بعض العيون حقدها في نظرها

23

.
مدخل..
(((تــــعــــــــــــــــــــــالــــي)))

تــــعـــالى نسكت احسن من كلام تاليته جروح
نــحـب بصمت دام الصمت ما يجرح مشاعرنا

انا وانتى يطول الصمت والدمعه وكثر البوح
ولــــــــيل ما بقى به حيل ينهانا ويامرنا

بكى ما كنه اللى كان يغرينا فرح ومزوح
سكت ما كنه اللى كان ملهمنا وشاعرنا

توحّى تسمعين الليل مدرى وش بلاه ينوح
على ضحكاتنا والا على كسرة خواطرنا

اذا يبكى من الفرحه علينا علميه يروح
واذا يبكى حزن تكفين قوليله يسامرنا

ويجبر خاطِرِ قامت هواجيسه تجى وتروح
يشوف الحال ويكف السؤال اللى محيرنا

صحيح انا صبرنا واعتبرنا صبرنا مصلوح
ولـــــــــــكن ما بقى شى عقب هذا يصبرنا

تعالى نسكت احسن من كلام تاليته جروح
نحب بصمت دام الصمت ما يجرح مشاعرنا
نحب بصمت دام الصمت ما يجرح مشاعرنا
نحب بصمت دام الصمت ما يجرح مشاعرنا
.
.
.
بدايه..ـ
صباح الرقه والحب على قلوبكمـ النقيه..
هذرتي اليومـ الظاهر والله العالم ماراح تعجبكم...=)
بارتات بعض العيون..خلال الفترهـ الحاليه راح تكون آسبوعيه..
لضيق وقتي وعدمـ ترتيب أوراقي..
وهذا اولاً وأخيراً يصب في مصلحة الروايه..
آعذروني لكن هي فترهـ معينه..وراح تعدي ويرجع بارت الاثنين يتثبت من جديد..
لكن ان شاء الله الانضباط موجود ,,وقربكمـ مني موجود=)
.

.
.
.
لآتلهيكم الروايه عن دخول وقت الصلاهـ..
.
.
.
الجد بحبور\هذا بيت الدايس...جواهرجي معروف ولد حموله وآصولاً عروقه طيبه...ماعندهـ الا بنت وحده..وعمرها في بحر العشرينات او على شواطئها... ساكنين هنا من اربع سنين او اقل..والله مدري...وش رايك يابوي...
آبتسم بذبول\راي في آيش..
الجد \في كلآمي..!
عض طرف شفته بـهمس\بدري على زواجي ها السنه..؟
الجد توقف من ثم التفت لـياسر\بدري..؟لآيكون عاد هذا يدق فيها..!
القى كلامه الجد وهو يشير بصبعه على صدر ياسر..
آبتسمـ\آكذب عليك...ولآ..تبي الصدق..؟
مقرن\لآتصدق معي في شي يكدرني..ولآتكذب معي في ـ شي بيزعلني..؟
تراجعـ خطوتين ونظراته ترتفع للفله الفخمهـ وتجاهل كلمات الجد\كنت آظن هـ الفله مهجورهـ والا اهلها برى ومايجون الا في العطل..ماكنت آظن يسكنها آحد..
مقرن\يآبوك..هذولا من الدايس..معربين الاجداد..رضاي عليك ياولدي تناسبهم وترفع راسي...
ياسر\وان خذيت لي وحدهـ شينه وجلست على كبدي..وش لي بمعربين الاجداد..يابوي تعرفني ماحب الا الزين...وآنا ماحب التعداد زي عمي...ولآ ني بمطلق مرهـ ثانيه ..وش السواة وقتها..!
رفع حواجبه و بخبث وهو يردف \ولو آنك شايف بنت البراق..عفت البنات بعدها..!
كتم غيضه الجد وبهمس\بسيطه..يشوفونها حريم عمك..؟
بـصدمه \حريم عمي..بايع عمري انا يابوي..والله ان يزوجوني القرد ويقولون هذا غزال خذه وانت مغمض عيونك..مانسوى الي سويته فيهمـ..بعده في قلبهمـ جمره علي!
القى بعدها ياسر ضحكه ساخرهـ...
الجد\ آجل عمتك الظبي..
ياسر\لآ...
مقرن بـستفهام\ليه..لآ...معاند هو..
ياسر بآبتسامه \هو .. لآ.. وبس...
مقرن\يعني ماتبي بنت الدايس..الجواهرجي الي كل يبي رضاه..عساه بعد ياولد عبدالعزيز يوافق عليك...حد يحصل بنتهم ويقول لا..
ياسر\ولد العاجي..ويرفضه..هذا بيوافق ولآبعد قمنا من المجلس..ولآهو بعد بـ مشاور آحد..يحصله هو وبنته ياسر..!
مقرن\آجل تعوذ من آبليس ونروح نخطب عندهـ..دامك ماتبي احد يشوفها..
ياسر\ لآ لآ لآ ماهو بمشكله..حريم عمي والظبي عمتي خلهم يشوفون المرهـ..والخيره الله يكتبها..ويكفيني شر منير ..!
ابتسامة مقرن آزاداة وهو يلتقط كلمات ياسر المحببه الان على قلبه..
.
.
.
خاطرك هذا مسوي بي سوايا
كلما قالوا عشانه..!
قلت قدام..!
.
.
.
يومـ جديد..