بعض العيون حقدها في نظرها

20

.
.
.
مدخل
.
.
.
تقهويتكـ. سنين ولا نويـت أهـز ّ فنجالـي..
عليك الله وامآآنه لا تجيـب الع'ـيـد واهـزّه..

تحمّلت الج'ـفا .. والهم مال .. وميّل عقالي..
تنام وصاحبك يسهر طوال الليـل ويحـزّه ,,

الا يا كم ّ دمحت لك الخطا يالصاحب الغالي...
وحبك عاش فيني ما يشوف الـذل واعـزّه ...

معاذيرك كثيره في وصالي ضيّقـن ّ بالـي...
أبيّن لك رضا .. وجه ٍ يجيك بحب ومنـزّه ...

بعد ما قدر ّ الله صرت في حلي ّ وترحالـي...
ورايات القصيد اللي براس الشوق مرتـزه ...

تسيّرني هجوسي لين اسجّ المرقب العالـي...
واجر ّ الصوت بأشعار ٍ على المرقاب وتهزّه ...

رسمتك بالفضاء من حبر ليل وريشة اهلالي...
تشوق البيد لمزونك ويهواك الضمى مـزّه ...

واشوف بتالي الايام غرك ّ ما حصل تالي ...
ليا.. لديت عيني في عيونك ما بها .. فـزّه...

تجيني بالسهوله ما حشمت القلب وآمالـي...
غلاك اللي بصدري برخص الاثمان تبتـزّه ...

حرام ان كان طيفك في دروبي دوم يبرالـي...
عليه امن الصدود بسيفها فالعنـق وتجـزّه ...

خلاص .. الله يديمك يوم كفك عاف فنجالي...
وابهديك الفراق اللـي يلـزك بعـد ويلـزّه ...

.
.
.
بدايه..
مساء الورد..,,
آفتقدة للكوكبة جميله من الاعضاء الدائمات الحضور..كل رجائي ان يكونون بصحه وعافيهـ..
كما وعدتكم قبل بارتات عديدهـ...هناك حدث ينتظركمـ...في نهاية البارت تتوقعونه..!
.
.
بوح قلمـ..عدمـ تواجدكـ لأول مرهـ منذو نزول الروايه ..كان في البارت التاسع عشر..دائمة الحضور كنتي..بجميع الاقسامـ..وبصفوف الكاتبات..لك يا الغاليهـ آحتراماً المصفى بحب آخوي..نرجو ان لآيطول غيابك..
.
.
البارت العشرون اهداء خاص لـ..بوح قلمـ....
.
.
.
.
.
لآتلهيكم الروايه عن دخول وقت من اوقات الصلاهـ..
.
.
.
بصالة الاستقبال لفلة الراسي..
جسار..يوقف بـ القرب من الفازه الكبيره القابعه بفخامة با الاستقبال..\الليله يبي لها أحتفاليه..!
ابو جسار غارق بضحكه وجلس على اول كرسي من كراسي الاستقبال\هاااا..ابو رعد وين تبي تعشي الراسي الليله.!
آبتسم عناد بتلقائيه \جدتي هيااا هي الي بتعزمكم..هي الي تبي تزوجني وهي الي بتحتفل معكمـ...
قالها وهو يضغط على الاصنصير..\ذابحني النومـ..!
انفتح الاصنصير تلقائي وام جسار وشهد تلقاهم وجوه الراسي بـ الدور الارضي...
آم جسار بأبتسامه \هااا بشرو..؟
ابو جسار بضحكه\ملكنا..
آبتسمت آم جسار وهي تطبع على خد عناد قبله\الف مبروك الله يوفقكم ..
تراجع عناد بشبه أبتسامه..
لتعانقه كفي شهد من ثم تطبع قبله على خدهـ..
كفيله تلك القبله..آن تربك عناد..فيتراجع قليلاً الى الوراء..
شهد بخجل\الف مبروكـ
من ثم تجاهلة عناد بشي من الارتباك .. لتطوق يديها الرقيقه آطراف رقبة والدها\لآالليله صدق غيييير..
آبتسم ابو جسار على معانقة شهد الطفوليه له..\هلآ..وغلا..بشهد القلب..
طبعة شهد قبلتين مشتاقة على خدي والداهـا..
آم جسار..\تعالو حياكمـ بصاله..مجهزه لكمـ قهوه وشاهيه ونعناع وكيك..يالله حياكمـ..
آلابتسامه تعانق الجميع ..
ويد ام جسار تشد برقه يد عناد المتخاذله...
.
.
.
خِنقنيّ كَفّ حِزنيّ , وَ إرتِفَع صَمتيّ .. أمَامّ الغيرّ !
........................ وَ سَالْ منْ العِيونّ : أسْرابّ جَرحّ .. وَ [ آه ] ما تِنقاسّ !
.
.
.
بيت ريان...
ضي ترفع كرتون صغير على الطاولهـ...لتسبقها يد ريان وبعصبيه\مجنونه انتي..؟
ضي بأرتباك\مو ثقيل...
ريان بعصبيه\ولو..؟لآترفعين شي ثقيل مره ثانيه...
ضي وعيناهـا تدور على لبس ريان\وين..؟
ريان بضحكه\وين..؟
ضي\لآبس..؟
ريان\مممم ابوي ببيت وجاتيني رساله من شهد ان الليله سبشل للعائله ولآزم نجتمع...
ضي بأبتسامه\ليه..وش فيه..؟
ريان يضع آصبع خفيف بثلاث طرقات خفيفه متجانبه على كتف ضي وكأنه يشير لرتبة عناد\عناد..تملك الليله..ابشرك..بيفكنا لو شوي..
ضي تعلو الابتسامه شفايفها\والله.. الف مبروك...
آشار ريان بالامباله\لآتقطعين بتهرب منه..!هذا ماحد يعاشرهـ..!اللهم لآشماته....؟
ضي بتقطيب\والله انتم الي ماعرفتو له...هو مايحب آشياء وانت وشهد تتعمدون تسونها وترفعون له ضغطه..
ابتسم بتهكم وأصبعه يضرب بخفه انف ضي\نسيت ياستاذه ضي انك علم نفس...!
آدار ظهره لـضي...وتوجه لصاله...
تبعته بهدوئها الجميل\قلت لك شخصية عناد شخصيه مركبه..وخليط من الماضي والحاضر...خليط من الذكريات...
آيه منغلق على نفسه...
لكنه حاول كذا مره يحتك فيكمـ وانتم الي تصدونه..
آخر شي كلام شهد له قبل كمـ شهر....بدل ماتقول له كلامـ
حلو ..وجميل...
تروح تصده وتجرحه وماكئنه أخ...يبي منها فقط الاحترامـ
وأنت ياريان..ممكن تقول لي السبب الرئيسي لمواقفك الجافه الدائمه معه..؟
حرك كتفيه بالامباله\هو دايم محتقرني وماهو شايفني شي قدامه أبد..
حتى ساعات يوصلني شعور..انه قاعد يملى راس جسار من ناحيتي..وانا جسار آحترمه كثير وأقدره واحبه..ومابيه في يوم يزعل او ياخذ بخاطره مني..
بس هذا العناد لو تشوفينه با البيت ماحد يحب تصرفاته الا جدتي ..؟
انا وشهد وحتى امي وابوي...
امي ساعات احسها بارده جليديه من ناحيه كل ماكنت اشكي لها قبل سنوات منه ..
ومن تصرفاته وطريقته الدايمه في تحقيري ..
حتى قدام اصدقائي وزملائي ..
تقول لي خاف ربك في عناد..تراهـ ماعاش معكمـ ..وماذاق حناني..
وابوي وش يقول..
.أخوك الكبير وتراه المبدى..!
بفهم انا بفهم..؟
ضي تمتص ترسبات عالقه برأس ريان\ياحبيبي هذي الحركات العدوانيه من عناد بس جذب أنتباهـ لآاكثر ولأ اقل يبي بس يندمج معك انت وشهد بس بطريقته هو واسلوبه هو...
مايعرف غير ها الأسلوب يدخل لكم فيه..
ريان بتهكم\دخيل المحلل النفسي..لآيكثر ضيو..خلي بس آهتمامك في الي ببطنك..الي خارج ها النطاق
مالك شغل فيه..
آشار بأصابعه مودعها...
.
.
.
خِنقنيّ كَفّ حِزنيّ , وَ إرتِفَع صَمتيّ .. أمَامّ الغيرّ !
........................ وَ سَالْ منْ العِيونّ : أسْرابّ جَرحّ .. وَ [ آه ] ما تِنقاسّ !
.
.
.
الراسي...
صوت مسج..أخر...
راقبته عيون متوجسه...ببحه..\أستئذن شوي معي مكالمه..
آبو جسار\لآ تتأخر..؟
اشار برأسه وهو متوجه لجهت المطبخ....
تقدم بخطوات واسعه ودخل المطبخ الواسع...
عناد بصوت واطي\نينا..نينا...
-يس ..!
- هاو ار يو..؟
نينا\أي ام بتر تو دي...
-بليز فرنش كوفي...؟
نينا\يس...
آدار عيونه عناد بسرعه في أركان المطبخ ...
ليلتقط سلة صغيرهـ...
بها جوال صغير يخص نينا..!
أمتدت يدهـ بخفه وأدخله بـ جيبه..!
خطواته الواسعه ..
يترك الدور الارضي كله..
وينتقل بـ الاصنصير...لسطح الفلهـ..!
.
.
.
آرقام سريعه يحفظها..
آلو....
-سيدي..شكوكي..كان لها محط آهتمام عندكمـ..؟
-آتمنى ..؟
-علمـ...!
-آكيد ...الخط آمن...؟
-وصلني خط سير العمليه..والتقطت الاشارات...؟
-جاري التنفيذ الآوامر..؟
آقفل الخط...
ودس الجوال الصغير بجيبه بعد مسح الرقم الاخير..
أطلق زفرهـ..باردهـ...
وعيونه تتقلب في ظلمة الاجواء..
واضائة المباني المنخفضه و المرتفعه..
تنعكس على عيونه..
لتعكس سحراً غريب يمتلكه وحدهـ...
وحزن غريباً يسكن في صدرهـ..يمتلكه وحده..
آنتبه لتو..في ظلمة الاجواء..
واختلاس الانوار طريقها لشق الظلامـ..
انٌه جداً وحيد...
لآيؤنس وحدته..سوا تلك الجدهـ....
وذاك العمل المغرق نفسه به...
آغمض عينينه..
وتلك الرائحه تداعب آنفه..
آبتسم...!
مضى وقت طويل..
غابت هي آيضاً عنه...
قد تكون تلك الرائحه..
الخائف والفزع منها..
مسلي آخر..له...
يكرهـ الفراغ ..
تجعله يغرق في ظلمة يجهلها..
هو المطارد والخائف..والباكي فيها..!
قشعريرهـ تسري به..
ولمحة ذكريات ..تعبر حدودهـ..
بشي يشبه همهمات حلمـ...
ليل..؟
وبكاء..؟
و..وجه قبيح...؟
ورائحة عبقه تسكن روحه..
لآيجد لتلك..الاشياء تفسير...ولن يجدها..!
فهو لآيكاد يتذكر شي..
سواء..آحلام متلاحقه..
هو فيها خائف مذعور..
في ظلمة الليل ..
وسوادهـ..
وتلك الرائحه..
وذاك القبيح هم آبطالها...!
آطلق تنهيدهـ.....و..ببرود \يا حلوك يا الريـــــــاض..يا سرب من الحمام بسماء هارب..!
ببحه\ياليتني في ها اللحظه الرياض..وتحضنك عيوني..؟
التفت لجهتها بصدمه ليجدها خلفه تماماً..تراجع ليصتدمـ بـ نصف الحائط خلفه..
سيوف وعيونها ممتلئه دموع\من جديد ..؟من جديد..؟بتخطب وتزوج..وتسوي نفسك سعيد..؟ماتقدر ماتقدر..بتهرب من الكل وآخر شي..بتجيني...عبير ثانيه..؟
وطلآق ثاني..لآتعذب روحك عشانه..
دفعها بقرف..وتقدم خطوهـ\لآ ياسيوف..ماهي بعبير ثانيه..ولآزواجي ها المره منها هروب..هذي من يوم لمحتها آستوطتني تفاصيلها..هذي آحسب الوقت حسبة مشتاق يخطي في حسبته عشانها...!
خطت خطوه واسعه لتكون آمامه\ تكذب ها الكلام بس عشان تخليني آبعد مثل المره الي قبل..؟
آبتسم وعيونه ترتفع لسماء..
ليبعد آنظاره عن وجها العاري ويتوسل الى الله بـأعفافه عنها\لآوالي خلقني ماكذبت...
دفعها من جديد..لكنها طوقت من جديد معصمه\من الي بيدري يـا عناد من الي بيدري...؟لآهي ولآهو..؟
.
.
شعر بدوار..يلف رأسه...
ويضع غشاوة من ظلآم دامس على عينيه..
غثيان...
غثيان...
من ذاك الجسد الشبه عاري الذي لمحه من دفعه لها..
شديدة الجمال...نعم...
لكن جمالها يشعره بتقزز ..
لآيجذبه لها..
ولآحتى يركن الى التفكير بها...
.
.
آردفت وبرجاء يائس وغريق يحاول من جديد الامساك بشي ماء \آترك منك ها الخجل ..{لآ}..تقول جسار وهي...عشانك..كل شي في همس الخفى يصير..!
بنهاية جملتها كان رنين صفعته ..
تصرخ بهـا..اركان سطح الفله...
بحده..و..عيني عناد تنظر مباشرة لعيني سيوف المصدومه\آنا شلون آخبر جسار فيك..آنتي حرام بعد اليوم تجلسين دقيقه في ها البيت...انتي ماتخافين ربك..ماتستحين منه...خوفي من ربي هو الي معففني منك ومن غيرك...
آبعدها بقرف..للتترنح للجه الاخرى...
وينزل عناد بخطوات واسعه الى الدور الارضي...
.
.
.
خِنقنيّ كَفّ حِزنيّ , وَ إرتِفَع صَمتيّ .. أمَامّ الغيرّ !
........................ وَ سَالْ منْ العِيونّ : أسْرابّ جَرحّ .. وَ [ آه ] ما تِنقاسّ !
.
.
.
العاجي..
مستغرقه في صراخها الذي يصم الاذان..
مناير\فلوس و عيال وصحه و سمعه...!
احمد ربك واشكره على ها النعم الي منعمها ربي عليك وغيرك حارمه...
علمني يا بتال وش تدور فيها مالقيتها فينا..؟
لأتقول ابي ولد...؟
عمرك مافرقت الولد من البنت..
كلهم عندك سوا...
وش الي فيها وماهو فيني انا ومناهل...؟
آبتسمـ ببرود\مناير..تعالي....
قالها وهو يشير لكرسي قريب منه...
آردف\تعالي..!
بعصبيه\حتى ابوك ماهو براضي ..واختك شوي وتموت نفسها من القهر والغبن..
فشلتها وفضحتها عند حمولتها وعند نسابتك..
لحظات وتوسطت مناهل المكان\يمكن يقول لك..تجدد الحب القديم..وماقدرت أنساه..أو خلينا نقول مراهقه متأخره...ونزلها الله على روسنا من ذنوبنا..!
مناهل بعصبيه\أذا ها العائله ساحرتك...بنعالجك..بروح لئ شيخ..ونخليه يقرا عليك الا اكيد بيطلع اثار السحر عليك من القرايه....!
مناير تصفق يدينها بتهكم\سحر أحباش ماقلت لك...ماعاد يجي منه فود..!
ولأترجين لراعيه الصحايه والقوم...
مناهل بعصبيه\على الاقل عطنا خبر..قلنا ...علمنا..طقنا لنا الراي ماهو تعمل عملتك وتنحاش..!!!
.
.
.
آبتلعت ريقها ..وخطوات بتال الواسعه تقطع المسافه لهم...
.
.
.
بتال بهمس غاضب مبطن بتهديد واضح\انتي وهي...ماقصرت في حق ولا وحده فيكمـ..وماظلمتها معي لأ با السنين الي مضت ولا با اليوم ولابعدين..
وزواج وتزوجت لآهمتوني ولآبرد لكم الراي..
دامني مرضي ربي فيكم وفي حقوقكم..هذا اولاً...
ثانيا يا مناهل...
انا معطيكم الخبر من زمان...
بس انتم الظاهر فهمكم بطيئ..
انا قلت لكم بتزوج...الي انا ابيها واختارها...
فلك هي أختياري وهي الي بخاطري..
الي بيرضى فيكم ياهلا فيه العين أوسع له من المكان..
والي ماهو براضي ...؟
بعد على العين والراس..
ماراح انشب بحلقه..
أمساك بمعروف او تسريح بأحسان...
بطلقها بهدوء..
وحقوقها توصل لها كامله مكمله..
وحق العشره محفوظ..
مناير بعصبيه تقطع كلامه\انا أبي طلاقي يا ولد مقرن...راسي ما يتساوى مع راس بنت البراق ابد...!
عيون بتال المتوجه لمناير ببرود..أشبه بصقيع..
حولها لجهة مناهل بشبه أستفهام...؟
مناهل بهمس\اذا وعدتني با العدل يابتال..؟
بتال بهمس\طيب يامناير ..لك الي تبينه...!وانتي يا مناهل انا بتال بن مقرن ماتغير فيه شي...
مناير\ومتى بتطلق..!!
بتال بهمس\آبشري..ماطلبتي...بس خذي لك وقت فكري فيه..الطلاق ماهو لعبه وخاصة في الي بعمرنا...وبنات بينا وبنص...
مناير بحده\ماراح اخذ احد من بناتك.. خلهم يجلسون على قلبك وقلبها... خلها تربيهم...
مناهل تشد يد مناير وبهمس\مناير تعوذي من ابليس وش جاك...
مناير بصوت عالي\وش جاني..ماتشوفينه بايع ماهو بشاري...ماقعد معه عقب اليومـ ساعه..
قطع حديثهم الصارخ....صوت عكاز مقرن..
يضرب التحفه العاجيه الواقفه بفخامة بـ القرب من الجلسه...
ويصدر صوت...يجعل الواقفون يتوجهون بنظرات اليه..
مقرن بعصبيه\ماتباع بنت الاصول ولو ثقلت بـ الذهب والماس.. تثقل كفتها وتخسر كفت الماس..وش ها الكلام يامناير..من الي بايعك...؟
مناير بصوت باكي وهي متوجه له\عمي...ماترك فيها ولدك اصول وحمايل..هذا هو مساوي راسي فيها...؟وهذا هو بايع العشرهـ...وبايعني وماهو بشاري....ومانقص الا يحرج علي..!!!
بتال بعصبيه\منــــــــــــــــــــاير...لآتحطين نفسك في موقف تندمين عليه..والي خلقك لأخليك تندمين على ها الاسلوب...
مقرن بحده\ناقص بعد تمسك العقال على ظهرها...؟
بتال بصوت غاضب\يبه...هي تعرف طبعي زين..وماظنها جاهله..او ناسيه...مشاكلنا نحلها بينا..ومايتدخل فيها آحد وهي عارفه ها الشي...والحين آشوفها شاده الظهر فيك ...؟تبي تطلعني من طوري
والا وش المطلوب...مااااتتكلمين...
مناير بحده\والي منحرق دمه...و..ساهراً ليله..عادي ..مايخالف..في ها الحال واردى...عساه مايقومـ..
والا انت اذا احرقنا دمك عشر دقايق..تقوم الدنيا وماتجلسها...لآ..يارجال..ذق مر الكاس شوي...
خلك تعرف ان كل طير فوق راسه طير..وكل قوي فيه الي اقوى منه...
واسمعني...انا ماني في حاجتك...جالسه هنا والله عشان ها الشايب ..والا انت..مثل ماخبرتك يا الله يسلمك
ماعاد فيك رجا..ولافود..!!
آلقت كلماتها وهي شبه متهكمـه...
بتال بعصبيه\لآ..آجل والله آبشري بنوم الليل...وزوداً عليه نوم القوايل...وبردي ها الدم بزيادة تركيز
التكيف..ودامك مانتي في حاجتي..فانا والله لو كان لي حاجة عندك فا انا زاهداً فيها..ومابيها...
ودام الفود والرجاء منقطع مني مثل ماتقولين...آبشري بطب يبري العله...
قاطع كلامه صوت مقرن الغاضب\والله لآتطلق بنت آخوي..ان غضبي عليك ليوم يبعثون..!!!
.
.
آلجم بتال من كلمات مقرن.. و..وعيدهـ...
بطرف رجله..ضرب كرسي قريب منه...
فذهب الكرسي يترنح لأخر المكان..
و..آعلن رحيله...بصوت صامتاً...
آشبه بزفرات بركان...آن له..الثوران..
.
.
مناير ببكاء\شفت ياعمي شفت كان بيطلقني....
مناهل بصوت معاتب\لسانك متبري منك..وش ها التخبيص الي ظهر منك..زين انها وقفت على كذا...
الله يهديك الله يهديك....
مقرن بغضب يجلس على الكرسي القريب\كم ليله مع بنت البراق..سوت فيه كذا...آجل لو بعد كم سنه وش بيصير...
مناير تجلس با القرب من قدميه\تكفى ياعمي انا وبناتي مانرجي الا الله ثم انت...
مقرن بفزع\مناير..لآأسمع منك ها الكلامـ...قومي الله يهديك تعالي جنبي..قومي...
.
.
.
خِنقنيّ كَفّ حِزنيّ , وَ إرتِفَع صَمتيّ .. أمَامّ الغيرّ !
........................ وَ سَالْ منْ العِيونّ : أسْرابّ جَرحّ .. وَ [ آه ] ما تِنقاسّ !
.
.
.