منيتي

٧

الحفله كانت حلوه وكل الناس انبسطت ، طبعا كان في ناس الجامعه في واحد لايوق كده من دفعتنا ما يشوفني الا يجي ويتعابط وانا ما بحب الحركات دي وانا دايما بحرجو بس مابحسش 😑😑😑 دم بقري 🤢🤢🤢  كل زول قدم هديتو انا اخر زول قدم الهديه جبت ليها سلسل من فضه منقوش عليه اسمه وشنط ومحفظه من الجلد منقوش عليهم اسمه كنت عارفاها بتحب الحاجات الذي دي فتحت الهديه وقت شافتهم فرحت شديد😍😍😍 وانا طالعه عشان أركب امجاد في واحد
قرب مني وبقي يتكلم كلام مافهمته وانا خفته 😢😢😢بس سمعته صوت في شنو يا زول اتلفته القي عمر جاي بس ده مسكني من يدي قال ماشه وين طوالي اديتو كف وجربت يدي منو تاني حصلني قال لي ماشه وين يا جميل عمر وصلنا قال ليه فكها داك قال لي عمر دي تخصني ما تدخل عمر ضربو وقال ليه قبل ماتمد يدك علي حاجه ماحقتك اعرف هي حقت منو والمديت يدك عليها دي ملكي 😍❤💙انا قعدته ابكي😭😭😭 خلا الولد وجاني قال مافي حاجه تخوف خلاص مشي مادام انا موجود ماحيحصل ليك حاجه مسحته دموعي وابتسمته ليه 😊😊😊 شلته شنطتي كان وقعت مني قال لي يلا اوصلك قبل الوقت يتاخر قلت ليه مابقدر أمشي بي شكلي ده دايره انضف ملابسي واصلح المكياج البلد بي سبب الولد مسكني من يدي ودخلني حته كده منها طوالي السلم اشر لي علي غرفه قال لي خشي الغرفه دي علي يدك اليمين بتلقي الحمام قلت ليه مابقدر ادخل غرفة زول مابعرفه امكن يجي يلقاني حيقول شنو قال لي دي غرفتي خلصي سرعه عشان نمشي انا طوالي دخلته لقيت الغرفه مرتبه شديد اكتر من غرفتي دخلته الحمام عملته حاجتي وطلعته لقيتو دخل غرفتو وطلع شميت ريحة عطرو 😊😊😊 طبعا ريحتو روعه مشيت شلتها كان جا داخل قال لي عجبتك خجلته طبعا اقول ليه عجبتني 🤗🤗🤗 طوالي طلعته وخليتو في الغرفه وصلني بالعربيه دخلته لقيت البيت مافيهو حركه طوالي مشيت غرفتي استحميت  وصليت وشات التلفون لقيتو متصل رديت عليه واستاذنته منو عشان تعبانه ودايره تمام عشان بكرا عندي محاضره وتسليم بحث ، قال لي ارتاحي وتصبحيعلي خير  واحلام سعيده وخلي بالك من نفسك قلت ليه وانت من اهل الخير  وقفلته التلفون نمته صحيت الصباح متاخره لبسته سرعه وطلعته وقت وصلته الجامعه مالقيت وقت اتصل علي جيهان لانه وقت  وصلته لقيت المحاضرة شغاله بعد خلصته طلعته لقيت جيهان قاعده برا سلمته عليها وقاعدين نتونس ، جات سهي وبقت تتهابل وتتمايع في جيهان قالت دايره اشوف صور الحفله بس شافت صوره فيه انا وعمر برانا قريبين من بعض قالت لي جيهان الصوره ماحاولت انا طوالي اختصرتها ووقفته جيهان قالت لي اقعدي قلت ليها خليك براحتك مع حبيبة قلبك انا بمشي طوالي وقفت وخلت سهي براها تعاين لينا طبعا غاظته الحركه 😡😡😡 طوالي طلعنا قلت لي جيهان الليله عازماك ايسكريم فرحت 😍😍😍 قالت لي أخيرا حتعزمي صحبتك قلت ليها تصدقي 😉😉😉 مشينا اكلنا ايسكريم وانبسطنا واتصورنا ورجعنا ، وصلته طوالي دخلته غرفتي استحميت وغيرته وصليت و قعدته اقرا لي ١١ كده رقدته عشان انام لقيت عمر متصل كتير ومرسل لي مسجات اتصلت عليه كنسل لي المكالمه ورجع لي اتكلمته معاه شويه واستاذنته منو ، بعد فتره فتح لي الموضوع وانا رديت ليه اني موافقه قال لي كلمي ناس البيت عشان اجي ، الصباح نضفته البيت وعملت الشاي شربته الشاي مع ناس البيت كلمت ابوي قال لي خير خلي يجي  يوم الجمعه مشيت رسلت لي عمر وكلمته فرح 🤩🤩🤩 قال بكلم ناس البيت