منيتي

٦

تاني يوم مبسوطه قمت نصفته البيت وعملت كيكه امي جات المطبخ لقتني عملت الشاي وجهزته حاجات الفطور قالت لي مالك الليله نشيطه كده قلت ليها قلت اساعدك شويه قبل ما اطلع لأنه حاجي متاخره قالت لي ربنا يوفقك ويديك الفي مرادك 😍 تسلمي لي يا احلي واحن ماما وسلمتها في رأسه قلت ليها بعد الدعوه الحلوه دي لازم أمشي عشان اتاخرته قالت ربنا يعدل طريقك أمشي ماتتاخري طوالي مشيت وانا مبسوطه اول ما دايره اركب المواصلات سمعته زول بناديني اتلفته لقيتو عمر انا اتخلعته طبعا ده الجابو هنا شنو سلم علي  قلت ليه خير في حاجه قال لي لا بس كنت ماري بي هنا قلته اوصلك معاي الجامعه في طريقي (قلت في نفسي والله احسن من جرجرت المواصلات وانا اصلا متاخره) قلت ليه جدا طوالي ركبنا وفي الطريق مافي زول اتكلم مع التاني وحاسه بيه داير يقول شي بس متردد بعاين لي واول ما احس بي اني شوفتو بتلفت مني قلت ليه في حاجه داير تقوله قال لي لا مافي حاجه بس سرحته شويه بقي يقش وشو بي يدو كأنه متوتر من حاجه وصلته جامعه شكرته ونزلته لقيت جيهان منتظراني دخلنا المحاضرة وخلصنا دخلنا المكتبه شويه وطلعنا نشرح بعد خلصنا بقينا نتونس سألتني قالت لي رأيك شنو في عمر قلت ليها من ياتو ناحيه قالت لي من كل النواحي قلت ليها هو مافيهو شي كان خله عصبيتو وافتراه ده قعدت تضحك .
جيهان ماجات الجامعه وانا قلقت عليها اتصلت التلفون مغلق  وحاولت كتير عشان رجعت لي بي تلفون عمر عشان كلمتني انو خطفوا شنطته وهي ماشه علي الجامعه ووقعت كسرت يدها ، انا بقيت اتكلم براحتي معاها علي اساس عمر ماجنبها فجأه القي عمر شال التلفون وقال لي يامنيه بصراحه بدون لف ودوران انا بحبك 😲 انا اتخلعته طبعا وطوالي قفلته التلفون ، جيهان نزلت الجامعه انا نسيت الموضوع وبعد كم يوم كان عيد ميلاد جيهان كانت عامله حفله في البيت جيهان أصرت اني اجي الحفله كنت خايفه الاقي عمر ويفتح الموضوع وانا ماعارفه اقول ليه شنو ، في الاخر ماقدرت احرجه ووافقته اني اجي الحفله لكن بحاول ما الاقي عمر كلمت ناس البيت واستاذنته من ابوي وخلاني بي شرط ما أتأخر لاني براي  جهزته حاجاتي لأنه بعد المغرب طوالي اصلي واطلع اتصلت علي جيهان وكلمتها اني جايه  قالت لي برسل برسل ليك عربيه قالت منها لقيت فستان بسيط  وعملت مكياج بسيط طلعته لقيت العربية جات ركبت ورا اول ما ركبته القي السياق عمر قربته انزل بس هو اتحرك طوالي ما اداني فرصه اعترض مافي واحد فينا اتكلم مع التاني لمن وقف قدام مطعم قال انزلي قلت ليه لا انت جيب حاجتك الدايره انا مادايره قال لي انا داير اتكلم معاك برانا وهناك مابقدر قلت ليه جيهان حتكون منتظراني قال لي هي عارفه اننا حنتاخر انا كلمتها انا دايرك في موضوع ( انا خلاص جسمي برد ودخلته في حاله تانيه ) انا ماعارفه ارد اقول ليه شنو اذا فتح لي الموضوع  ، دخلنا وقعدنا بعد طلب حاجه قال لي انا ماداير منك رد في الحاجه الحاقوله ليك علي راحتك ردي لي مامستعجل سكت شويه وواصل كلامه قال لي اول ما شفتك ارتحت ليك صاح شاكلتك وزعلتك بس حبيتك وقت ضربتك بالعربيه كنت ماشايفكلأنه بتكلم بالتلفون خفت عليك وقت لقيتك دي انتي كنت حاسي بالذنب عشان كده كنت بتصل عليك علي طول كنت بجي الجامعه طوالي عشان اشوفك بس وقت عزمتك كنت داير نقعد برانا عشان كده ما قلت لي جيهان مسح وشو بي يده ونزل رأسه وعاين لي مسافه وقال لي بصراحة كده يا منيه انا بحبك ودايرك قلت ليه انت فاجاتني وما عارفه اقول ليك شنو قال لي انتي اخدي راحتك وفكري وهما كان رايك انا بحترمه قلت ليه جدا  علي كده طلعنا ومشينا اول ما وصلنا نزلت من العربيه  نزل وجا محصلني قبل ادخل البيت مسك يدي أتلفت عاينته ليه قال لي ماتكلمي زول لمن اعرف رايك قلت ليه جيهان حتسالني كنت دايرني في شنو قال قولي ليها اي حاجه بس ماتخليها تعرف اسع قبل مايخلص كلامه جات جيهان اتخلعنا ماكنا متوقعنها تجي طوالي هو فكاني ووقف قدامي عشان ماتشوفني متوتره كيف ساق جيهان وتكلم معاها بعيد بعد جات علي اشر لي بي اني أهدأ  تلقائيا لقيت روحي ابتسمت ليه اطمنته من حركتو دي دخلنا البيت بقت تسألني وانا مطنشاها لقيته عملت كل شي بس فضل ليها تلبس دخلت استحمت ولبست  كان الناس بدت تجي بدت الحفله الناس كانت مبسوطه .