MEN SIRF TUMHARI HON

kuch izhar zaruri hen

Ali gari ki keys uthaye bahir chala aya ramsha front seat pr bethi umer ka intezar kr rahi thi ..wo gate khol kr betha or bina koi bat kiye gari start kr di

Umer bhai ap ney itni der kr di mjhey......
Usey laga tha umer aya ho ga magar umer ki jagah ali ko dekh kr us ki zuman sey ada honey waley lafz wahin tham gey

Aaaap...... Umer bhai kun nhi aye
Ali ney hont beench liye or zabt sey us ka chehra surkh howa ...ignore krna bardasht kr gaya tha magar yun us k sawal krney pr us sey zabt krna mushkil hogaya tha

Ali ney break pr paon rakha to ek jhatkey sey gari ruki..
Ramsha ney gussey sey usey dekha or boli yeh kia tareeka hai  agar accident ho gaya to ...

Gari beech sarak pr ruki thi or ali ki nazren front pr thi wo bilkul ansuna kr raha tha ramsha ko
Ramsha ko isey yun khamosh dekh kr or gussah araha tha ... Okay fine tumharey sath safar krney sey acha hai men khud hi chali jaon ramsha ney usey keh kr bag ko mazbuti sy thama or gate kholney hi lagi thi k

Ali ney phurti sey us ki traf rukh kr k uska hath kheencha or apni traf rukh mor kr bola.. Agar men khamosh hon to mera imtehan mt lo or chup chap sey bethi raho kahin esa nan ho k men utha kr tumhen gari sey bahir phenk don

Ali ki ankhen surkh ho rahi thi us k lehjey ki sakhti usey andar tk sehma gie thi ali k hath ki girift itni mazbut thi k ramsha ki ankhon men ansu aa chukey they wo takleef ki shiddat ko bardasht krtey howey bs itna hi keh saki

Mera hath...!
Ali ney us k kehtey hi hath ki traf dekha to puri bat samjh agie or us k hath pr us ki girift dheeli hoi thi
Gari ghalat jagah pr rukney ki wajah sey gariyon k horn ka shor howa to ali foran seedha howa or gari start kr di phr khamoshi sey drive krta raha

Ramsha k ansu beh nikley wo samajh nhi pa rahi thi yeh shakhs esa kun kr raha hai rat bhi is ki wajah sey wo so nan saki thi or subha bhi jb wo umer ko bulaney gie to isey wahan mojood dekh kr us ki dharkan bekabu ho chuki thi to wo isey ignore krti umer sey mukhatib hoi magar us ki nazren usey khud pr mehsoos ho rahi thi jin ki wajah usey wahan khara rehna dushwar ho raha tha umer k kehtey hi wo foran wahan sey bhagti hoi bahir chali gie or sukoon ka sans lia

Wo bilkul samajh nhi parahi thi us ki yeh halat kun ho rahi hai... Or jb umer ki jagah ali aa kr betha to is ki dharkanen ek br phr sey bekabu ho chuki thi or usi ghabrahat men wo us sey sawalat kr bethi or yahi sawalat usy khud pr gussah dila rahey they k mjhey kia zrurt thi is k mun lagney ki chup chap bethi rehti to kia ho jata km az km yeh sb to nan hota

Ali usey hi dekh raha tha wo bar br galon pr behney waley ansu saf kr rahi thi ali ko khud pr gussah aya usey is trha rotey dekh kr... Ali ney kisi shope k pas pohnch kr car park ki or door unlock krta howa car sey bahir chala gay .. Ab kia masla hai isey... Wo dill hi dill men khud sey mukhatib hoi magar us sey sawal krney ki himmat bilkul nan ho saki so wo khamoshi sey bethi rahi..

Wo wapis aya to us k hath men pani ki bottle thi .. Wo car ka door khol k betha or door lock kr k is ki traf turn howa or bottle is ki traf barhaie ...ramsha ney bottle ko nahi pakra to ali ney us ki traf dekha wo bilkul wesey hi bethi thi god men rakhey apney surkh howey hath ko doosrey hath sey sehla rahi thi or kbhi ansu saf kr rahi thi

Pani pi lo ramsha.. Ali narm lehjey men us sey  mukhatib howa to ramsha ney ek nazar usey dekha or sir ko nafi men jumbish deti hoi wapis samney dekhney lg gie ... Ali ney khamoshi sey usey dekha or bottle khol kr us k mun sey laga di.. Ramsha kuch bol nan saki to gussey sey nazren is ki traf ki ali deemi awaz men bola pani pio ramsha piyar sey bol raha hon