نـــيـــران الـــعـــشـــق

الجزء الأول

#نـــيــران العـــشـــق

مشهد من القصة...

هي:بابا انت شدتكول صدك تحجي
شنووو ذنبي فهمني

الاب:بصياح شتردوني اسوي فهموني
شسوي،،للللج اختج نزلت راسي
بعد يومين زواجهة وابن عمتج شايفهة
وية واحد،،لكمممن شحجي وشكووول
دومي رافع راسي بيكم واكول
ميغلطن هاي تالي جزاتي

هي:اييي بس اني شنوووو ذنبي
الله يخليك فهمني النوب راح يطلع
قهر كلبه بية

الاب:خلص هاي هي قررت بعد الزواج
يمشي مثل ماعو مخطط اله بس
العروس انتي،،،اشششش ماكو اي نقاش،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هاي جانت بداية مأساتي وبداية
عذابي حملت زور واثم مالي اي ذنب
بيه كله بسبب دلال اختي ورعانيتهة
خسرت ثقة اهلي بسببهة وانشمرت
بدون اي ذنب،،،،
وهي كملت حياتها ولا كأنما صاير
شي خل اعرفكم ع نفسي ومن خلالهة
راح تعرفون قصتي،،،،

اني فاطمة عمري18سنة طالبة
جامعية كلية ادارة واقتصاد مرحلة
اولى،،،حنطية ع بياض عيوني عسلي
شعري جوزي طويل لنهاية ظهري
ابوية ميقبل اكصه،،طولي160وزني
58الحمدلله شكلي مقبول مدام
ماعندي اي عاهة او عوق،،،
اعيش وية اهلي امي(اسماء)
وابوية(سلام)اخوتي(عبدالله وعبدالرحمن)
مزوجين ويانة كاعدين وخواتي
(رفل و رنا)مزوجات وسارة عمرهة
23سنة خريجة صيدلة وتشتغل
بصيدلية بشارعنة واني اصغر وحدة
حياتي عادية مابيهة شي ملتهية
بدرستي والبيت طبيعتي هادئة
واحب وقت فراغي انعزل وارسم
هوايتي الرسم ومن جنت بالمتوسطة
ابوية جابلي كتب خاصة لتعليم
الرسم وبديت ادرس الكتب وشوية
شوية صار رسمي ممتاز وحلووو
ماعندي علاقة قوية بخواتي الكبار
من يجونة يكعدون وية امي وسوالفهم
متناسبني عن البيت لو العيال لو
الرجال سارة تختلف كليا عني
بطبيعتهة حتى هواياتنة تختلف
هي تحب المكياج والطلعات والملابس
مغرورة بشكل ابوية مدللهة كلش
حتى امي ابد ميرفضولهة طلب
وهي حلوة بشكل بيضة وشعرهة
طويل اشكر صاحبة جسم انوثي
بشكل يعني تجذب النظر ،،،،،،
خصوصا ابن عمتي قائد الكل
يدري بيه يريدهة بس هي جانت
دائما تصده وما اديرله بال اني
جنت اكول معقولة سارة الي تحب
الشاب بمواصفات مثل مواصفات
قائد وترفضه،،،
قائد شكله حلو ورجولي زيادة حنطي
شعره اسود فحم جسمه ضخم رياضي
يهتم بصحته وجسمه صاحب لحية
شوية عالية وشارب زايده جمال
و رجولة عمره33سنة يشتغل بشركة
مقاولات شراكة وية صاحبه
يعني حالته المادية ممتازة عنده
اخوة ثنين  زيد ويامن
زيد اكبر من قائد مزوج وعنده اطفال
ويامن اصغر من قائد ممزوج وعدهم
اخت وحدة زينب مزوجة غريب
صديق زيد شافهة صدفة وتقدملهة
وعدهة اطفال،،،،رجل عمتي
متوفي من جانوا صغار وابوية اهتم
بيهم وظل وراهم لحد ما كبروا
وصاروا عمتي خلود اصغر وحدة
بين عمامي وعماتي ابوية كلش
يحبهة ولحد هسة يتخبل اذا
احد غثهة وحتى الولد وزينب يحبون
ابوية كلش ويحبونة وهمة الوحيدين
الي علاقتنة بيهم قوية من اهل
ابوية،،،
جنت بالاعدادية صف سادس
وقائد اتقدم لسارة ورفضته بوقته
الكل تخبل شعجب ترفضه بعدما
الكل انتبه عليهة علاقتهة وياه قوية
يكعدون سوة وشقى ومبين عليهم
منسجمين لهذا انصدمه برفضه
بس كالعادة ابوية ميكدر يجبرهة
وانقطع قائد فترة علينة وابوية ضاج
لان يحبه،،،
سلام:بنتي شنو سبب رفضج اريد
افهم يعني الولد مابية اي قصور
سارة:بابا حبيبي كلشي يجي غصب
بس الزواج الا قناعة وانسجام واني
وقائد منتوالم
اسماء:سارة حبيبتي كلهة تحجي هيج
بس ورة الزواج كلشي يتغير بعدين
انتي مشايفة كعداتكم سوة شلون
منسجمين
سارة:اي ماما كأصدقاء اخوة اي ننسجم
بس زواج لاااا ماما قائد عصبي ومن
نوع يتحكم بالشخص ويفرض رأيه
واني ما اكدر اتأقلم وياه صعب
سلام:من هاي الناحية صحيح
بس يا بنتي انطي فرصة اكعدي
واحجي وياه ترى مثل ما انتي عزيزة
عندي هو هم عزيز وكسرة كلبهة
كاسرة خاطري
سارة:الله كريم انطيني مجال افكر