#نـــيـــران الـــعـــشـــق
الجزء السادس....
منين ماباوع اشوفك غاثني
وزعلان اگلهم زحمه اگلهم عافني
وصعبه انذب م̷ـــِْن گلبك يالحنين
كون شيخ م̷ـــِْن العشيره وذابني
چلبت بيك ونكثت ايدي ومشيت
وتوسلت بيك بوكتهه شمالني
وگلبك الماحن علي لاچمني حيل
باوعتله وبالچذب ماصاحني
انته كاسر خاطري بگفاي
ساعت السوده العشك م̷ـــِْن جابني
الناس تبچي ع البچو ع اليشترون
وانه ابچيلي ع واحد باعني .......
سارة:كاعدة بغرفتي عزلت نفسي
عن الكل مر ع زواج بطة شهرين ونص
بس ولامرة جتي مرات اسأل امي
عنهة تكول زينة الحمدلله ع اتصال
هي وامي،،شكد حاولت اتصل بيهة
واسألهة شلونج بس مالي عين احجي
وياها خصوصا اول حية واخر جية
النة للموت ما انسى نظرتهة كلهة
عتاب وكره ايييي اكيد كرهتني ع كل
الي صار وياها والله اليعلم شمسويلهة
قائد وجاية بهيج حالة واليقهر اكثر
ان ابوية طردهة حتى بعد مكالت
ضربني وشوفت وجهة لابوية
عسى ولعل يعطف عليهة ويبقيهة
بس ابوية زاد الطين بلة وسمعهة حجي
اني من يمي كرهت روحي هي شلون
لعد،،،،،
وكل قهري بكفة وقهر سجاد بكفة
ثانية،،،
بعد زواج بطة بأسبوعين اجتني
امي
اسماء:باعي بتي سجاد طلبج ايدج
من ابوج وابوج وافق
سارة:بفرح،،،شنووو صدك ماما
اسماء:ايييي بس هاااا ابوج كال
كولليلهة هذا اختيارج وانتي تتحملين
ومحد يدخل بيج بعد
سارة:تمام،،تمام،،
اسماء:بنتي شجابرج ع هذا ولد بلا اخلاق
لا يغرج جماله واناقته لا تباعين
هيج اني شفته ابوج شوفني صورته
ماكل عقلج بشكله واناقته صح
هو احلى من قائد بس انتي اخذتي
شكل وضيعتي جوهر
سارة:ماما سجاد حباب وخوش ولد
صدكيني وفوك كل هذا يحبني حيل
صح هو كشف كلشي كدام ابوية
بس صدكي اني اعرفه سوة هيج
لان شاف ماكو حل
اسماء:ع العموم خلص هاي حياتج
بعد وانتي مسؤولة وهاااا خل يكون
بعلمج ترى امه وابوه مقبلوا يمشون
عليج راح يجي بس هو ومدري
المن راح يجيب،،بس ابوج هم منطه
بيج كله اذا تجي وحدك مالك مرة يمي
سارة:بصدمة ليييييييش???
اسماء:مو كتلج شلج بشلعان الكلب
اهله مرايديج كارهيج وصافين وية
مرته مراضين ياخذج عليهة
سارة:شنوووو لحظة انتي شدتحجين
شنووو ياخذني عليهة عليمن ياخذني
اسماء:شبيج ثولة انتي مرته غير
سارة:وكفت لحيلي شنوووو مرته
سجاد مزوج
اسماء:ايييي يا الغبية ليش متدرين
مزوج وعنده 3ولد
سارة:لاااااا مستحيل فدوة الله عليج
جذب مووو ابوية دزج تكولين
هيج حتى ارفضه مووو احجي الصدك
سلام:لااااا مو جذب الزبالة مالتج
متزوج وعنده اطفال واهله رافضين
زواجه منج ومرته مو غريبة بنت عمه
سارة:ظليت اضرب ع رجلي مستحيل
شديصير شلون كذب عليه شلون
محسيت بهذا الشي
سلام:هاي كتلتي روحج عليه وطيحتي
رووسنة خلص اخذي واتهني
سارة:ااااا باااابااااا انننيييي ممما
ارييده
سلام:بصياح شنوووو ولج شنوو
ما اريده سويتي كل سوايتج وتاليتهة
تكولين ما اريده اشووو تريديهوغصب
عليج لج بسببج طردت اختج
وخشنت خاطرهة
سارة:ظليت اصيح اييي ما اريده
لو يبقى اخر واحد ما اريده ظل ابوية
يضربني واني اصيح ما اريده
اخر شي امي اخذت ابوية وطلعت
واني اسمعه يكول والله اشمرهة علية
بكيفهة سوتنة لعبة اريده وما اريده
مر اسبوع والوضع هادئ ماكو شي
جديد واني بس الدمع صفالي
لا اكل لا شرب شلووون جذب علية
شلوووون،،،،
بيوم كالعادة كاعدة بالغرفة وسمعت
اصوات جوة ورة شوية صعدت
زمن وامي
اسماء:كووومي سارة ابوج يكول
خل تبدل وتنزل
سارة:لييييش???
اسماء:لييييش يعني اجة عريس الخفلة
وراح يعقد عليج اليوم
سارة:كمزت شنووو ما اريده امشي
روحي كوليله ما اريده محسيت غير
امي ضربتني راشدي خنست
اسماء:والله،،،والله ثم والله يا سارة
اذا كسرتي كلام ابوج ومنزلتي اطيح
حظج فهمتي ابوج مريض كتلتج
ع ايدي اذا صتر عليه شي كدامي
لبسي سلاباتج ونزلي حقيرة،،،
سارة:كمت غسلت ولبست فستان
كريمي وخليت مكياج خفيف وشلت
شعري عالي وكارهة روحي نزلت محد
جاي من النسوان،،،اكلج زمن من جاي
زمن:والله ما ادري شكلج حبيبتي
جاي بس هو وخواله ثنين وشيخ
حتى يعقدلكم
سارة:زين ابوية مو كال ما انطيج اله
الا اذا جاب اهله
زمن:صوجج لو ساكتة البارحة ومحاولة
تحجين بأسلوب لين جان رفضه بس
انتي من رفضتي عمي تخبل سمعته
يحجي وية عبد لان الولد مقابلين
بس بسبب رفضج عمي كلهم هااااي
تلعب يومية واحد خل نزوجهة ونستر
عليهة شفتي شلون غلطتي
سارة:زمن بدون شعور صار الي صار
زمن:يعني انتي صدك متعرفين بيه
مزوج وعنده جهال
سارة:لاااااا والله ما اعرف،،،
زمن:يلة الله كريم ان شاءالله الجاي خير
سارة:ظليت كاعدة بالمطبخ ورة
نص اجة عبد يحجي وية امي واخذني
وكفت اباب الاستقبال واسمع كلام
الشيخ بالكوة كلت موافقة امي واكفة
يمي وتكرص بيدي حتى احجي
تم العقد وظليت ابجي اجة سجاد
ولبسني الذهب وابد مباوعت بوجهة
وراها كمت وعفته وصعدت للغرفة
وظليت ابجي كارهته ياربي كارهته
شلون اكدر اكمل وياه صفنت اييي
سارة هاااي حوبة بطة مثل ماعاشت
بسجن وية قائد هسة انتي راح
تعيشين بسجن وية سجاد،،،
لليل جتني زمن ابوية طالبني نزلت
جان كاعد بالهول وامي والولد يمه
نعم بابا
سلام:شوفي سارة الي ردتيه صار
بس والله يا سارة هالمرة اذا لعبتي
بذيلج صدكيني هالمرة اموتج خلاص
فاهمة هاي شغلة والشغلة الثانية
ما اريد يوم والثانية متعاركة وياه
لو وية ضرتج وتجيني زعلانة حالج
حال اختج تجين ساعة زمان خطار
وتروحين غيرهة الزمج الباب هذا اختيارج
وغلطتج بعتي الغالي بالرخيص
وحصدتي الي زرعتيه فاهمة،،،
وترى زواجكم قريب هو اخذ بيت
طابقين واثثهن الج الفوك وضرتج الجوة
وباجر امج تاخذج هي ورحمن تشوفون
النواقص سويتهة مو لخاطرج
لاااا لخاطر الناس متحجي شي
ولاااا لو علية اشمرج شمر علية بلا
عرس بلا شي
سارة:رجعت لغرفتي مخنوكة كلمة
ضرتج مثل الخنجر وتجرح بصدري
نمت بدون عشى كعدت ثاني يوم
رحنة اني وامي رحمن ظل بالسيارة
مقبل ينزل شفته حلووو البيت
طرمة وحديقة واكو درج يودي
للطابق الثاني صعدنة البيت كلش
حلووو تصميمه واثاثه مثل مجنت
اخطط واطلب منه وجاهز من كلشي
مثل ما احب بس هالمرة ماكو حب
بداخلي لاااا اكو كره وغصب شكد
حاول سجاد يحجي وياية واني ع
كد الكلمة راد ينطيني تليفون بس
ابوية حذرني يخاف لا اسوي مشكلة
ثانية وهالمرة حتى سجاد يبطل يتزوجني
شكد مسببة خوفة وقهر لاهلي
احس امي ع اعصابهة باقية وحتى
ابد محجت وية سجاد استعجلتني
وطلعنة وطول الطريق ظلت تحجي
علية والقهر عرفت شي ثاني عن
سجاد طلع يشرب بس شعجب ابوية
قبل بكل ذني وكلت اسئل زمن
بلكت تعرف شي
زمن:ليش متدرين يمعودة شسوة هدد
عمي يفضحج اذا موافق ع زواجكم
وحلف بس يسمع احد متقدملج
يشوفه صورج ويكوله عنده علاقة
بيج
سارة:وعود بابا من كل عقله صدك
زمن:شوووف هاي البطرانة لج
بابا غير اجة سكران باليل وظل يصيح
وسوة هوسة بالشارع وردنة ننفضح
وعمي والولد بالكوة سكتوه ربج
سترهة ولا جان هو سكران ومو بوعيه
وجان مطلع صورج حتى ينشرهن
وربج الحمدلله كف شره وما انفضحنه
سارة:كمت من يم زمن واني بدوامه
سجاد مو مثل مجنت متوقعته بلا
غيرة وضمير شلون كدر هيج يسوي
بلة لو ناشرهن وهو مو بوعيه جان
شصار?????
تعال ارجع يوكتي ارجوك رايح وين
بعدني زغير مو كد حزن الايام
تعال ومن تجي جيب الافراح وياك
تراها العين ما طبك جفنها ونام
وحتى الروح جانت تحلم تعيش
بائت بلفشل كل ذيج الاحلام
وهم يتبع وهم حتى السراب يعيش
وخيال يجر خيال وطلعن اوهام
تعال اللخاطر الله العمر خلص اه
وحتى الاه اكتمها من الالام
عسى الله ويجي وفرح بيوم الكاك
واطيحا بيك اكشف ذاك الالثام
حتى تبين اوجوه الوياي وياي
واشدآ لليضدني عنان ولجام
أنت تقرأ
نـــيـــران الـــعـــشـــق
Romansaفتاة تقع ضحية لأخطاء أختها،،وكان الثمن حريتها،، سجنها من أقرب الناس إليها،،، ياترى هل يفك أغلالها القدر???? أم ستظل سجينة الماضي????
