كوني لي

الجزء 05

___________________________________
تاني يوم سلام جاء داخل الجامعه ماشي بسرعه عايز يدخل الكافتريا يشوف طيف وهو ماشي اضرب بي اياد كشر ليهو وشو ومشي يعني ماعندو قدره ولا واعي حتي علشان يعتزر ليهو كل البيهموا انو يمشي لي طيف.....وصل الكفتريا مكان بيقعدوا دائما لمح ماهر ووجن البيعاينو لي طيف جاء قعد جنبهم كانت قاعده وهي مركبه سماعات اذن كبيره( ما عارفه اسمها شنو😂) ومشغله الابتوب قدامها وبتحضر في فيلم وهي خاته ايدها تحت خدها ولابسه فريم ذهبي عاين ليها باستغراب كانت ذابله بمعني الكلمه عيونها مورمه دا بغض النظر عن انفها المحمر في هالات تحت عيونها علشان كده لبست الفريم عيونها واقعه وملابسها زاتها غريبه عادتا ماكانت بتلبس كده اليوم جات بعبايه وطرحه لونهم اسود والحركه دي هي مابتعملها الا لما تكون حاده (جمع حداد )مع نفسهة وعيونها واقعه ومليانه دموع بس هي بتقاوم عاين لي ماهر ووجن البيعاينو ليها باستغراب فجاه طلعت السماعه ونزلت راسها في الطاوله وانفجرت في البكاء بطريقه تحنن الكافر وجن قامت عليها حضنتها وهي لسه بتبكي ولما وجن بكت معاها ماهر جاء عليها مسكها من كتفها وهو بيعاين ليها بخوف:طيف مالك خالتو نازيه حاصل ليها حاجه...يابت انطقي
هي من سمعت اسم نازيه دا ياليل ليس بعدك صباااح هنا زادت بكاء اكتر واكتر دا كلو وسلام ماقادر يتحرك من مكانو يجي عليها بقي زي المشلول اخير ليهو يقلع عيونو من انو يشوف دموعها الجامعه كلها اتلمت ويسالوا مالها ناس ماهر طلبوا من وجن تسوقها الاستراحه وجن ودتها وهداتا وجات راجعه قعدت وركبت سماعاتها تاني متجاهله ماهر البيسال فيها.....ماهر قام علي حيلو قلع منها السماعه وصرخ في وشها:شنو البيبكيك قولي انا بتكلم معاك ماتفضلي ساكته
رفعت عينها ناظرتوا بنظرات لو كانت بتكتل كانت كتلتو رجع لوراء كن خطوه نظراتها اذهلتوا بحق جاء عليها تاني خت ايدو في كتفها وقال بنبره مليانه حنان:حبيبتي استغفري واهدي علشان تقدري تحكي لينا
وكانو بكلمه حبيبتي دي فجر كل الاحاسيس العندها لا اراديا انفحرت في البكاء بطريقه هستيريا لما بترجف اتنهدت بذهول لما حست بيهو وهو بيمسمها وبيضمها عليهو وهو واقف وهي قاعده شدت بايدها علي قميصوا الابيض الاتملي بالكحل وهي بتزيد في البكاء......سلام هنا خلاص روحوا حتطلع بس فضلوا بيعاينو ليها كده لحد ماهدت شويه كانو حيسوقوها المستشفي بس رفضت وجن مشت جابت ليها مويه وجات ادتها تشرب نسكت منها الباغه وايدها بترجف وهي بتعاين لي ماهر بنظرات ماقظر يفهمها قعدوا قرابت العشرين دقيقه لا نفس لا حس بس ساكتين كده:
وجن:طيف حبيبتي في شنو!!
طيف"وهي بتعاين لي سلام وقالت وهي بتتنهد":ماف حاجه بس حضرتا لي فيلم انمي حزين
عاينت لي ماهر البيعاين ليها وهو مربع يدينو ورافع حاجبوا نظام صدقتك......ابتسمت بهدوء ونزلت راسها بلعت ريقها وتاني رفعت عينها بهدوء لسه ببعاين ليعا بنفس النظرات العبره خنقتها عضت علي شفتها السفليه بي قوه ورفعت راسها قفلت الابتوب وشالت سماعاتها وطلعت كانت سامعه صوت وجن وراها وهي بتنده عليها بس فجاه تسمع صوت صراخ قبلت وراها كانت وجن وفي ولد جاء عليها وكشح فيها العصير بالغلط.....فتحت عيونها علي وسعهم لما شافت ماهر قاام من مكانو بسرعه واتهجم علي الولد وي الاسد لما يتهجم علي فريستوا.........عاينت لي الولد الواقع في الارض والمرمي في الارض وماهر فوقوا وحتي ما مدي الولد فرصه يدافع عن نفسو العبره خنقتها اكتر لي يحامي لي وجن ما عحبها الموقف ابدا حست كانو بطنها طااااامه وقلبت ختت ايدها في خشمها وطلعت بره وهي جاريه بسرعه.........انتابها شعور بيجي لزول لما يحس انو جاياهو مصيبه بس نفس الاحساس جاها........
وجن عاينت لي ماهر بعيون دامعه وعاينت لي سلام القاعد من دون اهتمام وهو مربع يدينو ورافع حاجبو بدون اهتمام بلعت غصتها وهي بتحول نظراتهة مكان ما بيعاين سلام كان بيعاين لي طيف الواقفه وهي بتعاين لي ماهر وفي ابتسامه حنونه في ثغرو نفس ابتسامه الاعجاب البتعاين بيها لي سلام نظره ما بيفهمها الا العشاق😂😂(يعني السناجل ما ليهم فيها😛)
عاينت لي طيف تاني ورجعت عاينت ليهو فجاه خطر في بالها يوم الاولاد شاغلوا طيف في المطعم كان مثل شريط سنيمائي بينعرض قدامها عضت شفتها بقوه لدرجه حست بطعم الدم فكره انو ممكن يحب طيف بتكتلها نقزت علي ايد بتتهت في كتفها عاينت كان ماهر جاء عليها بسرعه وهو شايل المنديل وبينضف ليها لبستها وهو بيسالها لو كانت كويسه عاينت ليهو كانت شفتو بتنزف وبعد دا ما اهتم بي جرحو عاينت في عيونو بقوه لنقطع نفسها لما شافت الاهتمام في عيونو نفس النظرات الشافتها في عيون سلام يوم شكله المطعم ماحست الا بايد بتمسكها من يدها كان ماهر بيجرها علشان يوديها الاستراحه تنظف ملابسها قبلت وراها وهي متجاهله ماهر البيجر فيها عاينت لي سلام المشي علي جهه الطريق المشت منو طيف قبلت قدامها عاينت لي ماهر الماسكها وجاريها حاولت تفك ايدها من قبضتوا بس كان ماسكها بقوه كانو بيحتويها عاينت ليهو بعيون دامعه.......فهمت انو خلاص صداقتهم ما حتستمر اكتر "بس يمكن سلام مايكون بيحب طيف " دي اول فكره خطرت ليها متجاهله كل الاحتمالات التانيه احتمال انو تفكيرها صح فحتتغير الانشوده.........
عاينت لي لام الكان بينده ليها وهي ماشه في الشارع عاينت ليهو وهو جاي عليها ووقف قدامها: طيف تعالي معاي
طيف:سلام لو سمحتا عايزه اكون براي لفتره
سلام"وهو بيمسكها من معصمها بقوه وبيعاين ليها جوه عيونها باصرار": وانا مستحيل اسيبك براك
قبلت وراها لما سمعت صوت ضحكات من وراها كانت شله بنات وشها اتصبغ بالون الاحمر من الخجله😂😂......انا سلام بالجد طلع قدر كلامو وقدود كان ممكن يفكها تفاديا للاحراج بس قال ليها ما "حاسيبك" يعني ماحيسيبها 😂😂 جراها من يدها وقتح باب العربيه دخلت وهو دخل دور العربيه فضلوا الاتنين ساكتين لحدي ما وصلوا المكان الموعود كانت من بعيد سامعه صوت تصادم الماء وصوت البحر نزلت وراهو ابتسمت لا اراديا لما لقتو جابها فووووق تله جبليه عاليه عاينت ليهو باستغراب بينما هو ابتسم واشر بحواجبو عاينت مكان ما اشر فاحت عيونها بذعول وهي خاته ابدها في خشمها كان منظر خيالي هم في حاافه مكان عالي وتحتو مباشره ظااااهر البحر ومنظر الاشجار عاينت لي المويه البتطاير بمجرد تراطمها بالصخور مشكله امطار خفيفه ونسمات الهواء براها كانت كفيله انها تعدل مزاجها 360 درجه عاينت لي سلام البيعاين ليها:المكاااااان خيالي بالجد رهيب مبااااالغ ياسلام تحفه (ضربتو في كتفوا وهي بتقول) ياحقير لي ما حكيت لي عن المكان دا
سلام"وهو بيعاين ليها وخاتي ايدو في جبيو":كيف اعرفك علي المكان الوحيد البقدر افكر بيك فيهو
طيف"وهي متجاهله كلامو حسب فهمها هظاى منو": بالجد المكان حلووووو والله حبيتوا موت حيكون دا المكان المشترك بينا(احساس انها قبل شويه كانت عانله بيت بكاء)
سلام:بس ما اكتر من حبي ليك.........تعرفي لي بحب المكان دا....... لانو هادي وبيحتويني بحس فيهو بالسكينه والطمانينه ولما اكون غضبان او زعلان مافي غير المكان دا بيهديني
(عاين ليها وكمل كلامو) عايزه تجربي
هزت براسها بايجاب ببراه وهي بترجع خصلات شعرها المتمرده من خول الحجاب لخلف اذنها بتبتسم
ختت ايدها في اصانها محرد ما صرخ بصوت عااااااااالي: اااااااااااااااااااااااااااااااااااوف
طيف:مستحيل انا ما قنعانه من حلقي
سلام:جربي بترتاحي
طيف:بالجد
هز براسو بايجاب ابتسم لما شافها بتصرخ بصوت عالي عاين ليها بذهول لما لقاها بتعيظ الحركه للمره التانيه بس بانهيار وهي بتبكي بحرقه وبتصرخ تاني مره خلاص رجليها ما شايلاها حاسه بثقل في قلبها وانهارت ووقعت علي ركبينها في الارض بس قبل ما تصل الارض حست بسلام بيمسكها من كتفينها وبيوقفها كانو بيقول ليها انا معاك مايحب يشوفها منهاره وبتبكي مسكها ورفعها شبك ايدو بايدها وهي لسه ما واعيه للحاصل شنو وصرخ بصوت عالي كطريقه منو يقول ليها ما تنهاري ممكن تفرعي همك وقف صراخ لما حس بشويه الم في ايدو كانت طيف ماسكه ايدو بقوه لدرجخ انو اضافرينها بدت تخترق جلده يدو كطريقه منها تقول ليهو ما تسيبني براي عاين ليها وابتسم لما لقاها بتصرخ وبصوت مدوي صرخ معاها بقوه صرخوا سوي قرابت الخمس مرات
________________________________________________

.......:طيب يا اياد الولد المعاها دا منوووو؟؟؟
اياد"وهو بيثبت الفيديو المعروض في البلجكتر ويثبتها في صوره معينه": سلام صاحب طيف
واحد من الرجال قال وهو بيطفي سجارتوا بهدوء: عايزها اليوم تكون قدامي مفهوم
كلهم:مفهوم
اياد عاين للراجل الابتسم ليهو وضحكوا الاتنيز ضحكه مقززه بوراها مئات المصائب
__________________________________________________

قعدو الاتنين فوق صخره وهم بيتاملوا البحر والهواء بيلعب بخصلات شعرها الاتناثرت في وشها:
سلام:ارتحتي
هزت براسها علامه الايجاب وهي بترجع شعرها الاتناثر حول وشها لخلف اذنها:
سلام:طيف اياك تاني تضعفي الحياه صع بات ومهاترات ومشاكل بس القوي هو البيقيف في وش مشاكلوا وبيقايلها بابتسامه....ابتسامه بتعني انك مستحيل تنهزمي بتعني انو انتي ياطيف قويه.....واما لو قابلتي مشاكلك بالنهيار دا انتي ما بتضري غير نفسك والحواليكي والبيحبوك علشان كده اعيد واكرر ياطيف اياكي تنكسري في وجه مشاكلك قابليها بي كل عزيمه واصرار وتحدي(عاين ليها مساااافه وكمل). خليك متاكده انو انا دائما حاكون معاك حكون زي الدرع لمشاكلك زي البلسم لجروحك حتي لو كانت علي حسابي اتاكدي لو العالم كلو اتهلي عنك سلام حيكون معاك ومستخيل يسيبك.......كل ما تفكري انو ما عندك زول في الدنيا دي اتذكري سلام حاكون سندك حاكون الحائط البتميلي عليهو حاكون معاك لحد اخر نفس......اتاكدي من اني كنتا ولا ازال علي استعداد علشان اصغر فتكبري.....افشل فتنجحي........اخبو لتلمعي.....اموت لتعيشي.....اضعف لتقوي.....(قال جملتوا الاخيره دي وهو بيضغط علي ايدها بقوه) اتاكدي اني حاكون معاك دائما.....حاكون درعك سندك قوتك كل شي بيسعدك ويقويك
عاينت ليهو مسافه وهزت راسها علامه التاكيد:متاكده.....وواثقه...فيك زي عيوني واكتر من ثقتي بنفسي اعرف انك مستخيل تخذلني وحتكون بالنسبه لي مثل الدرع لكل مشاكلي......مثل البلسم للامي واوجاعي وجروحي حتكون انت مصدر قوتي وباسي وشجاعتي حتكوم نوري الحيضوي عتمتي حتكون انت نقطه قوتي وليس ضعفي حيمر بي يوم في المستقبل واتذكر واتذكر سلام افضل واروع صديق في العالم
عاين ليها بخزن مجرد ما نطقت كلمه صديق ابتسم بالم:لي تتذكري حاجه حتكون معاك يمكن نكون سوي علي طول
طيف وهي بتهز راسها بالرفض:لاني يمكن بعد ما اعرس ماهر كل دا يتغير😍
سلام"وهو بيعاين ليها وبيبتسم بهدوء":تاتي الرياح بما لا تشتهي السفن (الود دا بقي بيخوفني)
عاينت ليهو باستغراب واما هو اكتفي بابتسامه ممكن تخرب بلد من حلااااتوتها وحول نظروا للسماء وهو بيدعي
___________________________________________________

في جانب وجن:

كانت راكبه العربيه مع ماهر ماشين علي المستشفي ماهر عاين ليها كانت كانت ساكنه وهادئه ماومن عادتها قبلت عليهو طواليوحول نظروا للشارع الجبان😂😂:
وجن"بهدوء":لي ضربتا الولد؟؟
ماهر"بنفس الهدوء":لانو اتعرض
وجن:انت ما اديتوا فرصه زاتو يعتزر
ماهر:،ننمن ادي فرص في كل شي الا شي بياذيك💚
وجن:وطيف لي سبتها ومالحقتها ولا ماشفتها لما جرت
ماهر:لما يكون الموضوع ببخصك ببقي اعمي عن كل شئ حوليني......يلا وصلنا
وجن فتحت باب العربيه ونزلت هي ناهر فقلت باب العربيه اتحسيت المقبض بيدينها رفعت راسها عاينت لي ماهر فتحت عيونها علي وسعها لما شافت طيف وسلام نزلوا من عربيه سلام وطيف شايه غزل البنات وحاين عليهم سواء والبيشوفهم يقري ياسين ويختم القران كمان كانو حلوين شديد سواء وطيف بتضخك مع سلام الابس نظاره شمسيه وجايبن سواء هي المفروض تكون هناك وطيف تكون هنا.........هي المفروض تكون مع سلام وطيف تكون هنا مكانها مع ماهر بس اتغيرت الانشوده ودا مستحيل لانها تموت بسلام وطيف بماهر وهي مفروض تكون مع سلام لانها بتحبو.......عاينت لي ماهر مساااااافه وهي بتتذكر نقاسهم الفي العربيه قاطعها صوت ماهر وهو بيتكلم مع طيف:بقيتي كيف
عااااااااااد زولتنا بقت صماء وبكماء بعد الحصل قبيل داك تاني بتخت عينها في عينوا ياهو الفضل كمان حاوله ترفع عينها من الارض بس ما قدرت تخت عينها في عينو نقزت علي صوتو وهو بيطقطق ليها باصابعوا رفعت عينها عاينت ليهو بس ما قدرت تتحمل ولا الاخلي مبتسم نزلتةعينها بسرعه ومشت خلتهم وهي مبتسمه.........
مشت علي جهه المريض حقها الجديد بعد ما كملت اجراتها دخلت غرفتوا كان هايج وبيكسر في الاجهزه وماعليهو عافيه الممرضين والدكاتره بيحاولوا يهدوهوا وللمره التانيه لما شافها هداء ودا زاد اكتر من استغرابها عي والدكاتره(يمكن يكون معحب بيك يا حلوه.....ما احسن ليك سلام من المجنون😉)
عاينت ليهو ومشت عليهوا بهدواء مان بيردد في اسم قربت اكتر وللصدمه ما بيردد في اسمها عاينت ليهو بذهول وطلت بره كان ممكن تقول انو عرفها من شارتها بس هي حتي شاره ما لابساها محنها زاتو مشت علي مريضها القديم لما اتذكرت انو الليله عندو جرعه كيماوي لقتو خلص الجرعه فدخلت ليهو:
طيف:فودي يافودي
عاين ليها بنظرات ذابله:انا حاموت عارف
طيف:لي كده يا فادي ما تقول كده!!!
فادي:الزول ما ممكن يهرب من قدرو
طيف:بس ممكن يغير واقعوا انت لو عايز تهزم المرض فحتهزموا ما تخليهو يسيطر عليك ويستولي عليك.........لا بل انت الاهزموا اقيف ضدوا خليك قوي وحارب الكانسر واهزموا مش هو البيهزمك........لسه وراك عمر في الالاف الناس المنتظرك واولهم امك وما تنسي مزن حبيبتك حتسيبها لي منو وتمشي لي كده ياخ.....بتذكر مره في زول غزيم قال لي ماتخلي مشاكلك تسيطر عليك واجهيها وحاربيها بي ابتسامه وكانك بابتسامتك دي بتقولي ليها انا ما ضعيفه(دا كلام سلام القبيل)
فادي:يعني وجن بتكذب لانها قالت لي السرطان حيكتلك؟؟؟؟

طيف طلعت وهي بتفكر لي وجن تقول كده لي فادي مع انها كانت اكتر واحده مهتمه بيهو وبتغروا ودائما بتخليهو متفائل
طلعت بره ممان منتظرنها شافت سلام والشله الكريمه واقفين ومعاهم #ماهر......فمشت عليهم:
ماهر:هي صكي انتي الليله مالك دخلتي الاسلام فجاه
سلام:بس عموما احلي بالحجاب ولا كيييف
وحن عاينت ليهو بذهول لازم كل مره يثبت ليها عكس توقعاتها:
وجن"بلهجه مليئه بالاصرار":لا احلي من دون الحجاب بتحس بيها انثي انثي
سلام:ما مهم لو من دونو او لا فهي في جميع الاحوال حلوه(احييييييي.....عجبني ليك ياكلبه ياوشخه)
طيف عابنت لي سلام وابتسمت اي زول فيهم مشيةعلي جهه عربيتو ووجن مشت مع ماهر لانو اصر عليها وطيف مشت علي الزلط التفتوا كلهم لما سمعوا صوت صراخ فتحوا عيونهم وسعهم لما شافو عربيه سوداء مظلله نزلوا منها اربعه رجال ملثمين مسكو طيف ودخلوها الكريز ومشوا بسرعه سلام وماهر جروا بي سرعه علي جهه الكريز وقفوا لما سمعوا صوووووت ارتطام عالي قبلوا علي جهه الصوت ختوا ايدهم في راسهم لما شافوا عربيه طقشت وجن ماهر من دون وعي خلي العربيه الخطفوا فيها طيف ومشي بسرعه علي وجن...

سلام التفت حتي بس جري علي جهه العربيه وهو جاري بسرعه وشايف طيف وهي بتضرب في القزاز الخلفي بقوه وبتبكي بحرقه اتعتر وقع لما اتجرح في ايدو رفع رايو كانت العربيه مختفيه تماما........

طيف عاينت بالنافذه وهي بتضرب بي ايدها وبتنده بي اسم ماهر وبتبكي لما صوتها راح عاينت للشارع فتحت عيونها علي وسعهم لما ماهر الهي بتنده عليهو خلاها ومشي مكان وجن.........وبالجد ما فضل ليها الا سلام الوعدها يكون معاها لحد اخر لحظه نقزت لما حست بشي رطب علي انفها كان مخدر تدريجيا حست بالنعاس وانقطع اتصالها بالحياه.......

يتبع......