أمطرت على قلبي بحبك بقلم آية إبراهيم

الفصل الثاني والثلاثون:-

الفصل الثاني والثلاثون من أمطرت على قلبي بحبك
{على وشك الظهور..!!}
رهف بدهشة:قصدك إيه يا بابا ..!!
حمزاوى بتلعثم:هاا مفيش حاجة يلا أنا هقفل دلوقتى مع السلامة..
رهف:بابا ..بابا إستنى ...
لم تُكمل "رهف" حديثها حيث أنهى المكالمة مسرعاً
رهف بعدم تصديق: يـ..ـعنى إيـه ، أاانا لأزم أعرف كل حاجة لأزم كل حاجة..
تسرع بأخذ أشياءها الخاصة وتغادر الشركة بإكمالها
•••••••••••••••••••••••••••••••••••••••••••••••••
كانت تبكى منذ أن أتت إلى ذلك المكان الغريب بالنسبة لها
_أستاذة لمياء البنت كدة هتتعب من ساعة ما جات مع حضرتك وهى بتبكي..
لمياء "المسئولة عن الدار":
طيب هعمل إيه مع الوقت هتهدأ .
_ياريت وكمان رافضة الأكل ..
لمياء:طيب جهزى إنتى الأكل وأنا هدخلها.
_طيب
تذهب تلك الفتاة كى تحضر الطعام..
بينما يأتى إتصال لـ لمياء من قبل شاهيناز.
لمياء:أيوة يا مـدام شاهيناز.
شاهيناز: هاا وصلتوا..؟
لمياء:أيوة ، بس البنت قاعدة بتبكي
شاهيناز:إتصرفوا إنتوا معاها بقي .
لمياء بنفاذ صبر: ماشي يا مـدام شاهيناز أنا هقفل ، مع السلامة..
تغلق لمياء مع شاهيناز وهى منزعجة منها أتلك " أم" التى ترسل أبنتها إلى دار أيتام
••• بعد مدة...
تأخذ "لمياء" الطعام وتذهب إلى غرفة چورى المخصصة لها وحدها
لمياء وهى تطرق على الباب بإبتسامة:ممكن أدخل..
چورى:NO
لمياء:طيب هديكي حاجة حلوة وأخرج ماشي
چورى ببكاء:لأ إنتى بتكدبى عليا..
لمياء:لأ حتى شوفى جبتلك أيس كريم وشوكولا بس الأول كلى.
چورى بنفي:لأ أنا عايزة أكلم بابى..
لمياء:طيب كُلى الأول وبعدين هنكلمه.
چورى:لأ إنتى مش معاكى "موب"
لمياء وهى تعطيها هاتفاً:طيب خدى أهو خليه معاكى ..
تتناولة منها ثم تفتحه وتضغط على أرقام قليلة ثم تضع أصبعها عند رأسها كعلامة للتذكير ، ثم تكتب باقي الرقم
چورى:خدى كلمى بابي..
تشعر لمياء بالغرابة فقد شاهيناز أخبرتها أن والد چورى متوفى.
لمياء:طيب هو إسمه إيه..!
چورى:بابي حازم.
لمياء: طيب عرفتى إزاى إن دة رقم بابي..؟؟
چورى:بابي خلانى أحفظة
لمياء:طيب خلينا نجرب لو رد علينا ماشي.
چورى:أوكى.
••••••••••••••••••••••••••••••••••••••••••••••••
حنين بنفاذ صبر: هاا يا دكتور جابر الجدول أمتة..
جابر وهو يشير بإتجاة حمزة:الدكتور حمزة هو إلـ عارف
حنين:لو سمحت يا دكتور حمزة الجدول هينزل أمتة..!؟
حمزة:وطى صوتك وإنتى بتتكلمى
حنين بضيق:أنا أعلى صوتى براحتى ولو مش عايز تديني الجدول أحسن مش محتاجاة إن شاء الله أعيد السنة تانى بلا قرف عن إزنك يا دكتور جابر
وتتركهم غاضبة ..
حمزة:شوفت يا دكتور جابر أهى هى دى إلـ كانت بتتخانق مع كنزى
جابر:هى عصبية شوية، بس محترمة
حمزة: هو إنت تعرفها يا دكتور..!؟
جابر:جدتها تبقي بنت عمى..
حمزة:يعني قريبتك من بعيد
جابر:أهااا ، أكيد بكرة هتيجي تانى تبقي تديها الجدول
حمزة:ماشي يا دكتور.
•••••••••••••••••••••••••••••••••••••••••••••••
{فـ ڤيلا رهف..!!}
رهف:ماما ، بابا موجود هنا ..!؟
سلوى:أيوة يا حبيبتى فـ أوضت المكتب
رهف:طيب عن إزنك
•••تذهب رهف إلى غرفة المكتب...
رهف:ممكن أدخُل يا بابا..!
حمزاوى:خير يا رهف تعالى
رهف:ممكن حضرتك تشرحلى إيه إلـ قولتهولى الصبح..!؟
حمزاوى بعدم فهم مصطنع: وأنا قولت إيه يا رهف..؟!
رهف:حضرتك قولت إن بنت شاهيناز مش بنت حازم صح ، وقولت إنها كانت حامل فـ الشهر إلـ 2 أو إلـ 3 قبل ما يتجوزها صح ..!!؟
حمزاوى: ومين قالك أساسًا إن حازم متجوز ..؟؟
رهف:تقصد إيه يا بابا.. ؟
حمزاوى:حازم مش إتجوز ، حازم لسة أعزب
رهف بدهشة:يـ..يـعنى إيه هو مُطلق
حمزاوى:حازم مكانش متجوز شاهيناز ، شاهيناز كانت متجوزة حد تانى ودى بنتها هى وواحد تانى
رهف بعدم تصديق:بــس البنت قالتله بأاابي ، مــ..ـعنى كدة حازم بيحبني صح ؟
تتابع رهف حديثها ببكاء:
يعنى هو بيحبنى صح يا بابا ؟.. بــ..ـس لية كدب عليه ، أاارجوك يا بابا إحكيلي الحقيقة أنا بجد تعبانة ومحدش حاسس بيا أرجوك يا بابا وحياتي عندك أنا عايزة أعرف الحقيقة..
حمزاوى:هى دى الحقيقة كلها يا رهف
رهف:لأ يا بابا يمكن دى جزء منها مش كدة ..؟ أنا عارفة إنك عارف كل الحقيقة أرجوك إحكيلي يا بابا...
••••••••••••••••••••••••••••••••••••••••••••••••
{فـ دار الأيتام..!!}
تطلب "لمياء" ذلك الرقم على الهاتف و يجيبها حازم..
لمياء:ألوو
حازم:أيوة مين حضرِتك؟..
لمياء:حضرتك الأستاذ حازم.
حازم:أيوة مين
تنصعق لمياء عندما إستمعت له فـ تلك إلـ"شاهيناز " خدعتها
حازم مكرراً سؤاله:مين حضرِتك!!؟
لمياء:أنا المسئولة عن دار الأيتام ، بنت حضرتك عندى چورى..
حازم:إيــه!!
مين إلـ جابها عندكم..!؟
لمياء:المـدام شاهيناز ،رجاءً تعالى ضرورى محتاجة أتكلم مع حضرتك..
حازم:طيب إبعتيلي العنوان
•••••••••••••••••••••••••••••••••••••••••••••••••
{فـ مدينة نـصر..!!}
نـداء بإستمتاع واضح:الله على الجمال تسلم إيدك يا ماما
صفية بحنو:تسلمي يا حبيبتي بألف هنا وشفا ، كُلى تانى يلا
نـادر:وأنا إيه طيب برا العزومة دى..!!؟
نـداء بطريقة مسرحية:إحنا عيلة فـ بعضينا روح إنت كُل مع الآنسة دارين دارويش
نـادر:بقي كدة إخس عليكي يا صفصف تلاقي بِنتك تروحى ناسية إبنك الوحيد ربنا يسامحك يا أُمى..
صفية:إنتوا كلكم عيالي حبايبي بس زى ما إنت إبني الوحيد هى كمان بنتى الوحيدة..
نـادر بغمزة:أيـوة بقي من أول ساعة أخدتى الجو منى ، الله يسهلٌ أااعم
نـداء:ياخربيتك فقرى ، يلاا الحمدلله..
صفية:يا بنت أقعدى شوية إنتى لحقتى تاكلى
نـداء:الحمدلله يا ماما ، هقوم أنا أعمل مكالمة ..
نـادر بمزاح:كائن جديد ده ولأ إيه..
نـداء بجديه مصطنعة: إحتـرم نفسك يا أاخ ، هكلم رهف صاحبتي وأجى
صفية بإبتسامة:ماشي يا حبيبتى.
•••••••••••••••••••••••••••••••••••••••••••••••••
{فـ دار الأيتام..!!}
حازم:فين چورى
لمياء:هى كويسة الحمدلله إتفضل أقعد حضرتك بس عشان نعرف نتكلم.
حازم:هو إيه إلـ حصل بالظبط..!؟
لمياء:فـ الحقيقة يا أستاذ حازم المـدام شاهيناز قالتلنا إن والد البنت متوفى وهى مش قادرة على مصاريفها ووريتنا شهادة الوفاء كانت بإسم واحد إسمة طاهر محمود ، عشان كدة أخدنا البنت هى كانت بتبكي جامد وكانت رافضة الأكل وعشان أخليها تاكل إديتها "الموب" بتاعى ووقتها كتبت رقم حضرتك وقالتى إن دة رقم باباها أنا إستغربت وقولت بتكتب أى رقم لكنها قالت إن باباها إسمه حازم فـ كنت عايزة أتاكد  وكلمت حضرتك ..
حازم:أولاً دى شهادة وفاء كاذبة ثانيًا ينفع چورى ترجع معايا
لمياء:هو إنت فعلاً والدها!؟
حازم:لأ
_يتبع..._