منيتي

١

       انا منيه ٢٢ سنه بقرا مختبرات انا كلبوظه بس م شديد متوسطه الطول انا والترتيب خطين متوازيين عندي اخت أكبر مني اسمها مروه متزوجه وعندها طفلين ووحده أصغر مني اسمها مها بتقرا طب الخرطوم واخوي اسمو عمار

امي وينه شنطتي الكنت خاتاها هنا مالاقياهايابت بتكوركي مالك من صباح الرحمن يعني الزول ماينوم معاكم النايمه ليها شنو ماعندك جامعه الساعه بقت ٩ امي شنطتي وين شنطتك هنديك جادعاه تحت السرير وشغاله تسالي منها ماتجدعي لي حاجاتك و تجي تسالي منهم
شلت حاجاتي ومشيت علي الجامعه عندي صحبتي اسمها جيهان نحنا طول اليوم مع بعض في الجامعه من دخلت الجامعه لقيته جاريه علي يابت في شنو من الصباح المفرح ده
قلت ليها ان شاء الله يكون خطبوك وبوركت اتفكت واستريح من وقتك دي قالت لي يخشي عليك انا بنق كتير المهم ده ماوضوعنا بحاسبك علي كلامك ده بعدين قالت لي ياريت كنت ارتحت منك وبقت تضحك قلت ليها وأنتي لاقياني وين
قالت لي المهم بكرا لازم تمشي معاي البيت لأنه محتاجه ليك بكرا جاي اخوي من السفر ومعاه اصحابه ولازم تساعديني قلت ليها جدا بس اكلم ناس البيت
قالت لي تمام دخلنا حضرنا محاضراتنا وقعدنا اتونسنا شويه وكل زول مشي بيتو
لقيت المواصلات صعبه بعد تعب عشان ركبته وصلته البيت متاخره وتعبانه وهلكانه والجوع داير يقتلني بس جري علي الحمام اخدته دش وغيرته هدومي وصليت ويالمطبخ جاك بلا 😁بس تقولوا شنو جني اكل
يلا بعد أكلته مشيت علي ناس البيت اشوفهم وبالمرة اقول ليهم كلام جيهان مشيت لقيت بس امي وابوي اتونستا معاهم شويه  وقلت ليهم بكرا حاتأخر لأنه جيهان جاينهم ضيوف وهي مامعاها زول يساعده طلبت مني أمشي معاها امي قالت لي خلاص بس ماتتاخري ابوي قال لي بعد تخلص و اتصلي علي بجي اسوقك قلت ليه جدا