نـــيـــران الـــعـــشـــق

الجزء الثالث عشر

#نـــيـــران الـــعـــشـــق

الجزء الثالث عشر......الأخييييييير

انت اول عشك علمني معنة الشوك
ودعتك غصب وبعين مقهوره
وانت اول هجر جنت ادري راح يصير
وتفارك هواك الروح مجبوره
علي مرت شهور وهم تمر شهور
لا صوتك سمعته ولاشفت صوره
لوشوكك شعر يامن سكنت الروح
جا دفتر اشعاري انترست سطوره
ولو كلبك صخر صدك جبل حمرين
من باوعلي ماع وذابت صخوره

فاطمة:كاعدة بغرفتي يم الشباك
وصافنة ع الشارع وافكر الى متى
راح اظل هيج من صفحة ابوية يلح
علية ارجع ومن صفحة قائد وعمتي
ابد متركوني بس اني شلووون
بية وكلبي الي كسره،،،
مرت3اشهر واني يم اهلي من بعد
الي صار 3اشهر مشايفة قائد بيهن
ولا سامعة صوته كم مرة اجة
وراد يشوفني ويكعد وياية بس
رفضت لان مردت اشوفه وروحي تحن
اله واتراجع واهلي بوقتهة هم
مضغطوا علية لانةصحتي جانت
كلش تعبانة،،،،،،اوووووووف منك
قائد ومن حبك شنووو الي ربحته
منك اشووو حتى طفلي راح
وبسببك مكدرت احافظ عليه نزلت
دمعتي غصبا عني وشرحت وجعي
صفنت ورجعت ذكرياتي لذاك اليوم،،،

قريت الرسايل وصفنت عاجزة
عن الكلام ومثل كل مرة دمعتي
هي الي عبرت عن البداخلي طلع
قائد واكيد فهم الموضوع من شافني
ابجي وبيدي التليفون،،،مسحت
وجهي،،،هااااك الظاهر سهرررررر
عدهة شي مهم وضروري وياك
قائد:جنت اسبح وفاطمة كلتلي اكو
رقم غريب نهايته...يدك عليك
خرب هذا رقم سهر بس لا ادز
مسجات كتلهة عوفيه اني هسة
طالع كملت ع السريع وطلعت
شفت بطة لازمة التليفون وتبجي
وجعني كلبي من شفت دموعه كلت
هاي هي اكيد سهر مراسلتني لو حاجية
شي سئلته شبيج وكلتلي
سهر محتاجتك ضروري ومدري شنووو
اتنهدت وفركت وجهي،،،
لحظة بطة ترى الموضوع مو هيج
فاطمة:لااااا تخاف البنية شرحت
كلشي
قائد:شنووووو???
فاطمة:هااااك ،،نطيته الموبايل وطلعت
من الغرفة
قائد:اخذت الموبايل وقريت المسجات
تخبلت دكيت عليهة وتعاركت وياها
وسديته نزلت ورة بطة شفته بغرفة
امي
فاطمة:نزلت يم عمتي وظليت ابجي
وحجيتلهة الي صار وهي تخبلت
مرضت ع تصرفه شوية واجة
قائد:يمة موضوع قديم والله حتى
قبل لا اتقرب لفاطمة وبالتحديد
من فتحنة موضوع الطلاك لان
ثنينة جنة ممرتاحين بس بعدهة
كلشي تغير وحتى الكل لاحظ هذا
الشي صح لو بطة?????
صدكيني قبل كلشي هذا صار وماعندي
غيرج والله ولا رايد غيرج،،،
زين انتي عقليهة اذا مرايدج ورايد
غيرج ورايد اعوفج شلون فكرت
اخلف منج صح لو لااااا???
خلود:يمة تعوذي من الشيطان وخل
تولي شغلة وراحت لحالهة
فاطمة:ماااااشي يعني غير الشي
القديم ماكو تي اتصال جديد بينكم???
يعني خلال ال4اشهر الي راحت???
قائد:لااااا ابد،،،مكتلهة جنت اتواصل
وياهة لان ماكو داعي احجي خلص
كلشي انتهى وية سهر وما اريد
ازيد الطين بلة
فاطمة:بوقتهة انسد الموضوع بس
ظل وجهي ثكيل وية قائد بعدني
مقهورة من الحجي وقائد ملح علية
بالعكس تركني انسى الي صار براحتي،،
جان يوم جمعة وكلنة ملمومين ع
الغدة وبيت اهلي هم يمنة وبيت زيد
سوالف وضحك ارتاحت نفسيتي
بهالجمعة وتجاوبت وية قائد وهو
ارتاح وظل يشاقيني ويسولف
بهالاثناء اندكت الباب طلع يامن
من اسمع الا صوت صياح طلعوا
الولد يركضون واحنة ظلينة صافنين
ياستار شصاير مدري شكد مر وقت
يمكن نص ساعة هيج وطب ابوية
وراه عبدالرحمن عصبي كبل صاح
بية
عبدالرحمن:كووووومي لمي غراضج
ولبسي حجابج ع السريع
فاطمة:تبسمرت بمكاني شصاير رد
علية ابوية
سلام:موووو هيج عبدالرحمن خل
نفتهم
عبدالرحمن:بصياح،،رحمة لاهلك يابة
شتفتهم يعني البنية تكلك خاطبني
من ابوية وهسة جاية ادور عليه
والله محد طيح حظهة غيرك
كلما تجيك تطرد بيهة لحد ما داس
عليهة كلك خلص شما اسوي تكعد
وتسكت،،،ولللج انتي لييييش
بعدج واكفة
فاطمة:ببببسسس فهمني شصاير???
عبدالرحمن:زوجج المصون خاطب
ومحد يدري بية وهسة البنية جاية
هي واخوتهة لان الافندي ضاربهم
بعرض الحايط وووو،......
خلود:يمممممة ع كيفك فهمنة
ترى والله كلبي خلص???
سلام:عوفج منه ماكو شييي
عبدالرحمن:دخيل الله يااااااابة ترى
حيلي انهد هووو شنووو الماكو شي،،
جريت نفس استغفرالله ربي،،،
سمعي عمتي ابنج خاطب بنية
قبل شهر من ابوهة وقارين الفاتحة
بس ابوهة قبل فترة متوفي ومن
ذاك الوكت قائد مختفي وهسة جاية
هي واخوتهة وهاي شفتي الهوسة
الي سووهة بعينج
فاطمة:سمعت حجي عبدالرحمن
تخبلت اكيد هي سهر نفسهة
خلود:يمممة اخاف جذب خل نشوف
قائد ونفهم
فاطمة:ظلت الهوسة لل5العصر وراها
راحوا وطبوا كلهم اعصاب بس
عبدالرحمن فاير وتعارك هو وقائد
وراها عرفت هي نفسهة سهر واذكرت
من جان يتأخر ومهموم وكلي ابو
صاحبي توفى بنفس التاريخ الي
متوفي بيه ابو البنية تخبلت بالزايد
لان حلف ان ماكو اي تواصل بينهم
بعد ال4اشهر الي جنة بيهة سوة
والي قهرني اكثر موقف ابوية وعبدالله
ع عادي ومو اول واخر وحدة رجلهة
يتزوج عليهة ومن هالحجي بس
عبدالرحمن فدوة لكلبه هو الوحيد
الي وكف وياية،،،
عبدالرحمن:خللللص شيلوا ايدكم
من بطة ترجع وياية واني اصرف عليهة
محد اله دخل بيهة
قائد:شنووو انت بكيفك تحجي مرتي
متطلع من بيتهة
فاطمة:كلهم يحجون واني احس نار
تسعر بية وبطني تملخني اصواتهم
تعلى وتنصى ما اسمع زين وعيوني
بدت تغوش والالم ابطني زاد وكل
جسمي يختض مثل السعفة ع غفلة
صار ظلام وبعد محسيت بشي،،
قائد:صار الي محسبت حسابه
سهر انتقمت مني وللاسف مجنت
متوقعهة هيج حلفت يمين كذب بأن
اني خاطبهة وللاسف نست كل وكفاتي
الزينة وياها يعني شسوي اني صح
عرضت عليهة الزواج وكالت افكر
واردلك جواب وراها اختفت انتضرتهة
وماكو يمكن غلطت بحقهة
بس ما استاهل منهة هيج شي هي
مو بس سوت مشكلة بيني وبين مرتي
لاااا وية كل اهلي كلهم اخذوا
مني موقف كلهم صدكوا رحت خطبت
بدون علم احد وتركتهم بظهري
واخوتهة مقصروا اخوهة كدام
خالي و ولده واخوتي يكلهم
شنووو ماعنده جبير يلزمه بنات
الناس مو لعبة يعني من اجة وخطب
ضارب الكل بعرض الحايط لاااا
والادهى طلع مزوج واحنة مندري
يعني شنووو ذنب اختي تنصدم
بهيج خبر ،،،،اووووو كوووومة حجي
بحيث زيد اول مطلعوا اخذ عائلته
وراح وامي جلبت بيه
زيد:يمة رحمة لمحمد عوفيني خل
اولي لان اذا رجعت شفته امسح
بية الكاع اني تاليتي يجيني هيج
واحد مهتلف يحجي وياية هيج
وامي زعلت مني وكله بجفة ومن
طبيت وشفت بطة بجفة الوجه
مطعون احمر والدموع تنزل عشرة
عشرة ع وجهة ونضراتهة كله حزن
وعتب تعاركت وية عبدالرحمن
وتعالت اصواتنة محسينة غير ع
صوت زمن مرت عبدالرحمن
زمن:يمممة عبدالرحمن الحك بطة
قائد:شفنة بطة فاقدة بالكاع ركضت
عليهة رفعتهة امي شهكت يممممة
لك البنية يمكن طرحت،،،
ركضنة بيهة للمستشفى وبالفعل
صار الي كالت عليه امي وكع الطفل
لان اصلا هي بعدهة صحته تعبانة
ومنا موقف اليوم وضعهة جان تعبان
واحتاجت دم لان هي اصلا بيهة
فقر دم ونزفت هواية ظليت انتظرهة
تصحى ورة ساعتين كعدت تون
بصوت ناصي بالكوة فتحت
فاطمة:حسيت ع صوت قائد يمي
بالكوة كدرت افتح احس جسمي
منمل بس اكو وجع ما اعرف وين
بالضبط بطني مدري راسي لو جسمي
شفت بأيد خاليلي مغذي وايد دم
تقدم علية قائد لزم ايدي سحبتهة
منه شفت امي وعمتي صحت لعمتي
عمة الطفل،،بعني ممكملة شفت عمتي
دمعت عرفت سقطت الطفل والذنب
ذنب قائد،،،،انداريت لقائد مبروووك
ارتاحيت هسة هااااي خلصت
من اخر عائق واكف بوجهك
قائد:شبيج حبيبي ليش هيج تحجين
والله ماعندي غيرج ولا اريد غيرج
فاطمة:كااااافي افلام بطل متشبع
والله بعد ما اصدك بيك روووح
الهة رووووح ازوجهة بشرهة
بعد ماكووو شي يوكف بطريقك
اخاف جنت مبقيني علمود الطفل
هسة حتى طفل ميربطنة ماكووو
شي يربطنة بعد ماكووو
قائد:فقدت تبجي وتحجي شلت
حالي اتوسل بيهة تهدأ ماكو اخر
شي امي صاحت الدكتورة
الدكتورة:لييش هيج مزعليهة للحلوة
حبيبتي موزين عليج ارتاحي واستعيدي
صحتج وكلشي يهون ماما ترى
انتي وضعج تعبان منا فقر دم ومنا
اجهاض ونزف ترى مو عبالج شي
سهل بس الحمدلله رحمة من ربج
سيطرنة ع النزف يلة حبيبتي صيري
سباعية ومسحي دموعج ماكو
شي يسوى اذا ع الطفل هو رزق من
ربج وحمدي ربج بعده اشهر ابطنج
لحمة صغيرة مو سنين جبتي وكبرتي
وصار رجال ويجي ابن حرام يقتله
بدم بارد
فاطمة:مسحت دموعي بس بقت شهكة
قوية صحيح كلامج دكتورة بس
صدكيني ما ابجي ع الطفل لان
ع كولتج رزق
الدكتورة:كااااافي حبيبتي اهدأي
وهسة راح اضربج ابرة هم مهدء هم
مسكن حتى تنامين وترتاحين وتركي
الحجي والعتاب لوكته صحتج اهم
فاطمة:ضربتني الابرة وراحت صدك
ماكو شي اهم من صحتي كله يهون
ظليت لثاني يوم بالمستشفى وراها
للعصر الدكتورة كتبتلي خروج
جان الكل يمي صحت لعبدالرحمن
عفية اريد اروح وياك
عبدالرحمن:من عيوني حبيبتي يلة
زمن تعالي حضريهة اخذهة وياية
قائد:شنووو وياك مو بعينك،،
فاطمة:شفتهم كلهم ضد عبدالرحمن
حجيت،،،لاااااا اني اريد اروح وية
عبدالرحمن ومالي رجعة وياك بعد
رادوا يدخلون ويعترضون ومن
ضمنهم ابوية بس زيد هم وكف
وياية،،
زيد:سدوا الموضوع خل بطة تروح
وية رحمن وترتاح والله كريم عود
كعدوا واحجوا،،يلة بطة ديري بالج
ع نفسج واي شي تحتاجين
رقمي يمج ورقم زينة امانة بستهة
من راسهة مابيج غير العافية خوية
وترخصت واخذت زينة وطلعنة
لان متعارك وية قائد ومراضي ع الي
صار،،
قائد:تخبلت من راحت بطة لبيت
خالي كلت خلص مستحيل بعد ترجع
خسرت كلشي لا بطة تريديني ولا
امي تحجي وياية ولا زيد،،،،
مر يوم يومين واسبوع وماكو خبر
من بيت خالي امي تروح تسأل عليهة
وتشوفهة ومن ترجع متحجي وياية
قررت اروح بلكت اكدر احجي وياها
ارجعهة ومثل مرحت رجعت اصلا
رافضة تشوفني وخالي رزلني ومراضي
ع الي صار
سلام:شووووف قائد تدري شكد
احبكم وحاسبكم مثل ولدي كلكم
وانت من اخذت فاطمة ومكسرت كلمتي
كبرت اكثر بعيني لهذا شكد نطيت
ابنتي لخاطرك وجم مرة بمرة تجيني
واطردهة لخاطرك اكووول لاااا
قائد خوش قائد يجي يوم وكلشي
يتصلح ورغم كل هذا جنت اشوف
بنتي مكسورة ومتأذية من الوضع
بس دست ع نفسي ورضيت بس
خلص لهنا وبس شوف وضع فاطمة
وصحتهة متستاهل منك هيج
واني سبق وكتلهة لبطة وهسة
الك تبقى انت ابن اختي وابني وعزيز
علية بس بما يخص بطة لااااا
كلشي يتغير شتقرر بنتي اني وياها
هالمرة لا مراح انطي بيهة الظاهر
انت صدك استضعفتهة وشفت
مالهة ظهر تستند عليه،،،
بيومهة رجعت للبيت مخنوك طبيت
ع امي للغرفة جانت تقرة قرآن
نمت ع رجليهة وهي ظلت تقرة وبدى
صوتهة يختنك كامت تبجي واني
هم دموعي نزلت ع بطة احبهة
والله احبهة ومجان بنيتي يصير
كل هذا ظليت يم امي بيومهة ونمت
بدون ما احس،،،