa hi tha
Kisi ki takleef pr bhi wo yunhi bechain ho jaya krta tha or aj to uski biwi jo kuch lamha qabl hi uski zindagi men aie or usey apni muhabbat ka aseer bna kr usey yun bechain kiye uski halat sey bekhabar bister pr pari thi k usko dekhna mushkil ho raha tha

Green lehnga pehney jo pari us k dill men utri thi wo lehnga us k khoon sey surkhi mayal siyah ho chuka tha

Wo apni halat kis pr ayan krta wo to abhi apni muhabbat ka izhar bhi nhi kr paya tha k us ki muhabbat us k liye imtehan bn chuki thi

Wo umer ko tasalli detey wahan mojud chair pr bitha hi raha tha k us ka phone ring howa tha
Shehryar ney seedhey hotey howey phone recieve kia tha phone k doosri traf mojud ali ki awaz ubhri thi

Shehryar jis ney goli chalaie thi men ney usey dekh liya tha or tbhi men ney usey police k hawaley kr dia hai police uncle ko bulwa rahi hai tak wo us shakhs ko pehchan saken..

Thik hai ali tum wahin ruko men abhi pohnchta hon
Shehryar ki bt pr umer ney ali ki traf dekha jo amjad ki traf barh raha tha

Uncle humen police station chalna hoga
us khakhs ko pehchanney k liye police ney bulwaya hai
Jiss ney neha pr goli chalaie hai

Amjad sir hilata khara howa or shehryar or umer ko sath liye  hospital sey bahir chala gaya

***. . . . . . . . . . . . .  ***. . . . . . . . . . . . .***

Shahab, naila, or najma hospital men mojud they ... Najma ka ro ro k bura hal tha wo i.c.u k bahir khari under be-sud parey apni beti k wojud ko dekh rahi thi najaney kitni mushkilat ani baqi thi un ki phool jesi beti pr

Hr khushi mukammal honey sey pehley hi us sey cheen jati thi..wo bs apney rab sey dua go thi k unki beti ko unki bhi umer lg jaye magar hr imtehan k khatam honey ka wqt muayyan hota hai

Azmaish choti ho ya bari us sey ghabrana nhi chahiye kun k khuda apney bandey ko utna hi azmata hai jitna us ka banda seh sakey