منيتي

١٦

تاني يوم جيهان اتصلت علي وحددت المكان انا قمت من بدري ونضفنا البيت وعملته الفطور وذكرنا بعد الفطور قلت لي امي انه دايره الاقي جيهان قالت لي مافي مشكله بس اتصلي علي ابوك كلمي قلت ليها خلاص اتصلت علي ابوي كلمته قال لي بس ما أتأخر قلت ليه حاضر ، ماعارفه من دون الايام لبسته واتظبطته وطلعته اتصلت بي جيهان عشان اكلمه اني طلعته قالت تمام بي مسافة الطريق اكون معاك ووصفت لي المكان الحنتلاقي فيه قلت ليها خلاص وصلته المكان لقيت جيهان لسه ما وصلت قعدته شويه جا عمر انا اتخلعته 😲😲😲عمر الجابو شنو ما كنت متوقعة دي حركة من جيهان عشان تخليني الاقي عمر .
عمر طوالي جا علي انا وقفته اول ما وصلني قبل ما اتكلم قال لي عارفك ما حترضي تلاقيني عشان كده قلت لي جيهان تعزمك وتحدد المكان وتقول لي ، انا قاطعته وقلت ليه اسفه يا عمر بس مافي داعي لي كل ده لانه كل شي انتهي وقت انت سافرته من دون ماتسمعني شلت شنطتي ومشيت من دون ما أتلفت طوالي وقفت امجاد واتحركت قبل مايحصلني ومشيت البيت وطوالي طلعته غرفتي وقفلتها علي وماقلت لي زول اني جيت ،  قمته بدلته ملتبسي وجيت امسك التلفون لقيت جيهان متصلة علي مارديت عليها قفلت التلفون ونمته صحيت الصباح صليت ونضفته البيت وعملت الفطور فتحته التلفون  لقيت كمية من الرسائل من جيهان وعمر ، وانا بشوف في الرسائل جاتني مكالمة من عمر فتحت الخط وما إتكلمتة قال والله اسف وما قصدي ازعلك 😔😔😔 قلت ليه مافي حاجه تزعل لأنه البيناتنا اصلا انتهي من يوم سبتني وسافرته من دون ما تسمح لي ابرر موقفي ولو سمحت ما تتصل علي وقفلته الخط من دون ما اسمع رده .
وفي جانب آخر
عمر مشي لي جيهان وحكي ليها الحصل قالت ليه انها بكرا بمشي ليها البيت واحكي ليها امكن تسمع مني .
وفي جانب آخر
منيه مشت لي أبوها وقالت ليه انه فاطمة بت عمته قالت ليها تجيها زيارة وهي وافقت أبوها قال ليها جدا بس قولي انتي ماشه متين وانا بحجز ليك قالت ليه احجز لي بكرا انا مجهزة حاجاتي قال ليها خلاص .