نـــيـــران الـــعـــشـــق

الجزء الرابع

#نـــيـــران العـــشـــق

الجز الرابع......

ضلمـة النوايا بلا ضـوه ،،

بس احنــه كلش نخــتلف ،،

مثل الـگمر نياتــتنه.....

قائد:هاي هي عمي انت فاهم السالفة
غلط والي موصلك الحجي غشيم
ومفاهم السالفة زين اني وبنت خالي
سارة مابينة شي صح بالاول خطبتهة
بس بعدين فهمت مابينة قسمة اني
عصبي وطبعي صعب وسارة انسانة
مستقلة وتحب الوظيفة واني الصراحة
ما احب هيج شي والحجية مرادت
تاخذ وحدة الا من بنات خالي وكعدنة
كعدة حلوة وطيبة متتخير عن كعدتكم
وحلينة الامور بالطيب البنية ما اعترضت
وكالت بالعكس اختي انسب لقائد
وفاطمة ما عارضت حبت رأي خالي
هو اليمشي وهاي شوفت عينك اليوم
كلنة فرحانين ونحضر للعرس واتشرف
بيك عمي انت والاهل بس حرامات
تخرب بيت وعائلة ع سوالف متسوة
اذا البنية حاضرة عرس اختهة
وبيدهة تزينهة شرأيك بعد
فاطمة:جنت كاعدة واباوع عليه
جان كاعد يحجيلنة شلون حجو وية
اهل رنا وعبدالله وعبدالرحمن ظلوا
يتشكرون منه ومن زيد لان سدوا
الموضوع ومحجوا بيه،،،،شلون
يحجي ولا كأن عاش الي عاشهة
وشلون يدافع عن ابوية وسمعته
وبالاخير الامور انعكست لصالح عبد
اخوية الي خلاهم يداعمون ابعض
عبدالله:عمي اليوم انت جيت وحشدت
اهلك وعشيرتك علية وع اهلي
وجايني وتطعن بأهلي واليوم اني
اكلك بنتك خليهة يمك وكل هالوجوه
الخيرة تسمع المرة الي متحوي سر
بيتهة واهله تسوى تنحط ع ذمة
زلمة لاااااا والله هاي مو كفو تربي جيل
فاطمة:كل الحاظرين انتفضوا
من كلام عبد وظلوا عمام رنا يكحلون
بالسالفة ويريدون يفضوهة بس عبد
وين حلف مترد لبيته ابوية مجان
موجود صحته متعينه راحوا بس
اخوتي وقائد و زيد خوالي ثنين
الجبير والاصغر منه وكلهم منطوا
بسارة حرف ولا نطوا بعبد كلهة تمدح
بيه شلون صاينهة وملتهي ابيته
وتالي اتجازي هيج
سلام:عبد ابني خما ناوي اطلكهة
عبدالله:لاااا يابة لخاطر جهالي ابقيهة
بس ابالي غير شي ضامه للايام ان
شاءالله
سارة:مرت الايام عليه مثل الجحيم
محبوسة بالغرفة واسمع صوت اهلي
جوة لمتهم وهوستهم وخصوصا
ابوية الي راح انتهى صحته بالنازل
يومية متخربط و واكع واليوم زمن
جابتلي الغدة وسئلتهة عن الكل
وسولفتلي مشكلة عبد وية اهل مرته
تخبلت يعني اني عميت ع الكل
اني صرت نار وحركت كل اهلي واني
جنت اظن الضحية بس بطة وحاولت
اكفر عن ذنبي بس هسة اتضح
اني غلطانة كل اهلي ضحايا ظليت
ابجي وزمن يمي تواسيني رغم شكج
جنت اتاجهلهة وماعندي ذيج العلاقة
بيهة مجرد مرت اخوية لا اسولف
وياها ولا شي عكس بطة صديقات
هي وزمن اووووف يا سارة شكد
غلطتي وبعد وبعد شوفي الثمن
الي راح ادفعيه لاجل حب سجاد
و وينه هو عني وعن المشاكل الي وكعت
بيهة خلص سارة انتي مجرد نزوة
جانت بالنسبة لسجاد نزوة وراحت
لحالهة ظليت اضرب بروحي واني اذكر
شلون امنت و وثقت بيه كومة صور
الي يمه هاي ماعدا مكالامات الفديو
وحجيه وغزله الي جنت اتحضر
لمكالمته مثل مرة متحضرة لرجلهة
خسرتي هواية يا سارة هواية
خسرج حب سجاد اولهم اهلي
وبعدهة كرامتي وسمعتي،،،
نزلت زمن لان جانوا ديحضرون لباجر
هو حنة هو زفة قائد وبطة جنت
اتمنى احضر وكلهة راضية عني
ويطلع كل الي صار حلم واصحه منه
واكون فرحانة بزواج اختي بأعز
صديق الي ايييي قائد جان صديق
عزيز علية مو مثل مرادوا يصير
قائد ممكن اكون صديقة زميلة بس
زوجة مستحيل،،،ورة ساعة تقريبا
انفتحت الباب وطبت امي الي من
صارت المشكلة مشايفتهة ركضت
عليهة بعدني موصلت يمهة حطت
ايدهة حاجز بيني وبينهة،،
اسماء:لهنا وحدج سارة حضني يتعذرج
مستحيل تكونين بنتي الي ربيتهة
وكسرت ظهري عليهة لج روحي شوفي
حال ابوج ميكدر يمشي ع طوله
يتوجى بالاوادم امشي شوفيه
شلون محني ظهره من الي صار لاااا
وكل هذا مكفاج دزيتي السافل
السكير حتى يتعارك وية ابوج حتى
يوافق ينطيج اله لج انتي شنووو
من بشر فهميني شنوووو
سارة:صافنة هاي امي شدتحجي
منو هذا السكير والمن دزيت،،،ماما
الله يخليج شدتحجين منو قصدج
والله مدزيت احد اني
اسماء:لاتحلفين كذب كافي خل شغلة
تشفعلج يم ربج
سارة:والله مداكذب بس كويلي منو
رايح لابوية،،،كعدت امي تحجيلي
واني عقلي راح يوكف معقولة هذا
الي دمرت اهلي ع موده لااااا مستحيل