أمطرت على قلبي بحبك بقلم آية إبراهيم

الفصل الثلاثـون:-

الحلقه 30 من أمطرت على قلبى بحبك
{يريـد صداقتي..!!}
ماهيتاب:إفتكر كويس دى بنتي أنا...
يمسكها حازم بقوة من معصمها قائلا:أنا فاكر وفاكر جدا كمان بس إنتى مش أم إنتى شيطانة ولما الناس تشوف أم بتحرق بنتها كدة من غير سبب ممكن تدخلى السجن
ماهيتاب:وده مش هيحصل يا حازم حتى لو هدخلها دار أيتام..
حازم:إستعدى للمواجهه فـ المحكمة يا مدام ...
                           •••••
إستعدت رهف للـ رحيل مع حنين إلى منزل هبة حيث ستتم الخطبة فـ المنزل كونها حفلة عائلية..
رهف بتساؤل:إيه يا ماما مش هتيجي ولأ إيه؟؟
سلوى:لأ يا حبيبتي تعبانة شوية
حنين:ألف سلامة عليكي يا طنط
سلوى:الله يسلمك يا حبيبتي ،، أومال يا بت يا حنين هتروحى الجامعة أمتة؟؟
حنين بأسي:لية التذكير بس يا طنط!!؟
رهف بسخرية:حد قالك أسقطى يا فاشلة إنتى
حنين بضيق مصطنع:لأ والله إنتى محسسانى إنك ناجحة يا حلوة ما إحنا سوا سوا حتى فـ الفشل..
رهف بمرح:ما هى دى الصداقة صاحبتك تفشل تفشل زيها
حنين:أهاا يا حبيبتى ونعمة الصداقة والله
سلوى:إنتوا مش كنتوا ماشيين ؟؟..يلا إتفضلوا زمان هبة بإنتظاركم
حنين: ربنا يسامحك يا طنط بتطرودنيا ،، شوفتى مامتك يا رهف؟؟
رهف:ما أنا مطرودة معاكى يا حبيبتي ..

                             •••
{فى المساء..}
_مبرووووك يا عروسة أنا العريس أنا العريس لووووولوووولى
هبة:خلاااااص يا خرابيتكم ده إنتوا إيه ما صدقتوا
حنين:بصراحة كدة يا بيبة أنا كنت فاكرة إنك هتفضلي عاذبة للأبد
هبة بإستنكار:لية إن شاء الله ناقصة أيد ولا رجل ..!
حنين:مش قصدى الله ...
تأتى رهف إلى داخل الغرفة
رهف:عمو بيقولك جهزتى ولا لسة؟؟
هبة:خلاص هلبس الطرحة ،، بقولك جيه..
رهف بعدم فهم مصطنع:مين ده!!؟
هبة:بطلي إستعباط يا رهف ،، أحمد جيه؟
رهف:أممم عايزة الصراحة ولأ الكدب ؟؟
هبة:الصراحة يا رهف يلا إخلصي ..
رهف:يبقي الكدب ،، ممنوع تسريب أى معلومات خاصة بـ العريس للـ عروسة
هبة:خلاااص يا رهف خلاص طيب ولاء جات؟؟
حنين:كلمتها قالتلى بتجهز هى وهاشم ..
هبة:طيب ..
                             •••

إنچى:أستاذ حازم فى واحد برا عاوز يقابل حضرتك..
حازم:قال أسمه؟!
إنچي: أيوة يا فندم الأستاذ حمزاوى السيد
حازم:أممم خليه ينتظر شوية ودخلى العملاء على غرفة إلـMeeting
إنچي:تحت أمرك يا فندم ..!!
تغادر إنچي المكتب
بينما يبتسم حازم بإنتصار فهو يعلم لما أتى حمزاوى إلى شركتة
••بعد مرور 30 دقيقة ..
حازم محدثا فـ هاتف المكتب:دخلى الأستاذ
إنچي:حاضر يا فندم ..،،إتفضل يا أستاذ حمزاوى الأستاذ حازم بإنتظارك فـ المكتب
حمزاوى بإقتضاب:طيب..
{داخل المكتب ..!!}
حازم بترحاب:يا أهلاا يا أهلا بـ مديري السابق نورت والله مش كنت تقول إنك جاى عشان نزين الشركة ..
حمزاوى:خلصت ترحابك يا أستاذ
حازم:أمممم،، أوامر حضرتك إستني بس قبل ما تتكلم أنا عارف إن شركتك خسرت جامد وجامد جدا كمان ،، بس فى حد يجي زيارة فـ وقت متأخر زى ده؟؟
حمزاوى:أنا مش جاى عشان أتكلم معاك كتير أنا هدخل فـ الموضوع على طول
حازم:يكون أحسن بردوا عشان مش فاضي
حمزاوى:أنا سمعت كتير عن شركتك ونجاحها فـ حابب نرجع نشتغل مع بعض تانى
حازم وهو يقهقه بسخرية:وهنرجع لمعاملة المدير والموظف ؟؟ يمكن حضرتك ناسي إن شركتى خاصة بالموضة وعالم الأزياء وشركتك موضوع تانى ..
حمزاوى:هتكون إنت المدير التنفيذي ولو مش حابب ممكن تدخل برأس مال وكل شهر أو أتنين الأرباح هتكون على مكتبك
حازم:أممممم أنا موافق لكن شغلي هيكون مع رهف وكأنى بشتغل معاك هااا قولت إيه ؟؟
حمزاوى:أنا موافق لكن رهف...
حازم مقاطعا:مش مشكلتى أو يبقي مفيش شراكة أنا أساسا مش محتاج للشراكة دى
حمزاوى:خلاص رهف هقنعها أنا
حازم:يعني هتحطها قــدام الأمر الواقع؟؟
حمزاوى:مش مشكلتك إنت دى بقي
حازم:طيب
حمزاوى:نمضي العقد بقي
حازم:المحامى بتاعي قرب يجي