#فراغ_ملأه_بحبه
النسخة العامية
كتابة رؤى صباح مهدي
الفصل -1
وكفت نهلة كدام المراية. لزمت الكاوية وجانت عالكتها من فترة حتى تحمة وبدت تسرح بشعرها الأسود الفاحم. ما اخذ منها هواي وقت وصديقتها مينا تباوع عليها وتتبسم . كالت الها مينا:
"جم مرة كتلج ميكب فرست"
جاوبت نهلة ضايجة:
"اهووووو متعودة اسوي شعري اول"
كالت مينا:
"نهلة اذا تسوين شعرج صعب تحطين المكياج.."
شمرت نهلة الكاوية وحطت باند جبير على شعرها ودته ليورة ولزمت كحل اسود كلش وبدت تخط عيونها . صاحت بيها مينا:
"نسيتي الفاونديشن يولي شبيج متفهميني؟"
تنفست نهلة ضايجة. شمرت الكحل وقبل لا تبدي تحط الفاونديشن على وجهها سالت:
"مينا اكو شي لازم اسوي قبل لا احط الفاونديشن؟"
جاوبت مينا:
"اشو عبالك ما عاجبج ... حبي ترة محد داز عليج انت اللي ردتي تصيرين ايمو ومحد جابرج"
باوعتلها نهلة بالمراية وماجاوبت . بدت تحط من الاسفنجة باود طبقة ثخينة ترست وجهها ولونها افتح من لون بشرتها. بعدين باوعت على نفسها ومن رضت عن كمية الفاونديشن اللي حطته بدت تخط عيونها بلون اسود . غطت كل الجفن باللون ونزلت على الجفن الأسفل من عيونها وترسته اسود بحيث طب بالجلد جوة العين وخطط. اللون برز لون عيونها العسلي وهذا الشي الوحيد الحلو اللي سوا. وراها اخذت قلم حمرة ماروني على اسود وخطت شفايفها الناعمة بي وأخيرا بدت تعدل شعرها. كوت كل شعرها الأسود اللي كصته قبل أسبوعين تقريبا لحد جتفها. رغم أمها منعتها تكص شعرها بس هي عاندت الة تكصة وفعلا كصته بعناد أمها.
خلصت نهلة تسريح شعرها ورشت علي كمية من مثبت الشعر بحيث صار خشبة . جابت خصلة حطتها على الجهة اليسرة من وجهها وعدلتها بحيث ضمت العين اليسرة كلها وبقت بس عينها اليمنة طالعه. كالت لمينا:
"هسة شلون بلة اشوف؟"
جاوبت مينا بعصبية:
"كتلج اذا تريدين تصيرين ويانا لازم تصيرين مثلنا اوكي. يلة بدلي هدومج لبسي الملابس السودة اللي اشتريتها الج خل نشوف شلون راح تطلعين"
اخذت نهلة علاكة نايلون بيها جينز اسود حصر وفانيلا سودة صاحت مينا:
"وين رايحة؟"
جاوبت نهلة:
"اريد ابدل بالحمام"
ضحكت مينا وجاوبت:
أنت تقرأ
فراغ ملاه بحبه لهجة عراقية وتتوفر فصحى على منتدى روايتي قلوب احلام
Romantiekنهلة فتاة جامحة وعدنان شاب غيور.. من تريد نهلة تنحرف شلون راح يتصرف عدنان وية جنون المراهقة وهل يقدر يرجعها للطريق لو لا. هذه القصة باللهجة العراقية
