نـــيـــران الـــعـــشـــق

الجزء الثالث

#نـــيـــران العـــشـــق

الجزء الثالث.....

وين الكه اليحبني بغير منيه

وين الكه الحنين ويعرف البيه

وين الكه اليحب لله

تره عشك النوارس والنهر جذبه

بس عشك القطار وي المحطه يدوم

يموت ولا تزل اجدامه عن دربه

وين الكه اليتاني العاشكه بغربه،،،،

نسير بدروب مختلفة وكل واحد منا
له وجهته كل منا غارق بهمومه
نسير عكس التيار نحاول التماسك
والتأني والتأمل بغد أشرق لكن،،
ليس كل مايتمناه المء يدركه،،
تأتي الرياح بما لاتشتهي السفن،،

فاطمة:جنت كاعدة بغرفتي ع الجرباية
وصافنة ع السكف محتارة شلون راح
اكدر اعيش وياه بعد الي صار حتى بيت
عمتي شلون راح اكدر احط عيني بعينهم
وكرايبنة تقريبا كلهة درت اكو شي
غلط صاير ولا شنووو سارة وقائد
عاقدين قبل الحنة ابكم يوم يطلك
سارة وياخذ اختهة اووووف اوووف
ليوين راح توصل ما ادري كلهة بجفة
وقائد بجفة يمة لحد هسة نظراته
ترعبني بوده يمكن يقتلني خلاص
بس اني شنو ذنبي بالي صار اني
هم ادمرت حياتي ومستقبلي،،،
ولا الي صار بيني وبين بابا لحد هسة
صافنة شلون كدرت اوكف بوجه
وهيج اعلي صوتي وادري كلش زين
هو مابيده شي هو متأذي اكثر
علية وع مستقبل سارة الي دمرته
بيده و البيت كله وحتى بيت عمتي
شايل همهم،،،شلون وكفتي بوجه ابوج
يافاطمة هذا الي كسر ظهره عليكم

:بابا انت شدتكول صدك تحجي
شنووو ذنبي فهمني

سلام:بصياح شتردوني اسوي فهموني
شسوي،،للللج اختج نزلت راسي
بعد يومين زواجهة وابن عمتج شايفهة
وية واحد،،لكمممن شحجي وشكووول
دومي رافع راسي بيكم واكول
ميغلطن هاي تالي جزاتي

فاطمة:اييي بس اني شنوووو ذنبي
الله يخليك فهمني النوب راح يطلع
قهر كلبه بية

سلام:خلص هاي هي قررت بعد الزواج
يمشي مثل ماعو مخطط اله بس
العروس انتي،،،اشششش ماكو اي نقاش

قطع علية سلسلة افكاري صوت الباب
مهتميت كائن من يكون لان حتى اهلي
كرهتهم لان غصبوني،،،بس تفاجئت
بسارة كاعدة كبالي ع الجرباية
الج عين وتجيني سارة????
جاااااية تشوفيني فرحانة لو لاااا???
احب ابشرج احساسي كأنما اعدامي
باجر مو حنتي،،ليش هيج سارة???
ليش هيج سويتي شنو الي حصلتي???
سارة:عمرج مراح تفهمين النار الي
بداخلي اني غلطت صح لمن وافقت
ع قائد بس مغلطانة من حبيت سجاد
بس الدنيا هي عكست وياية
فاطمة:عذرج اقبح من ذنبج،،للعلم
حبيبتي انتي خنتيهم ثنينهم،،خنتي
سجاد من قبلت بقائد واملتيه بمشاعر
ماله وجود،،،وخنتي قائد من ارتبطي
بيه وانتي مشاعرج ملك لشخص ثاني
سارة:اوووو فاطمة كتلج مراح تفهمين
وبعدين مصار شي يوم يومين وكلشي
ينسي وتعيشين حياتج عادي
فاطمة:انصدمت من الانانية الي تملكهة
احتي كبيت بوجهة احجي والدموع
تتناثر ع خدي،،،
لللججج انتي شنووو من بشر لج
هو شنو العادي وشلون اكدر اعيش
لج اني حياتي ومستقبلي انسلب
مني بسببج وبسبب تفاهتج وانانيتج
تعرفين قائد هسة شنووووو
عطت تعرفين
سارة:صفنت بوجه فاطمة واني اشوفه
شلون ترجف وتبجي وتحجي بصياح
فاطمة:لج قائد صاير عبارة عن كتلة
نار يمشي ويحرك الاخضر واليابس
ولج بيوم الي اجة وشافني جان يتمنى
يذبحني بمكاني ولا اربط اسمي بيه
وهسة حضرتج جاية تكولين ينسى
وتعيشين عادي،،،زين انييي منوووو
لج احجي اني منوووو بالنسبة لقائد
سارة:بقهر انتي فاطمممة
فاطمة:لااااااا اني اخت البنية الي غدرت
بيه وخانته،،،اني اخت البنية الي حبهة
من كل كلبه وتنازل هواية في سبيل
يرضيهة،،،وهسة شنووو رأيج بعدج
مصممة ان راح ينسى ويعيش عادي
وياية
سارة:كمت حضنتهة صدكيني انتي بيدج
تكدرين تنسين
فاطمة:وانييي منووو ينسيني،،،
منو راح يعوضني عن احلامي،،خلص
سارة كلشي انتهى بعد اني وقعت
ع اعدامي والله يعلم شوكت راح اموت
حياتي وية قائد موت ع البطيء
سارة:ظليت صافنة ع فاطمة شلون
وصلت اختي لهالمواصيل هاي بطة
الهادئة الي مينسمع صوتهة ودائما
تضحك بوجه الرايح والجاي وكأن
هي بلسم اطيب كل جرح ونسمة هوى
ربيعي تنعش البدن هيج حالهة
عفتهة وطلعت من الغرفة واني كارهة
روحي شسوي يا ربي شلون اكدر
انقذهة مستحيل بعد احد يسمعني
ويفهمني ماكو غير حل واحد بس
اييي بس هو الي يسمعني لازم يفهم
بطة مالهة ذنب بأي شي بطة بريئة
وفقيرة حرام يصير بيهة هيج
نزلت بالختلة واخذت تليفون امي
وصعدت للغرفة الفوك لان من صارت
المشكلة ابوية مقبل انزل جوة بعد
وهمة يصعدولي الاكل،،،
طبيت سديت الباب ودكيت ع قائد
ظل يدك مرة ومرتين ثالث مكالمة
يلة جاوب صوته جان مال واحد نايم
قائد:حياتي انكلبت كلاب من يوم
الي كشفت خيانة سارة وكسرتي
الثانية جانت طلب من عمي ان استر
ع بناته ومينفضح ان اخذ فاطنة بدل
سارة شكد حاولت اقنعه بس ماكو للاسف
غلبني لسه اذكر كسرته هو بالمستشفى
نايم والاجهزة موصله لجسمه
ظل يتوسل بيه وجر ايدي باسهة
هذا الموقف هزني لان هو مو بس خالي
لااااا هذا الرجل اله افضال عليه
لوما الله وهو جان حياتنة ادمرت
هو وكفلنة وكفات حلوة الي ولاهلي
وساعدنة ماديا ومعنويا،،،
بذيج اللحظة اتربطت ما ادري شسوي
امي هم كالت خالي ميستاهل الناس
تحجي عليه صار الوكت الي توكفله
مثل ما وكفلك واضطريت اقبل بس
المشكلة فاطمة ماعندي اي صلة بيهة
صح بنت خالي بس ماعندي اي علاقة
بيهة مجرد سلام كلشي ماعرف عنهة
والكارثة الاكبر هي اخت سارة يعني
بكلمة او تصرف راح اشوف بيهة سارة
جنت منهار وفاقد اعصابي اي واحد
يصير كبالي انهد بيه فقدت السيطرة
ع نفسي وكرهت الدنيا،،،،
اليوم رجعت من شغلي الظهرية وصعدت
كبل لغرفتي حتى غدة متغديت وجريتهة
نومة لل6المغرب فززني صوت الموبايل
يدك بالكوة فتحت عيني شفته رقم
مرت خالي رديت،،،الووووو،الووووو
اسمع صوت نفس بس محد يجاوب
بعدها جاني صوتهة وصحة كل جرح بيه
سارة:شلووونك قائد
قائد:ههههه والج عين تسألين عن حالي
سارة:اني اسفة بس صدكني ما اكدر
اشرحلك شي ولا اكدر افسرلك سبب
الي صار
قائد:ليش لج يولي حبيتج من كل كلبي
ولج اني قائد الي كلهة تحلف بأسمي
لليوم مطخيت راس لاي بشر بس
لله وامي تجين انتي تالي هيج تسوين
بس اريد افهم شي واحد انتي راضية
عن نفسج هسة حطمتي حياة ثنين
لج اني طز بيه مفكرتي بأهلج ابوج
اخوتج شلون يكدرون يمشون بزودهم
بعد ولا هاي اختج الي دفعت ثمن.....
سارة:من وصل لفاطمة قاطعته،،
قائد اني خابرتك لسبب ميخصني لاااا
يخص فاطمة
قائد:استغربت خير ياربي النوب فاطمة
شمسوية
سارة:بالعكس فاطمة فقيرة لليوم
مغلطت بشي ولا سببت اذية لاحد
بس هي اكثر وحدة تأذت بالي صار
رغم هي مالهة اي ذنب قائد صدكني
فاطنة مراح تلكه منهة ثنين هادئة وداخلهة
طفلة بريئة شكد متتصور وحساسة
يعني هي عايشة دمار صدكني لو
تشوف حالتهة مستحيل تكول هاي
بطة الهادئة الي عمرهة مسمحت لغضبه
يستحله بس الي صار وكعت ضحيته
بطة وبس انت رجال تكدر تنسى
وتجيك وحدة بيوم تنسيك الي صار
بس بطة لاااا لانه بنية والمجتمع ضدهة
مثل ما اهلي حملوهة ذنب غلطي
باجر عكبة يحملوهة ذنب غلطك
وياها او غلط اهلك
قائد:مفهمت يعني هسة انتي حاسة
بذنب اتجاها او جاية تشرحيلي شخصيتهة
تدرين انتي انسانة غريبة اووو صلفة
اييي صلفة يعني رغم سوايتج هاي
عادي عندج ادكين علية وتحجين
وياية يعني افهم هسة انتي خايفة
ع فاطمة لا اذب حركة كلبي بيهة
واطلع قهري منج بيهة???
سارة:اييييي
قائد:ما ادري شكولج او شحجي وياج
يعني انتي ليوني ناوية توصلين
يعني ورة منفصلتي عني شناوية
تسوين???
سارة:ما ادري قائد كل الي يهمني هسة
ان متظلم بطة الله يخليك والله
متستاهل صدكني
قائد:ظلت تبجي وتشهك متحملت
كلبي النذل رجع حن الهة شلون
اكدر انساج،،،اممم كافي اسكتي لاتبجين
الله كريم
سارة:احجي وابجي قائد لو شايفهة
شلون صايرة تعبانة والله تعبانة فوكاها
الكل محملهة ذنب بالي صار
قائد:ليش محمليهة ذنب
سارة:لان جنت وياها بنفس الغرفة
ولان دائما ساكتة ابوية كاللهة انتي
كلشي تعرفين بس تضمضمين الهة
ورنا مرت عبدالرحمن تحركهم عليهة
بلة اني استاهل لان اني سبب المشكلة
بس هي لا خطية والله متستاهل
اختي الاصغر مني هيج يصير بيهة
بسببي
قائد:متحملت بجيهة وعبالك نسيت
الي صار ظليت اسكتهة واهدئهة
سارة:اريد وعد منك متأذيهة قائد الله
يخليك ان شاءالله حوبتك وقهر كلبك
بية يطلع بس الهة لاتحملوهة ذنبي
قائد:خلص كافي اهدئي والله وعد مني
ما اذيهة ولا ادخلهة بالي صار بس
ع شرط
سارة:شنووووو
قائد:تكون كد ثقتي واماني بيهة بس
اذا غلطت هي هم وراها راح يكون
عقابهة اشد من عقابج
سارة:صدكني مراح تندم فعلا بطة
هي الي تناسبك لان هادئة وتكدر تمتص
غضب اي واحد وتتحمل كلشي مو
مثلي احب اسيطر وافرض رأي واحب
املك كلشي
قائد:الله كريم،،صدك امج تدري بالتليفون
سارة:لاااا ابد محد يدري جازفت
اخذته بدون علم احد حتى بس احجي
وياك بموضوع بطة
قائد:مااااشي
سارة:يلة اني اروح اخاف امي ادور موبايلهة
قائد:مااااشي،،سااااارة
سارة:هاااا
قائد:ديري بالج ع نفسج وصدكيني
حبيتج من كل كلبي وحلمي جان ابيت
يجمعنة
سارة:بندم،،جريت نفس وكتله انت
تستاهل وحدة احسن مني تقدرك
وتثمنك لاني ما استاهل هذا حبك
يلة بيباي
قائد:الله وياج،،،سديته من سارة واني
حاير معقولة هسة حجيت وية سارة
وبهيج هدوء معقولة انكسر كلبي
عليهة من سمعت بجيهة بس يمكن
لان حسيت بندمهة ايييي جانت تحجي
وهي مكسورة بس كسرتهة الاكبر
ع اختهة لان حست هي ظلمتهة
ما ادري بشنو دتفكر يا قائد شلون راح
تصرف ظليت افرك بوجهي رفعت
راسي جفلت بأخوية زيد واكف كبالي
وصافن،،،خيرك ابو فهد جفلتني والله
زيد:هو اني لو انت الي صارلي ربع
ساعة واكف احجي وانت ولا يمك
خيييير ويامن جنت تحجي
قائد:صفنت شوية وكتله سارة
زيد:شنوووو سارة ع شنو تحجي
وياها مو كلنة خل يولي الموضوع وسديناه
خالي لسه مريض لاتخبلني قائد
قائد:لااااا يمعود شبيك هبطت بس
تصدك حجيت وياها وابد معصبت ولا
حتى اتجاوزت
زيد:يعني شنووو خوية
قائد:لاااا مو الي ابالك مستحيل ارجعهة
بعد دام خانت بسهولة ما اكدر امن بيهة
بعد
زيد:تمام لعد بشنو حجيتو
قائد:بخصوص فاطمة
زيد:شبيه بطة
قائد:ليش كلكم تصيحولهة بطة وهي
ناعمة وضعيفة
زيد:ضحكت لاااا يابة دلعهة بطة من جانت
طفلة عمرهة اشهر سمنت كلش وخدود
عدهة مدنفشة وكيمر من البياض
عاد مشه عليهة لقب بطة لحد يومنة
هذا،،،بس مكتلي شبيهة بطة
قائد:يعني ظلت تكولي لا تأذيهة وهي
مالهة ذنب بالي صار وهي فقيرة ومن
هالسوالف يعني
زيد:تصدك ان كلنة جنة نتمنى تاخذ
بطة لان صدك مثل مكالت سارة بطة
هادئة وحبابة واحلى صفة بيهة
هدوئهة تكدر تمتص غضبك بثواني بدون
متحس
قائد:ضحكت نفس حجي سارة
زيد:شوف خوية الي صار صح صعب
عليك وهاي زلة شيطان بعد وصارت
وبالفعل البنية مالهة ذنب بالي صار
كلنة عايفيك براحتك ذيج الايام لان
حقك الي صار محد بينة يتحمله بس
يا خوية صارت بعد وخالي ميستاهل
الا الخير وان شاءالله بمرور الايام
كلشي ينسي
قائد:ان شاءالله،،بس زيد اني مستغرب
من نفسي شلون هيج جنت هادء
زيد:يجوز طريقة كلامهة اختلف وياك
لان بجت وحست بذنبهة وانت اكيد
ممتعلم ع هيج اسلوب منهة فهدئت
وكدرت تمتص غضبك عليهة بهيج
طريقة
قائد:يمكن،،،
زيد:يلة تعال انزل وياية امي راح
تموت من قهرهة عليك والنوب خابرت
ع خالي وسمعت بيه متخربط
قائد:شبيه شوكت تخربط
زيد:الظهر متخربط والولد ماخذيه اني
قبل شوية جيت وشفتهة تبجي وكالتلي
خالك تعبان واخوك راح يموت من
القهر
قائد:هسة اسبح وانزل وراك،،سبحت
ونزلت شفت امي بالهول كاعدة والسبحة
بيدهة تسبح رحت عليهة وبست
راسهة شلونج يوم
خلود:هلاااا يمة بشوفتك صرت زينة
خل اكوم احميلك الغدة
زينة(مرت زيد):خليج خالة اني رايحة
شلونك قائد
قائد:هلة بأم فهد برحمة الله،،طبعا
علاقتي بزينة كلش حلوة حسبة اختي
زينب وهي لازمة البيت وية امي
يعني عادي تخدمنة وية زيد متستنكف
بس ملابس يامن امي تغسلهن وملابسي
اني اغسلهن واكويهن ،،،،
زينة:قائد تاكل بالمطبخ لو يم خالتي
قائد:لاااا يم الحجية ولو اتعبج ام فهودي
قائد:تعبك راحة عيني وهاي احلى
صينة غدة لعريسنة
خلود:فدوة لكلبج يمة الله يرضى عليج
زينة:بست راسهة يلة اني راح افلت
لغرفتي وانتو اخذوا راحتكم 
خلود:روحي يمة
قائد:شبيج يمة اشووو تعبانة مبين
خلود:اوووف يمة خالك كسر ظهري
مريض وتعبان حيل
قائد:خل اكمل واخذج ونروحله
خلود:صدك يمة يعني عادي تروح
قائد:ليش لعد ما اروح خالي ميستاهل
هيج شغلة صارت وراحت بعد
خلود:يمة قائد لاتجبر روحك ع شي
يمة
قائد:حجية سالفة صارت وراحت لا
بحقدي عليهة راح يرجع كلشي
ولا من ادير وجهي لبيت خالي راح
انسى اول وتالي بنته راح تعيش وياية
يعني اختهة
خلود:الله يبرد كلبك يمة ويريحك ترى
بطة خوش بطة وهسة تشوف شلون
الايام تثبتلك ترى من زمان اني حاطة
عيني عليهة وردتهة الك بس انت ختاريت
بعد ومكدرت احجي شي
قائد:يمة بس البنية صغيرة علية اني
33 وهي يادوب راح تدخل ال19
خلود:ابني ترى اني اصغر من ابوك ب20
سنة وما شاءالله شلون عشنة وخلفتكم
مثل الورد
قائد:هاي هي الله كريم،،
فاطمة:ظليت بغرفتي مطلعت ابد
مالي خلك احد حتى نفسي كضيتهة
بس بجي،،،ومنا ابوية الي كل شوي
يتخربط يعني البيت كله داخل بحالة
نفسية زفت جنت نايمة ما ادري شوكت
غفيت حسيت امي تكعدني،،،هااااا
ماما
اسماء:كومي بيت عمتج خلود هنا
فاطمة:حصرتني البجية اييي وشنوو
يعني
اسماء:جوي ع ابوج يشوفوه وقائد هم
عدلي نفسج وترتبي وتعالي سلمي عيب
فاطمة:ما اطلع عوفيني وسحبت الغطة
ظلت امي تحجي وترزل بصوت ناصي
سحلتني سحل للحمام غسلت
وطلعت عدلت ملابسي جنت لابسة
تراكسود نيلي وبي كتابة ذهبي
وشلت شعري عالي حتى تمشيط ممشطت
رحت للهول شفت بيت عمتي كلهم
حتى زيد ومرته والجهال وابوية
سودة علية وجهة ذبلان حيل واصفر
وبأيده كانونة اول مفتت سلمت
عليهم بوست عمتي و زينة وزينب
وبوست جهال زيد سلمت سلام
عادي ع قائد متجرأت ارفع عيني عليه
ابوبة اشرلي بأيده رحت كعدت يمه
ظل يمسح ع ظهري اني اختنكت
مكدرت ابجي شكله يقهر حاس
بالذنب لان غصبني اصير لقائد
بسته من جتفه وهو نزلت دموعه
حضنته حيل ودفنت راسي بصدره
وشهكت بالبجي بالكوة رفعت راسي
من صدره واني اسمعه يبجي بقهر
مسحت وجهة بيدي وجريت ايده
بستهة بابا فدوة سامحني موقصدي
ارفع صوتي عليك ولا قصدي اغثك
خلص الي تأمر انت بيه اني حاضرة
كلشي ولا احد يمسك بحجاية
سلام:مسامحج بوية دنيا واخرة
وراضي عليج من كلبي وادعي ربي
يرضى عليج ويسعدج،،
فاطمة:انداريت الكل صافن علينة
والدموع تجري الكل يبجي ع شي
بكلبه جتي عيني ع قائد وجه احمر
وعيونه مليانة غضب ويهز برجله
بتوتر ويفرك بيده هذا الشي زاد من
خوفي وتوتري اكثر قائد شعلة نار
تحرك كلمن يندك بيه،،،
كام زيد ع ابوية وحضنه ونزلت دموعه
وهو يشوف وضع ابوية،،،
زيد:خلص ياعمي شغلة صارت وراحت
واحنة ولد اليوم كلشي يهون لاجل
راحتك وتهتم لشي بطة بعيونه
وان شاءالله منقصر بشي وياها
لو شتكولين بطة
فاطمة:ابتسمت بوجه زيد ودموعي
تجري نزلت راسي خطية هو هم
كام وباس راسي
زيد:بطة اختي الصغيرة وان شاءالله
ما اقصر بيوم وياها وان شاءالله
الي صار ياخالي نشمره ورة ظهرنة
ولاتشيل هم موضوع سارة وياك
اني للاخير احلهة الك بعون الله
فاطمة:طب عبدالرحمن وياه زمن والجهال
جانت يم اهلهة سلمت ع الكل وجتي
علية بوستني
زمن:ياحبيبتي هاي شصاير بحالج
فاطمة:داموت زمن والله داموت من جهة
بابا ومن جهة قائد ومصيري وياه
زمن:تنحل ان شاءالله بس خل يكوم
عمي بالسلامة وان شاءالله خير
فاطمة:ان شاءالله
زمن:تعالي وياية للمطبخ عندي شغلة
فاطمة:ترخصت ورحت للمطبخ شكوو
زمن:باعي ترى رنا نوصلة المشكلة لاهلهة
وكابين كلهم ومتعاركين وية عبدالله
لو يطلع من اهله لو يطلكون رنا منه
وياخذون الجهال
فاطمة:عزززة بعيني لج انتي شدتحجين
والله ابوية يموت اذا دره شفتي انتي
حالته
زمن:ادري والله لهذا السبب جيتج
فاطمة:احجي زمن ترى شوشتيني
زمن:بااااعي اذا حجيتي وية قائد و
قنعتيه ان يوكف بوجه اهل رنا ويكذب
كلشي صار اكيد راح ينجبون ويسكتون
فاطمة:ايييي احجي وياه بلكن تنحل
قبل لتوصل لابوية وعبدالله وينه هسة
زمن:ابيت اهلي وية ابوية
فاطمة:الله اليستر والله انتي غريبة
وهي غريبة شنو الفرق بينكم
زمن:الله كريم كلشي ينحل

اصفن على العمر خلصته بس هموم..
واباوع على الزمن وشلون جازاني..
اثاري بهالوكت ماينفع الطيب..
والطيب يظل كل عمره وحداني..
واليمشي عدل ع النيه وي الناس..
يظل طول العمر مجروح ويعاني..

يتبببببببببببببببببع