نـــيـــران الـــعـــشـــق

الجزء الثاني عشر

#نـــيـــران الـــعـــشـــق

الجزء الثاني عشر.....

فاطمة:مشت حياتي وية قائد احلى
من العسل وكأن تونة متزوجين صرنة
نحب بعض بجنون نسينة الماضي كله
سبحان الله زرع المحبة بينة بليلة
ويوم مرات اصفن اكول معقولة هذا
نفسه الي حاولت بكل الطرق حتى
انفصل عنه ومن اشوف حنيته وياية
واهتمامه اشكر رب العالمين الف
مرة لان عوضني ورزقني براحة البال
مشت حياتي بروتين معتاد بين
الجامعة والبيت مقسمة وقتي احاول
اخاص كل مشاغلي والدراسة حتى
لليل اتفرغ لقائد وحبيبي مقدر
ظروفي وتعبي وهيج مشت حياتي،،،

قائد:بعد الليلة الي عشتهة وية بطة
حسيت ملكت الدنيا شعور غريب
امتلكني كأن اول انسانة دخلت كلبي
ما اعرف بوقتهة شأوصف مشاعري
تجاه بطة بس الي متأكد منه ان
هالانسانة صارت ماضيي وحاضري
ومستقبلي مرات اصفنوع روحي شلون
هيج حبيتهة لهالدرجة شلون وشوكت
تعلقت بيهة صرت احسب الدقايق
والساعات حتى اشوفهة طبعا
ظلت وياية اوديهة للدوام وارجعهة
اخاف عليهة من الهوى هالانسانة
احتلت كلبي وعقلي وكل حواسي
مر ع زواجنة11شهر ومر ع علاقتي
وزواجي الحقيقي من بطة 3اشهر
بس حسيتهة عمر،،،،،،
تركت كل سوالفي القديمة الشرب
البنات حتى جماعتي شكد يتصلون
بية ع طلعة اني اكنسل وشوية
شوية تركت جماعتي القديمة وجان
عندي جم ولد عرف بالمنطقة خوش
ولد ملتقاهم بكوفي بشارعنة مالهم
شغل لا بالبنات  ولاشرب ولاسوالف
تعبانة قويت علاقتي بيهم
وهاي اكعد وياهم ساعة ساعتين
وارجع للبيت ما اريد شي يأثر
بعد ع حياتي اريد امشي عدل
وبالي يرضي رب العالمين وقررت
احجي وية بطة بموضوع الاطفال
بس بنفس الوقت ما اريد اشغلهة
عن الدراسة بس هم بعدالهة سنتين
يلة تخلص،،،،،
اليوم جنت كاعد بالكوفي وية الولد
دك تليفوني رقم غريب كمت
من يمهم لان هوسة ديتابعون لعبة
الوووووو،،،والصدمة جانت لا العبال
ولا ع الخاطر،،،،هلااااااا سهر
شلونج اخبارج،،،هااااا لااااا مو غيرتهن
لان ضاع تليفوني وقفلتهن من الشركة
مااااااشي،،الله كريم،،ايييي،،،ان شاءالله
كعدت صافن شلون اني بهالورطة
اني مصدكت استقريت وارتاحيت
النوب طلعتلي هاي السالفة زين
وبطة شلون والله تتخبل شنووو
تتخبل تموت شلون ياربي ادري
وين جنتي كل هالمدة هسة يلة تذكرتي،،،،

سهر:
طبعا بعد اخر لقاء الي وية قائد
ظليت افكر بكلامه وعرضه للزواج
ليش ارفض قائد بيه كل المواصفات
الي احبهة واصلا احبه اله هم
وهو بكل الاحوال بيه او بدوني راح
يطلك زوجته لان زواجهم جان
بس حتى يسدون سالفة بنت خاله
واكيد اليوم او بعده قائد راح يفكر
يرتبط فليش اضيعه من ايدي
بس لازم بالبداية يحل موضوع
زواجه يالة لان اذا بابا سمع بية
مزوج كبل يرفض اي صح هو هدا
احسن شي،،،،
مرت ايام واسابيع احاول اوصل
لقائد ماكووو تليفونه مغلق بابا
قرر يسافر للسويد ع عمتي فترة لان
وضعهة الصحي تعبان فقرر اروح
وياه لان ميكدر وحده هو هم صحته
بالفترة الاخيرة مو هلكد مرت فترة
كضيتهة بالسويد عمتي فاتحتةابوية
بموضوع زواجي من ابنهة وطبعا
ابوية كيف اني صرت بموقف
صعب اخاف افقد الامل من قائد لان
هو مختفي واقبل بأبن عمتي و وراها
اندم يجوز عنده ظروف و اخاف
ارفض وبابا يزعل وعمتي وابقى
انتظر قائد وبعدين انصدم بواقع
ان هو عايش ومستمر بحياته شلون
اخر شس قررت افاتح ابوية بموضوعي
وية قائد وشيصير هل يصير،،،،
وفعلا هذا الي صار فاتحت بابا
بالموضوع واكيد ثار من عرف مزوج
بس كعدت وياه وفهمته بهدوء
بس حرفت شوية بالكلام محجيت
اسباب انفصال قائد عن سارة لان
ابوية ميحترم هيج ناس واكيد راح
يكولي اذا البنية هيج ابن عمتهة شلونه
فقررت اخفي هذا الجزء من الحقيقة
بوقته تركني وهو عصبي خفت عليه
بس فاجئني ثاني يوم ان وافق
يشوف قائد ويحجي وياه وجه لوجه
ويفتهم السالفة عاد اني بحجة صحته
اجلت موضوع السفر لحد ما اوصل
لقائد واحجي وياه وافهمة،،،
الي صار بعدهة ابوية تعبت صحته
واحتاج عملية للقلب وسافرنة لندن
اخوية يعرف دكتور عراقي مقيم معروف
التهيت وياه لحد متحسنت حالته
ورجعنة لدهوك وهنا حصرني
ابوية بموضوع قائد وحدد موعد سفر
لبغداد حتى يقابل قائد ويحجي وياه
اني احتاريت شسوي بهيج حالة
اخر شي اضطريت اخابر وحدة من
صديقاتي ودليتهة ع المكتب مال قائد
وطلبت منهة ادبرلي رقمه والحمدلله
دبرتلي رقمه ودزتلياه وبوقتهة
خابرته،،،،
هلوووو قائد شلونك ان شاءالله بخير
قائد:اهلاااا سهر الحمدلله انتي شلونج
اخبارج
سهر:زينة الحمدلله وينك يمعود
صارلي دهر احاول اوصلك
قائد:هاااا موووو تليفوني ابناك
وقفلت من الشركة وغيرته
سهر:تمام اكلك قائد بصراحة ما اعرف
شلونك افتح الموضوع
قائد:احجي سهر ظل بالي
سهر:لااا ماكو شي بس،،،ااااا،،بس
جنت محتاجتك كلش ذيج الفترة،،
حرت ما ادري شلون احجي وهو ابد
مفتح موضوع وياية ولاسئلني ع
جوابي،،،
قائد:خييير شصار
سهر:بابا صحته تعبت واضطرينة
نسويله عملية للقلب وجانت كلش
خطرة وبالكوة عدت
قائد:صدك تحجين وهسة شلونه
شلون صار???
سهر:الحمدلله زين وان شاءالله
بعد اسبوع نجي لبغداد
قائد:ايييي،،،بيهة الخير الله كريم
سهر:قائد اني فكرت بالموضوع الي
عرضته عليه والصراحة ما الكي
احسن منك وانت هم تعرف مشاعري
اتجاهك شنو جانت وما زالت والصراحة
حجيت لبابا ع الي صار بينة وكتله
بحقيقة مشاعري اتجاهك صح بالبداية
عصب من عرف بيك مزوج بس
فهمته وضعك بس صدكيني مجبت
سيرة موضوعك وية سارة وهو ع
هذا الاساس قرر يجي ويحجي وياك
وجه لوجه ويفتهم منك لان اني
قبل فترة هم رفضت ابن عمتي
فأبوية توترت حيل من موضوع
رفضي المستمر،،،قائد انت وياية???
قائد:ايييي،،اييييي،،وياج
سهر:قائد اني ما اريد اتطفل ع حياتك
اذا تحب تكمل حياتك وية فاطمة
انت حر واعتقد مرت3اشهر طويلة
الف شغلة تغيرت بيهة موووو???حجيتهة
بخوف اخاف ليكلي لاااا كملت
حياتي وية فاطمة وتممت زواجي
قائد:هااااا لااااا بس،،،
سهر:اففففف متدري شكد ريحتني
جنت خايفة لتكون خذلتني للمرة
الثانية،،يلة اني هسة رايحة لان موعد
دوة بابا وان شاءالله نتشاوف عن
قريب،،،سديته من قائد واني طايرة
فرح واخيرا راح يجمعني بيك بيت،،،
قائد:عفت الولد وطلعت ظليت افتر
بالشوارع وبالي مشغول انت غلطت
يا قائد غلطت وغلط جبير جان
رفضت من سئلتك ليش وافقت
صح تضوج زتزعل مدة وراها تنسى
بس بطة شلون،،،شلون راح تنسى
ظليت لل11:30افتر بالشوارع احس
ضاقت بية الدنيا افكر ادورلي ع
حل بس شلون و وين احتاريت المن
احجي اخر شي قررت احجي وية زيد
دكيت عليه
زيد:هلاااا قائد
قائد:هلاااا بيك زيد اني بالباب تكدر
تطلعلي???
زيد:خيير قائد شبيك امي بيهة شي???
قائد:لااااا والله محد بيه شي بس
اني رايدك بشغلة ضرورية
زيد:جايك بس لا شارب يول???
قائد:لاااا والله شبيك،،سديته شفت
زيد طلع صعد يمي تسالمنة وحجيتله
كلشي
زيد:صدك تحجي قائد وهسة شلون
شراح تسوي???
قائد:هو اني جيتك حتى اسئلك شسوي
زيد:ادري مجان حجيتلهة الي صار
وان زواجك ماشي
قائد :ما ادري شبيه هيج انثولت
زيد:لعد اسمع خل اثولك للاخير
بطة المسكينة حامل ومسويتلك مفاجئة
ما اوصيك روح لوص الاول والتالي
قائد:شنووووو صدك تحجي???
زيد:ايي والله اليوم وديتهة هي
وزينة للمختبر والبنية طارت من الفرح
قائد بطة خوش بنية لاتكسرهة
وتحبك كلش ومن كل كلبهة
قائد:والله زيد واني اموت بيهة وعليهة
وحياتي تغيرت كلهة والله العظيم
مرايد كل هذا،،،
زيد:امشي حبيبي اتوكل وروح للبيت
وباجر نتشاوف وان شاءالله نلكه حل
ترى تأخرت ولا تبين شي خطية
ولاتكسر بفرحتهة،،،
قائد:نزل زيد لبيته واني رجعت
للبيت شفت امي وبطة تبجي ويامن
لازم التليفون ويروح ويجي اول
مطبيت ركضت بطة حضنتني
فاطمة:قائد حبيبي وين جنت والله
ظل بالنة????
قائد:استلموني امي من صفحة ويامن
من صفحة واني عيوني بس ع بطة
وراها الكل راح ع غرفته اني خليت
بطة تصعد قبلي رحت غسلت وجهي
وشربت مي وصعدت اول مفتت
شفت الغرفة نفاخات وكيكة وبيهة شموع
وبطة لابسة دشداشة مال نوم وردي
طالعة تخبل وهي عيونهة محمرة
من البجي رحت حضنتهة بكل قوتي
واشم بيهة اففففففف يا عطرج
شوووو باعيني شبيج ياعيني
فاطمة:خفت عليك والله وما ادري
جنت مخنوكة
قائد:تعالي لحضني تعالي هياني
كدامج الحمدلله ماكو شي
فاطمة:مسحت دموعي الف الحمدلله
قائد:ايييي ياحلوووو شنووو
هالجمال وهالجو المثل وجهج
فاطمة:اممممم عندي الك مفاجئة
قائد:شنوووو???
فاطمة:جريت ايده وخليتهة ع بطني
ان شاءالله راح تصير أب
قائد:شبكتهة وافتر بيهة احلى مفاجئة
واحلى هدية من ربي الي هو انتي
والاحلى راح تجيني بنوتة منج
وادعي من ربي كون تشبهج
بكل تفاصيلج
فاطمة:لهالدرجة تحبني???
قائد:تسأليني???لج انتي صرتي
الهوى بالنسبة الي،،،شووو تعالي
مكافي حجي،،،
سهرنة سوة بيومهة كلهة ضحك
وشقى وساعة حب ورومانسيات
بس ما اخفي ان بنفس الوقت
جنت قلق ومتخوف من سهر اذا
كتلهة اني نسيت موضوع الزواج
راح تسكت وتبتعد لو راح تسويلي
مشكلة،،الله كريم،،،
فاطمة:مرت الايام واني بديت
اتعب شوية من الحمل الدوخة مصاحبتني
وغثيان ونفسيتي كلش تعبانة
وكل البيت مقدرين وضعي وعمتي
متخليني اتعب بشي همزين خلص
الدوام وعطلت وحبيبي ابد ممقصر
وياية ومساندني بكل شي ومهتم
بصحتي وبحملي،،،
حياتي هادئة الحمدلله الى ان اجة
اليوم الي ودعت بيه كل ايامي الحلوة
وية قائد الي جانت بمثابة حلم
اييي فعلا حلم وانتهى وصحيت
ع كابوس دمرني ،،،
قائد:بعد اسبوع جتي سهر لبغداد
وقررت احجي وياها قبل متكول
لابوهة ،،،
بس صار الي محسبت حسابه
اليوم جنت متواعد وية سهر بمطعم
دكت علية قبل الموعد بساعة
الووووو،،،خيييير شبيييييج
لجججج بابا كلشي مدافهم،،،شنوووو
وييييين انتي ??ماااااشي جاااااي
سهر:سافرت لبغداد اني وبابا ثاني
يوم تواعدت وية قائد طلب نكعد
وحدنة ونحجي قبل ليقابل بابا
كعدت الصبح حضرت الريوك الي
ولابوية حسيت بيه من كعد شكله
مو تمام،،،بابا حبيبي بيك شي???
لااااا باباتي مابية بس شوية تعبان
سهر:بعدنة تونة ناكل و تخربط تخبلت
ماعرفت شسوي كبل اجة
ابالي قائد دكيت علية وخطية شوية
و اجاني ونقلناه للمستشفى
لكن للاسف اول ما اخذوه وفحصوه
خبرونة انه ابوية اتوفى انصدمت
وظليت ساكتة واشوف الدكتور
وقائد حواليه بس ما اسمع ولا
كلمة وبدت الرؤية تختفي لحد ما
حل ظلام دامس،،،
قائد:الي صار خربط كل حساباتي
وسهر وضعهة يخوف 4ايام بالمستشفى
مثل الفاقدة بس صافنة لاتحجي
ولاشي الدكتور كال دخلت بحالة
صدمة مجرد ايام وتصحه وظل
يوصي بينة لازم تبتعد عن التوتر
واكيد اول متصحى راح تنهار لان
راح يبدي عقلهة يستوعب الي صار
طبعا اخوتهة واقاربهم سووا
فاتحة 3ايام ظليت وياهم اخوتهة
يعرفوني مر اسبوع يلة صحت
سهر من حالتهة وطبعا موقفهة صعب
ومتنحسد عليه ادمرت كلش
حالتهة تبجي الصخر حرت شراح
اسوي وشلون اكدر اتصرف وياها
ملكيت حل غير اجل الموضوع كله
لحد متتحسن حالته،،،،
فاطمة:مرت ايام قائد نفسيته تعبانة
وشارد التفكير طول الوقت
سئلت شبيك شنو الي صاير وياك
وعرفت ان ابو صاحبه متوفي
وحالة الولد واهله صعبة ومدمرين
حاولت بكل الطرق ان اغير من
نفسيته وانسي بس ابد وبديت
اشك ان الموضوع كو موضوع صاحبه
او شي اكووو شي ثاني اكبر خفت
ليكون واكع بمشكلة بس مكدرت
الح عليه اكثر حتى لاينفر مني ويطلع
من البيت لازم يظل كدام عيني
وشوية شوية بلكت اكدر افهم الي
ديصير وياه،،،،،
قائد:جنت بالمحل ودكت علية امي
تريد تاخذ بطة للدكتور ظل بالي
خليت يامن بمكاني ورحت للبيت
شفت امي بالمطبخ تحضر الغدة
الله يساعدج يمة
خلود:هلااا حبيبي
قائد:خيييير شبيهة بطة???
خلود:ما ادري خطية من كعدت لسة
فدمرة مظلت لكمة بمعدتهة حتى
المي تذبه وخوفتني كلش وجهة
اصفر
قائد:هسة اصعد اشوفهة
خلود:بغرفتي يمة خليتهة حتى
كل شوية اطل عليهة
قائد:بست راسهة فدوة لكلبج
رحت لغرفة امي شغلت الضوة
شفتهة نايمة تقرب يمهة وجهة
اصفر وجوة عينهة اسود شصاير
بيج يا روحي
فاطمة:كعدت ع لمسات قائد الله
يساعدك حبيبي
قائد:هلاااا يا روحي شبيج امي تكول
تعبانة???
فاطمة:ماكو شي حبيبي هاي تعب
الحمل
قائد:لاااا ماكو هيج شي امي
حجزتلج يم الدكتورة ورة الغدة اخذج
شكلج فدمرة تعبان
فاطمة:ان شاءالله
قائد:تعالي بحضني يا روح قائد
فاطمة:نمت بحضنه ومحسيت بعد
قائد:وضع بطة قلقني تعبانة كلش
ومنا سالفة سهر اخاف ليوصل شي
لبطة وهي منا تعبانة دخيلك ياربي
حلهة،،،صبت امي الغدة كعدتهة
النوب حتى مشي بالكوة سندتهة
وطلعنة للمطبخ امي تخبلت من
شافت وضعهة
خلود:شبيج بنتي شنو يوجعج
فاطمة:جسمي كله يوجعني ما ادري
شبيه
قائد:ان شاءالله ماكو شي حبيبي
اتغدي حتى نروح للدكتورة،،بالكوة
اكلت لكمتين وراها هم تخربطت
وظل تتقيأ شنو السالفة امي خافت
كبل غسلتلهة ولبستهة الحجاب والصاية
ورحنة للدكتورة الطريق كله سهر
ادك عليه وارفض لحد موصلنة
للدكتورة كبل دخلتهة امي رجعت
سهر ادك، جاوبتهة الووووو
سهر:شبيك قائد صارلي شكد ادك
عليك لهالدرجة صاير ما اطيقني
قائد:لاااا مو هيج بس مرتي تعبانة
كلش وجبتهة للدكتور
سهر:مرتك شنووو انت شدتحجي
قائد:سهر مو وكتهة هسة بعدين
نحجي
سهر:لااااا هسة تحجي شنووو مرتك
لعد واني???مو وعدتني وكتلي
انهي كلشي وياها احجي قائد لاتسكت
قائد:سهر صدكيني مو وكتهة
سهر:بصياح لااااا وكتهة
قائد:اووو سهر يعني اني من حجيت
وياج انتي رحتي لارجعتيلي جواب
ولا شي واني مشيت حياتي وية
فاطمة وكلشي تم
سهر:يعني شنوووووو???
قائد:تممت زواجي منهة وراح
اصير اب شنو ذنب الطفل???
سهر:لك انت شدتحجي شكد حقير
ونذل
قائد:سهر احترمي نفسج وخليني
محترمج يعني انتي الي رفضتي
وهسة جاية تحاسبيني،،سدتهة
بوجهي شوية وطلعت امي ساندة
بطة،،،خيييير يمة شبيهة
خلود:يمة فقر دم حاد وضغطهة صفر
لازم نراقب الضغط دائما وفلونزا
قائد:شنووو السالفة منين جاها
فقر الدم
خلود:يمة جسمهة ضعيف والحمل
متعبهة،،ان شاءالله مابيهة الا العافية
وية العلاج والتغذية الزينة ترجع
مثل اول واحسن
قائد:ان شاءالله يلة الحمدلله هاي
ولاغيرهة،،،
خلود:اخذهة يمة اجيب العلاج
قائد:لاااا يمة اني اجيبه شيوديج
خلود:هنا قريبة وهم حتى تشوفهة
الدكتورة
قائد:ماااشي صعدنة بالسيارة وبطة
كعدت ليورة انداريت عليهة سلامتج
ياروحي
فاطمة:الله يسلمك حياتي
قائد:يمممممة،،،يممممممة،،شوفوا
حبيبي شلون ذبلان يمة خدوده
راحن،،،افففف فدوة اروح لهالضحكة
شوية واجتي امي ورجعنة للبيت
ومر اليوم عادي سهر الحمدلله
اختفت بعد مرجعت دكت علية
فاطمة:جنت كاعدة متمددة ع الجرباية
وقائد بالحمام دك تليفونه مرة ومرتين
ظل يدك يمكن خمس مدري ست
مرات صحت عليه حبيبي تليفونك
مسكت
قائد:منوووو???
فاطمة:رقم بدون اسم نهايته...
قائد:صفنت دخيلك ياربي هاي سهر
بس لا ادز شي،،،اااا عوفيه،،هسة
اطلع
فاطمة:شبيه جفل من كتله ع الرقم
ظل التليفون يدك وراها دك مسجات
صار عندي فضول منو هذا كتل
نفسه هيج???اخذت التليفون فتحت
الرمز
💬هسة صارت فاطمة زوجتك
وفوكاها حامل الا اندمك قائد مووو
سهر الي تنرفض هيج
💬بس فهمني شنو الي خلاك تبقى
وياها انت مو كتلي بس حبر ع ورق
وراح اطلكهة وازوجج
💬ليش قائد والله حرام عليك اني
شنووو ذنبي علقتني بيك وهسة
صارت فاطمة وبس
💬مترد مووو خل تفيدك فاطمة
مدري منو

بيه صرخة صووت تصعد للسماء
وبيه حركة قلب محد حملهاا
وبيه شهكة نفس تاليهاا موووت
وبيه عبرة مخنوكه أرد اهلهاا
وبعد بيه هموم أشكال والوااان
تشيب الروح لو احكيهااا كلهاا
كل هاذا وتكلي أضحك شبيك
طلكتني الضحكة وراحت لأهلها.....

يتبببببببببع