MEN SIRF TUMHARI HON

muhabbat nhi tum sey ishq hai jana...

Bibi ji.......
Bibi jiii......
Chokidar gait k pas khara unhen pukar raha tha

Kia howa rashid baba..
Bibi woo....bahir police aie hai keh rahi hai
Barey sahab ko bulao..

Nageena ney marey herat k sir pr hath rakha
Tum unhen kaho wo gher pr nahi hen
Men ney kaha hai bibi ji
Wo log keh rahey hen k hum gher pr khud check kren gey

Itney men darwaza dhakeltey police officer gher
K ander dakhil ho chukey they
Kabeer hashmat ko bahir bulwayen medam..

Wo....
Abhi wo kuch bol bhi nan saki k andruni darwaza kholtey howey kabeer hashmat bahir aye they shor ki wajah sey

Kia howa nagina??
Itna shor kun ho........
Darwazey pr mojud police ko dekh kr unka mun khuley ka
Khula reh gaya k mun sey adaa honey wala jumla bhi mukammal nan kr sakey

Hello kabeer sahab! Kesey hen ap??
Mujhey s.p seyad aliyan hussain kehtey hen...
S.p ney hath barhatey howey unhen mukhatib kia or apna
Taaruf krwaya..

Kabeer hashmat k naqush tan gey they..
S.p ka hath thamtey howey boley
Kheriyat s.p aliyan yahan kesey ana howa apka??

Mr.kabeer you are underarrest ..
S.p ney hath chortey howey apni bt ko jari rakha to
Kabeer hashmat ka chehra gussey ki shiddat sey surkh howa...

Yeh kia bakwas hai ??
Esa bilkul nahi ho sakta ...
Men abhi apney wakeel ko bulwata hon 2 minut intezar kren...
Wo phone nikal kr number dail karney lagey to s.p k isharey pr police inspector ney phone jhapat lia
To sath hi hawaldar ney unhen pakar kr jeep ki taraf ghaseeta

Gari men bethtey howey kabeer hashmat boltey reh gey
S.p tum ney apni maot ko dawat di hai mujhey arrest kr k

Kabeer ki bat pr s.p ka kehkaha buland howa
Abhi to tum jail ki hawa khao gey meri maot ki mjhey prwah nahi merey liye mera farz sb sey pehley ata hai

S.p ki bat pr kabeer hashmat ney dant peestey howey zuban ko bund rakhney men hi aafiyat jani k abhi unhen tahammul sey kam lena tha warna bat bigar sakti thi

Nagina ki cheekho pukar bhi bekar gie..
Dono betey na janey kahan they pareshani sey un ki halat zer honey lagi..

S.p ney  officer ki janib ishara kia
To us ney gari start ki or beruni darwazey say  bahir
Ki janib jeep nikal li..
Jeep k nikaltey hi s.p ney rukh apni gari ki janib mora jahan driver uska drwaza kholey intezar kr raha tha
S.p k bethtey hi driver ney darwaza bund kia or gari hashmat village sey bahir nikal gie...

***************

Ramsha ko chortey hi ali ney rukh us police station ki janib mora jahan un larkon ko ley jaya gaya tha

Un larkon ney badnami k dar sey or apney maan baap
K khaof sey ali sey moafi mangi to ali ney unhen is shart pr moaf kia k wo dobara esey kamon men mulawis nahi hon gey..

Unhon ney ek sath hami bhari magar ek larka khamosh khara usey apni nazron men jakar raha tha k aj ka yeh waqiya usey azbar rahey ga jb tk wo is sey badla nan ley ley..