نـــيـــران الـــعـــشـــق

الجزء الحادي عشر

#نـــيـــران الـــعـــشـــق

الجزء الحادي عشر.....

مـارأيـك أن أهـواكَ عـلى طـريـقتي
بهدوءي..بصخـبي
بـتمردي..بـجنونـي
بـمكري..بـشــقاوتي
سأصـدر دســتوراً جـديداً للـغرام
يـخالـف كـل شــعائر الـهوى
أخـط بـنوده حــسب رغـبتـي
و إن لـم يعجـبك الـحال نـعود للـبدايـة
و أهـواك مـن جـديـد....

فاطمة:
تغيرت هواية شغلات بيني وبين قائد
صرنة نتقرب من بعض واحس بأهتمامه
بأبسط الاشياء الي تخصني تركت
الخط وصار هو يوديني ويجيبني
وكمت اروح لزينة او هي تجي يمنة
وتعلمني شلون اتصرف واكسب
قائد والصراحة اني بديت اميله
واشتاقله وعمة خطية فرحانة
ودوم تدعيلنة بس خايفة ليخوني
احساسي وتطلع مشاعر قائد مو نفس
محلمت يمكن اشفق علية بسبب اخر
مشكلة صارتلي وية اهلي،،،
قررت انسى كل هالامور واتركهة
للايام،،،،
قائد:حياتي تغيريت بين يوم وليلة
من يوم الي حجت وياية امي واني
صرت اشوف فاطمة بغير صورة
وصارت تجذبني بكل تصرف من
تصرفاتهة احسهة كبرت مو نفسهة
فاطمة الي جنت اشوفهة قبل
وكأن انخلقت انسانة جديدة ابمكانهة
حتى شقاها وضحكتهة كلشي،،
كلشي بيهة اختلف مدري اني الي
جنت غافل عنهة وممخلي بالي
وياها،،،،
كمت افتقدهة وع طول مشغول
فكري بيهة احتوتني بأهتمامهة
واسلوبهة كمت افكر يا ترى من
راح ارجع شنو الاكلة الي محضرتهة
من الي احبهن????
ياترى شلابسة???تنتظرني لاااا???
من ارجع هم اشوف اللهفة بعيونهة
وتتلكاني بضحكتهة???
كل هاي الشغلات خلتني انجذب
الهة،،،،،

خلود:بطة،،،،بطة،،،،
فاطمة:هااااا عمة،،،،
خلود:يمة اليوم بيت زيد غداهم يمنة
وعمات قائد حنان وجنة ونضال يجونون
وزينب هم تجي
فاطمة:هلا بيهم عمة اني لفيت جدر دولمة قبل
يومين  تريدين احطهة ع النار وهسة
احضر شي وياها ودزيلنة واحد من الولد
يجيب سمج،،
خلود:اييي طلعي الدولمة واني راح
اخابر قائد يدز يامن ع سمج وشوفي
شسوين وياهن بعد،،
فاطمة:ماااااشي،،،
خلود:صدك بطة اشووو اليوم ممداومة???
فاطمة:ماعندي شي والصدك غير
كعدت كلش نعسانة
خلود:اييي ادري شعندج سهرانة وعدج
دوام????
فاطمة:لاااا مووو قائد جان سهران
يباوع فلم وجان مسوي شامية
وكرزات وع الواهس كعدت وياه
خلود:يممممة انتي اكسبي بتصرفاتج
الحلوة انتي ما شاءالله مناقصج
شي والصدك غير قائد هواية متغير
خصوصا وياج كفاية صارله فترة
مشارب وانتي شفتي اخر فترة شلون
تخبل بس هسة لاااا كلنة منتبهين
عليه وحتى من نكعد عينه عليج
24ساعة خليج هيج وياه بس
شنووو تلحلي شوية راح يصير سنة
متزوجين وكلشي ماكو
فاطمة:ضحكت،،عمة ع كيفج ترى
كلهة ثمن اشهر
خلود:ايييي ظلي،،،ظلي،،دتحسبين
للسنة
فاطمة:ضحكت ورحت للمطبخ حطيت
جدر الدولمة ع النار والتهيت انظف
البيت
قائد:جنت كاعد بالمكتب ويمة جماعة
دك تليفوني شفته امي ترخصت
وطلعت برة الوووو هلا يمة
خلود:الله يساعدك امي
قائد:ويساعدج حبيبة،،امري??
خلود:فدوة لكلبك حبيبي اليوم بيت
اخوك يمنة ع الغدة وبيت عماتك
حنان وجنة ونضال،،وزينب هم، وزيودي مشتهي
سمج اريدلك ادزلي يامن يجيبلي
سمج من صاحبك وبالبيت نشوي
قائد:تدللين بس شيوكفج يمة
ع التنور???
خلود:مو اني يمة بطة اليوم الغدة بيدهة
قائد:هااااا مااااشي اني هسة جاي
وراح اخلي يامن بالمكتب بس
يمي جماعة شوية ويطلعون
خلود:لاتعطل شغلك يمة دزلي يامن
قائد:لاااا يمة اني اجي اشويهن وية
بطة خاف عدهة شي
خلود:ضحكت يمممة وليدي صار مفضوح
ربي اهدي واسعده هو وياها،،،
اييي ماشي يمة بس مو تتأخر
قائد:صار يمة يلة الله وياج
سديته من امي وكملت شغلي و وصيت
يامن ع المكتب وكتله عود ادكلك
من يكمل الغدة سد المكتب وتعال
رحت لصاحبي جبت 3سمجات
و وصلت للبيت شفت امي بالحديقة
كاعدة سلمت عليهة وبستهة من راسهة
لعد بطة وين???
خلود:جوة دتنظف طردني متخليني
اساعدهة بشي
قائد:ايي طبعا اكعدي وارتاحي اكلج
صدك شعجب منطيتي خبر من البارحة
ع عزيمتج???
خلود:والله كالن ع العصر يجن
ومنا زيودي خابرني غداه يمي وزينب
هم عاد كلت لمة تصير حلوة عاد خابرتنهن
قائد:كل الهلا بس عبالي اكو شي
لاسامح الله وهيج فجأة،،،
طبيت للبيت من باب المطبخ سمعت
صوت بطة بالاستقبال تحجي بالتليفون
فاطمة:ولج انتي بس دتعالي وعود
ادللي اشويلج ترايفل بالفواكه
واسويلج اطيب كيكة بعد شتريدين
قائد:احمم،،الله يساعدج
فاطمة:هلاااا بيك ويساعدك،،يلة
زنوبة اني اروح احضر السمج،،يلة
بااااااي،،،
قائد:صفنت عليهة لابسة دشداشة
قصيرة وردي ورافعة شعرهة كبوبة
ياربي شكد محلوة هالبنية خرب
غيرتك قائد شكد اعمى لعد
فاطمة:شفته صافن عليه تعمدت
رحت علية و وكفت قريبة منه و
وكفت ع اطراف اصابيعي ونفخت
بوجهة وضحكت هو عبالك جفل
شبيك وين صافن
قائد:اويلي يابة هسة اذا الزمج واعضج
احد يكلي ليشش???
فاطمة:اييي طبعا انيييي
قائد:هو خل الزمج عود ذاك الوكت احجي
فاطمة:حسيت حرارة صعدت لراسي
ضحكت كدري شلون ثنينة جتنة
هيج جرئة هو هم ضحك وحك
لحيته واتنهد بتعب يمكن يفكر
نفس تفكيري
قائد:انطلقت بالحجي وياها وهي
هم ،،،دمشي امشي خاتون قبل
لا ابتلي بيج ترى ما اضمن روحي
فاطمة:كملت شغل البيت والتهيت
بالسمج غسلتهن وتبلتهن وملحتهن
وحضرت الصلصة ع صفحة وقائد
وياية يشتغل فدشي كلش حلووو
مينوصف عمتي خطية تجي
تباوعلنة وتضحك وتروح لل11:40
كملت كلشي وقائد خلة السمج بالتنور
طبعا عدنة باب بالمطبخ اطل ع ترك ورة
البيت مساحة مربعة خالين بيهة
غراض مثل قناني الغاز مرات الصبح
نكعد نتريك وخالين بيه التنور نشوي بيه
دجاج سمج هيج اشياء،،،جنة اني
وقائد يم التنور وطبوا زينة وزيد
زيد:هاااا شلونهن سمجاتي???
فاطمة:سلمت عليهم وترخصت
طلعتلي ملابس فستان بيتي مرتب
طويل لونه اسود وبيه ورد احمر كبار
اردانه للعكس من الصدي ملفوف
ومن جوة عدل وطلعت وياه شال
ابيض اخاف احد من ولدهم يجي
طبيت للحمام سبحت وطلعت لفيت
بس المنشفة لان ادري قائد جوة
طلعت للغرفة شفت قائد امدد ع التخم
اتبسمرت بمكاني،،هااااي انت هنااا
قائد:زيود عينك ع السمج بس اصعد
اسبح وابدل،،،صعدت للغرفة سمعت
صوت الدوش عرفت بطة دتسبح
اتعاجزت انزل اسبح جوة تمددت
ع التخم نعسان خليت ايدي ع عيني
شوية وطلعت بطة حجت وياية
رفعت ايدي عن عيوني،،خرب غيرتك
قائد النوب بطرك المنشفة هووو اني
اشوفهة بهدوم البيت يطيح حظي
النوب هيج
فاطمة:ياربي النوب صفن ابد مو كتك
قائد لاتصفن هيج عفية اطلع??
قائد:قائد بخباثة كمت ليحلي اتقدم
عليهة واحجي،،لييييش بلة???
فاطمة:شنو الي ليش يلة حباب قبل
لايجي احد اطلع خل ابدل
قائد:متبدلين احد لازمج
فاطمة:اووو قائد مو وكت شقاك
قائد:ومنووو كلج اني داشاقة???
تقربت عليهة وحضنتهة وشميت عطر
جسمهة،،همست بأذنهة احببببببج
فاطمة:انصدمت من قربه واحس
الحرارة براسي همس بدفو احبببج
طير عقلي بدون شعور كتله واني هم
قائد:بضحكة فرح شنوووو صدك
تحجين
فاطمة:هزيت راسي بأي كبل حضني
وباسني من راسي ومن خدودي ونسيت
نفسي وياه يمكن بالربع ساعة احنة
ع مفس الوكفة كوة وخرت منه اجر
النفس وثنينة نضحك ع روحنة
قائد:حضنت خدودهة بيدي وبستهة
من بين عيونهة الله لايحرمني من
طيبتج وحنانج
فاطمة:جريت ايده وبست باطن كفه
ولايحرمني منك يا روحي،،،راد
يتقرب مرة ثانية صحت بضحكة
كااافي عايفين العالم جوة امشي اسبح
يلة
قائد:جريت ايدهة اريدج لعد تعوضيني
باليل???حجيتهة برجاء
فاطمة:ضحكت ودنكت،،اكيييد وهسة
يلة روح،،دهل قائد للحمام واني
بكل نشاط والضحكة مفاركتني بدلت
وخليت مكياج بدعت بيه ونشفت
شعري ورفعت نصه والباقي سرحته
واخذت الحجاب ونزلت بعد ماحضرت
ملابس لقائد،،تلكتني زينة تغمزلي
وجانت زينب هم جاية ويصجمون
بية لان تأخرنة ثنينة وصلوا
بيت عماته لقائد سلمت عليهم ورحبت
بيهم والتمينة سوالف وضحك
وعمته مضال عدهة سوالف تموت
ضحك كمل الغدة حضرنة السفرة
طبعا سويت دولمة وياها سمج وسويت
تبسي مال معكرونة بالخضار ما
شاءالله من نصبنة السفرة انملت خير
من الله جدر الدولمة جبيرقسمته
بتلث صواني والمعكرونة سويته
بتبسي جبير وهم وزعته بماعين
وخلين السمج ماعدا الطرشي
والزلاطة واللبن والخبز والخضرة
خير من الله كعدنة تغدينة قائد كعدني
يمة ويفلس سمج ويخلي كدامي
كلهم انتبهوا ويذبونلنة حجي ونضحك
هو يكلهم مرتي وحبيبتي ليش
تغارون طبعا شفت الفرحة بعيون
عمتي وزيد وحتى يامن احسهم
اطمنوا واخيرا اتوالمنة وية بعض
كملنة الغدة وجايات وهاي السوالف
وكفنة احنة البنات بالمطبخ انظف
وضحك واسوالف والولد وعمة
والنسوان كعدوا بالحديقة جان
الجو دافي نهاية الشتا والشمس حلوة
طبعا الحجاب ابد منزعته قائد مقبل
كال اخاف واحد من ولد عمتي يدخلون
كملنة وكعدنة كلنة بالحديقة
لحد ما راحوا فرغ البيت بقوا  بس
زينة وزينب وجهالهم والولد طلعوا
كعدنة سوالف عادية عاد لليل
اجة زيد جايب عشا مشاوي وبيتزا
ومقبلات وقائد ويامن ورجل زينب هم رجعوا
التمينة ع العشا كملنة ولل11راحوا
بيت زيد وزينب واطشرنة كلمن لغرفته
قائد طلع للاسواق يجيب حبشكلات
للسهرة  اني طبيت للحمام سبحت
بس جسمي ونظفت وجهي من
المكياج ولبست فستان سمائي فتحة
الصدر ع شكل قلب بدون اردان قصير
فوك الركبة وخليت مكياج سموكي
هادئ وفتحت شعري طلعت فدشي
جنت مترددة وخجلانة بس لازم
واحد منه يخطي خطوة زاني حياتي
بعد وية قائد ولازم اكسبه ومدام
تغير وياية هواية خلص بعد كا اخلي
وحدة باجر عكبة تجي وتلعب بعقله
رتبت الغرفة شغلت اضاءة خافتة
وشعلت شموع معطرة صار جووو
الغرفة كلش حلوو شوية وسمعت
صوته خطواته تقدمت كلبي
كام يدك سريع خايفة ع مرتبكة
اخاف يرفضني او اخاف اكون تقدمت
خطوات زيادة
قائد:طلعت للاسواق اشتري غراض
جبت عصاير وشامية وحب وجبوسة
ونساتل جنت كلش فرحان الطريق
كله افكر شلون اخاف تطلع ناسية
لو اخاف تراجعت زين اني شسوي
اخاف اتقرب اكثر وتفشليني بعدهة
ممستعدة وصلت للبيت هدوء كل واحد
بغرفته وصلت لغرفتنة طيبت والصدمة
تقرة عندي الفففففف

.....مرات الخجل ياخذني حيل وياك
اريد اطلب واحس بلساني لازمني .....
....واحس مرات اشوفك واكعد وياك
واحس مرات ترجع مني تاخذني........
.........يمعود دخيلك اني هم انسان
والنار التحركك هي تحركني. ..........
.......دليني عليك وروحي ليك تريد
اشبع شوف منك ليش حارمني. .......
........تسألني احبك لا اموت عليك
واحب حتى العذاب وياك صدكني       

يتبببببببببببببببببببببببع