مشاعر_مطرطشة (باللهجة الليبية)

حلقة 35

35

الرائد فوزي : بما انّ شرطة حبس كويفية جت
خلاص هيا انسحبوو
,,,
انسحبو كتيبة 505 وكان امعاهم الباشق
متنكر بزي جندي من جنودهم
الباشق يرجى في اول فرصة مش يهرب منهم بدون مايفطنوو
''''
العقرب : زعمك شن صاير جوّا في الحبس
احمد : قالو كل حاجة تمام وتم السيطرة علي الحبس بالكامل
مروان : لو في حاجة حتبان بعدين
العقرب :زعمك شن صاير في إسماعيل
انرن عليك مقفل رقمه
احمد : خايف يقعدو ازرقو عليه
وطربقوووو
العقرب :قوول خير بس
,,,,,
كتيبة 505 وهما امروحين لمقرهم
واحد من الجنوود درّس علي سوبر ماركت ياخذ كم حاجة
للمعسكر ونزلوو مع كم واحد من الجنود
وكان امعاهم الباشق
وبعدها بلط منهم ,, وخش لأول جامع
خش للحمام امتاعه
سلح اللبسة امتاع الكتيبة
وطلع يمشي
كأي مواطن عادي
,,,,
بعد مرور نص ساعة

العثور على جثة شخص في دورة مياة سجن الكويفية
هروب المجرم الباشق من السجن
والخبر انتشر بسرعة البرق علي صفحات مواقع التواصل الاجتماعي
,,,,
معاوية : أخيرا هربت يالباشق عارفك اتهني
,,,,
الرائد فوزي : لاحول ولاقوة الا بالله
ربي يتقبل الشهيد اللي مات
لازم اتجيبولي معلومات اول بأول عالباشق ابسرعة
ومن جماعته في بنغازي
,,,,,
العقرب قاعد مع مروان وفارس في السوبر ماركت
كان احمد امبدري اشوية كيف طالع منهم
لان كان امعاهم
بعدها جا تليفون من احمد
العقرب : شفته الخبر هرب واضحكو علينا
متخافش أعلنت الاستنفار لاي طاري
للجماعة كلهم
احمد : مافش اخبار علي إسماعيل
العقرب : مزال رقمه مقفل
أحمد : خلاص انا حنخلي عيني علي معاوية
اول بأول لان هو اللي هرّب الباشق
العقرب : تم وانا نرجى منّك تليفون
انا وجماعتي امعاك في أي حاجة
,,,,
نجاح طلعت الامّها تجري
نجاح : ماما دزّلي صور ليّا وانا بدون ملابس
رمضان يهدد فيّا عالخاص
وفاء أخرجت عن طورها
وخلاص وصلت حدّها عندها
معش قعدت تصبر
وفاء : عقاب الوقت
قعد واحد تافه يهدد فينا
كلّه منّك
ياريت متت ولا شفت عارك
صدق فيك مروان لمّا قالك فاسدة
انتي فاسدة وشكلة في حاجات واجد
ماعندش بيهن علم
بالله عليك مزال عندك وجه تحكي امعا امك هكي
تي احمدي ربّك ماقتلتكش وماتبريّتش منّك
مافش ام في العالم ترضى بنتها هكّي
ولو شافت بنتها هكيّ
حتقعد الام اتأنب في ضميرها ,, نفس
ما انا كل يووم انـأنب في ضميري
وانقول ماعرفتش انربيك
نجاح : عليش هالكلام كلّه ياماما
وفاء ضربتها كف
اقلبي وجك من تلايا وامشي للدار
نجاح خشت للدار وقعد تبكي
عشان معاملة امّها
'''
امّها حسّت حمل عليها اكبر منها
مش قادرة تطلع منّا
كل يوم بعد يووم
موضوع نجاح
ايزيد الطين بّلا
وفاء : ماتطلعش من الدار ماتورينش وجك
ياريتني متت قبل ماشفت هالعار يارب
" وقعدت تدعي علي روحها بالمووت "
نجاح قعدت تبكي وتبكي في الدار
" تستاهليها حتى امك تبّرت منّك
حتى امّك استغنت عنّك
وقعدت وقتها نفسها الامّارة بالسوء
اتوسوسلها
" عليش عايشة في هالدنيا
امك باعاتك خوك حيقتلك
اقتلي روحك خير
احسن من العار امتاعك
عليش عايشة لعند توّا
اقل شي بعد اتمووتي حتريحي من هالقصص كلهن
'''''
الباشق جوو أصحابه خذوو
ومشوو بي شور الفويهات
خشو بيه الفيلة مش معروفة شور من ولا حيشكو فيها
الباشق : قتلكم حنهرب صح
عطووني رقم معاوية لازم نتصل بيه ضروري
توا نقدر انقول اللعبة امعايا
هل حنشوفه يلعب امعايا ولالا
,,,,,
مازن : حاليّا فضّي روحك انت يامروان
مروان : حاضر
مازن : وقّض الجماعة كلّهم
توقع أي حاجة اتصير
لو تحالفوو معاوية مع الباشق
فارس : حاضر
,,,,
ثاني يوم .. الساعة 2:00 ظهرا ,,