مشاعر_مطرطشة (باللهجة الليبية)

الحلقة الاخيرة 38

مشاعر_مطرطشة

الحلقة 38 والأخيرة

احمد : تم قتلك حتطلعو من الموضوع انتم
بس خلي الموضوع بيني وبينك
مانبّش العقرب يعلم بحاجة
لؤي : حاضر .. اطمّن من الناحية هذي
احمد : حتى قوبعة ماتحكلش
انت عارفة استحالة ادس حاجة علي العقرب
لو طلع صح ومسكووه
هذكي الوقت خليه شوري انا العقرب تو نحكليه انا
,,,,
الساعة 8:00 مساءا
مازن داير حفلة وجو سمح واجواء فووق الريح
بمناسبة حنين حامل
وجووو سمح في الحووش
رقيص واغناء واهياجة
,,,
مايا اول مرة ترقد في حظن معاوية
مايا : سبحان الله كنت نشحت
توا قعدت مراتك
معاوية : حتى يوم فرحك تحكي علي فقرك
اتحبي النكد انتي
مايا : فرحي ريت هالجو السمح اللي عشناه
والمعازييم
معاوية : حتى انا وياك معازيم اكويس
مايا : المهم ربي يخليك ليا يا احسن انسان في حياتي
وقعد حاضنها
,,,,,
لؤي اخترق احسباته
عالسوشل ميديا
لؤي : اوووووو كيف ماقال احمد
لقى مستندات باعثهن عالخاص
ومواعيد استلام مخدرات
وصفقات أموال
قعد يصوّر فيهن بالشاشة
ويحفظ فيهن عنده
ويسحب فيهن عالورق
,,,,,
وفاء امقعمزة عالتلفزيون واتفرج
اتحس رووحها برّدت علي روحها
لما اعرفت مازن قتل رمضان
وقعد تضحك وتلعب عادي
مع مروان
,,,,,
ثاني يووم الساعة 10:00
كان لؤي ماشي لعند مكتب احمد
احمد : نعليا منك وخلاص
هكي نقدروو انقوولوو طاح
حنشيلهن توا للنيابة
عشان يامروو بالقبض عليه
لؤي خاف اشوية
عشان ماسمعش كلام مازن
لؤي : المهم نفس ما اتفقنا انا ماعيطتك شي
احمد : لا ماتخافش مش حنقول لا اسمك لا اسم العقرب
لؤي : تمام
لؤي طلع من المكتب وكان خايف بكل
وخايف من ردة فعل مازن
يحكي مع روحه
" شن في درت بس يالؤي انت "
واحمد طلع للمكتب مشى شور النيابه دغري
عشان يحققو في الأوراق
ويامرو بالقبض عليه وحبسه
,,,,,,
فارس امكسد في السوبر ماركت
علي جيّة مروان
فارس : باهي اللي شفناك يالغالي
مروان : خلاص تمينا مواضيعنا توا حنكسدو نفس قبل
فارس : نسالك شن جو لؤي مختفي
مروان : قاعد في الحوش واطياح
كلمته في الطريق وانا جايّك
قالي جي هنا
فارس :باهي تمام
....
مايا فرحانة اليووم اول يووم بعد فرحها من معاوية
حسّت وكأنها انثى جديدة في هالدينا
ادير في برمة علي شقتها واتغني
وامكيجة وامدلعها نفسها عالآخر
" اخيران اجوازت ومعدش نقصنى حاجه محدش ليه كلمه عليا "

اتغني وترقص في الشقة واضم فيها
,,,,,
حنين نفس الشعور معنوياتها مرتفعة
وجوّها رايق عشان
مازن فرحان ورايق
بحتت في روحها في المرايا
وقعدت تحكي مع روحها
" حتقعدي ام ياحنين
زعمك عيل ولا بنووته
واتمشي بيدّها علي بطنها "
....
مازن : قتلي نبيك ضروري
جيتك عالصبح
معاوية : فجعتك قصدك
مازن : لا قلت شكله في موضوع يخصني
معاوية : نبي نسالك علي الافندي احمد نسيبك
مازن : كنّا
معاوية : باته مزوج وليتين ومطلق وحدة فيهن
مازن استغرب
مازن : كيف عرفتها انت
معاوية : يعني كلامي صح
مازن : صح اها .. بس كيف وصلّك الكلام
معاوية : حنحكيلك بالتفصيل
,,,,,
أحمد وصل للنيابة وقدّم الشكوة
جاري التحقق من جميع البيانات
و لو طلعت المعلومات حقيقية
انّ كان يتعامل امعا تجار حشيش
وامتاعين غسيل اموال حيطلع امرة بالقبض عليه
,,,,,
مازن : يعني المدام طلع عندها اخت
واسمايا مايا
معاوية : اها وحاليا متزوجين نحنا
مازن : كلام كبير هذا ,,
لكن هي ماعندش علم بشي
ومش عارفة قصة امّه الميتة
عطيني فترة بس نفتحلها الموضوع
امتاع أمها وبعدها ساهل
معاوية : دير جوّك وياريت
توا ماتحكي شي لاحمد
نسيبك بس حبيت انقولك
انت اول واحد
مازن : هكي حتقوى علاقتنا مستقبل
معاوية مد يّدة وليش ماتقوى
وسلّم علي مازن
,,,,