كوني لي

الجزء 20

شدت علي قميصوا وهي بتقول:م تسيبني سلام انت وعدتني💔
شد بضغطو علي خصرها وهو بيدفن وشو في حضنها:لو الموضوع بيدي ما كنتا بسيبك لو يكتلوني.😖😖
_حتتعالج ما تخاف!!😿😿
ابتسم من بين دموعو:انتي علاجي تاني ما عايز اي علاج غيرك🙊🙊
بعدتو من حضنها حوطت وشو بيدينها وهي بتقول بلهحه جاده:تتزوجني؟!🙈🙈
رفع حاحبو باستنكار:انتي بتتقدمي لي؟!
هزت راسها ايجاب💅
زم شفتو السفليه وهو بيقول:وانا بالشكل دا؟!
هزت راسها بايجاب
قال بهدوء:متاكده
هزت راسها بايجاب
عاين ليها مسافه ورجع حضنها وهو بيبكي اكتر رفع راسو لما سمع صوت فتح الباب عاين لي الشرطي الجاء داخل وهو منزل راسو بخجل:ا..اسف عالازعاج🙊🙊
عاين ليهو وابتسم:اتفضل..☺
_جيت اخد اقوالكم ضد مهند واياد
طيف:ومهيد؟!😇
_عاين ليها وقال بهدوء:ربنا يرحمو💔💔
عاينت لي سلام مسااافه هز ليها راسو بايجاب عاينت لي الشرطي:حضرتك اسقطتا الدعوه وشكرا ليك ياخ تعبناك معانا☺
خلاهم وطلع من دون نقاش عااااد علشان ما عايز يقاطعهم وكده😂😂😂
عاينت لي سلام البيعاين ليها:اها قلتي لي العرس متين👀👀
ضحكت بصوت عالي:انت عايزو متين
ابتسم بهدو:وحياتك انا كان قالوا لي اعرسك اللحظه دي بعرسك(احنا لينا الله بس🐸🐸)
ضحكت بهدوء:حبيبي انا
_لا كدي قلتي شنو عيديها.
_تدفع كم؟!
بتفكير:اممممم بوسه😈
_حبيبي انا
فتحت عيونها بصدمه لما قرب منها وباسها في خدها:انا راجل وعند كلمتي
_نو كومنت💜
ابتسم بهدوء:طيف احمد ياعذابي يا وجع قلبي ي قلبي الوسط تقبلي تتزوجيني؟!
عاينت ليهو وابتسمت وهي رافعه حاجبها:لااااع ما بقبل
ابتسم وهو بيهز كتفو وبزم شفتو: عادي حبيبتي بخطفك ايزي الموضوع
_بالنسبه لي حبيبتي دي
_ اي انتي صديقتي رفيقتي كاتمه اسراري حبيبتي روحي مرتي ام اولادي قلبي وكل حياتي بحلوها ومرها💜
عاينت ليهو مسافه وهي بتتاملوا نقزت لما شافتو بكح وبيطلع دم من خشمو جرت بسرعه نادت الطبيب طلعوها بره وقفت جنب الزجاج العاكس وعهي مثبته ايدها في الزجاج وبتستغفر مره ساعه كامله جرت علي الطبيب مجرد ما شافتو طلع كان باين علي ملامحو الغضب: ياخ الزول دا انتو لو ماقدر المسئوليه خلي المستشفي تشرف عليه ما معقوله كل مره يجينا وحالتو اسواء من المره الفاتت
_اسفه.
دا الشي الوحيد القدرت تنطقو حتي جرت عليهو بسرعه كان ممد والمخدر بدا ياخد مفعولوا عليه مسكت ايدو وهي بتهمس:حبيبي ما تخاف انا معاك.
ابتسم بهدوء:انتي لي....خليكي معاي
خلاص لازم تحسم امرها قالت بلهجه جاده:زفافنا بعد اسبوع
ابتسم بانكسار:حتتعذبي معاي!!!💔
_وانت مش اتعذبتا معاي بس برضو ما خليتني
شد علي ايدها وهو بيقول:#كوني_لي
ختت ايدها فوق ايدو:انا ليك وحافضل ليك طول عمري
همس بهدوء قبل ما يفقد وعيو بسبب المخدر: لو حاموت حاعمل ليكي اشاره وانتي وافهمي
ابتسمت وهي بتغير الموضوع:#كن_لي.
_انا ليكي وخافضل ليك

طلعت بمجرد ما اتخدر مشت علي جهه غرفه الطبيب دخلت بعد ما سمعت الاذن لدخولها:السلام عليكم
وهو بياشر ليها عالكرسي:وعليكم السلام....اتفضلي
_معليش عالازعاج بس حابه اسال من حاله المريض سلام
_قصدك مريض سرطان القولون
بلعت عبراتها وهي بتقول:ايوان
وهو بيمسح علي نظارتو:اكون صريح معاكي ي انسه لانو حالتو متاخره ومستحيله.
ابتسمت بهدو بعد ما قامت:لا مستحيل تحت الشمس.
وطلعت علي كده
________________________________________________

اياد وهو بيضرب الطاوله بقوه:لازم اكتلها
مهند بهدوء:تقرب منها خطوه واحده بتتكتل
عاين ليهو وعيونو بتطلع شرر:بتحامي للكتلت اخوك
مشي ايدو في وشو:اخوي براهو جني علي روحو ياه احنا كتلنا راجل ماليهو اي ذنب انت فاهمني
اياد:وكمان عمي مات وماليهو ذنب يعني علشان كان شغال في السلك الالماني وعندو ادله لعصابه مافيا خطيره يتقتل علشان كان بدافع للحق
بهدوء:الله يرحمك يا ابوي ربنا يرحمك يا اخوي💔
اياد عاين ليهو مسافه وهو بيتذكر:

Flash Back:

كان ايد احمد اليمين ما بيمشي خطوه بدون استشارتو كان صديقو واي شي اتذكر يوم كان بيحكي ليه عن طيف عاين ليهو مساااااافه وهو بيقول:
_انت اتسجنت 15 سنه لي بس
رفع راسو عاين ليه والعبرات اتجمعت في عيونو جراء الذكري الاليمه دي: ما كان عندي ذنب والله دا صياد ماهر
فجاه وبدا يكح اياد جري بسرعه جاب ليهو مويه ومعاها حبتو الجلاتينيه لانو عندو مشاكل في القولون فضل يعاين ليهو منتظرو يموت ابتسم لما اتذكر انو زاد الجرعه 4 اضعافها مما اثر علي قولونو وخلا اعضائو تموت وتتلف عاين ليهو وماهي الا ثواني حتي وقع في الارض وهو جثه متصلبه وبدت ملامحو تتصلب
_____________________________________________________

عاين لي مهند الشارد نزل راسو:اشتقتا ليهو صح؟!
قال بصوت مبحوح متشحرج كانو حيبكي:الحياه من دونو ماليها معني

*
*
*

ركبت المواصلات وهي ماشه عليهو في المستشفي مسحت دمعه اتسللت وبللت خدها مجرد ما اتذكرت:

Falsh Back:

مجرد ما لميس طلعت من عندها مسكت الفرشه وبدت الرسم كانت رسمه غير متكامله التفتت لما سمعت صوت زول حنبها: لي الصوره ما مكتمله
عاينت ليهو من دون ما ترد بينما هو فهم جوابها مسك ايدها الفيها الفرشاه حقت الرسم وبدا بخطط في الرسمه كان حاسي بايدها البترجف بين يديهو: انا ما باكل الناس😏
عاينت ليهو من دون ما ترد فتحت عيونها علي وسعهم لما قال: انا وانتي كنا مجمدين السنه صح واسي الليله فكيتو وحننزل من بكره
عاين ليها مساااافه قري الرفض من عيونا بادر هو بالكلام قبل ما تتكلم:لمتين حتفضلي في الظلام فاكره بحركاتك دي حتغيري حاجه من واقعك كملي حلمك حبيبتي علشان تبقي اكبر دكتوره اياكي تستسلمي لو مهما حصل وانا معاك في كل حطوه بتخطيها سلام حيكون معاكي وحدك
عاينت ليهو مسافه وهي بتستوعب في كلمه "حبيبتي" دي وهزت براسها ايجاب
تاني يوم مشو الجامعه والناس يسلموا عليها بالاحضان وطلعوا اشاعات انو سلام وطيف خطبوا لانهم جمدو السنه سواء ونزلوا سواء😂😂سلام الوضع عاجبو شديد طبعا
مرت الايام والاسابيع والشهور والسنين ليين ما جاء يوم تحريجهم علاقتها اتصلحت مع ناس ماهر نوعا ما بس هي ووجن ما بيتلموا نهائي التقطو صوره التخريج وهم ممثلين الفرح بعد الصوره مشت سلمت علي الدكاتره وهي جايه بالصدفه تسمع وجن وماهر:
_انا من الاول با وجن قلتا ليكي كان ننتظر طيف تجي من الامارت حتي بنعقد انتي استعجلتي
وهي بتمثل الزعل:ماهر انت ما فاهم جمله انو طيف معجبه بيك بخاف تطرنا بي عينها الحسوده دي هي اصلها منحوسه اي زول تقرب منو بحصل ليهو مصيبه امها وامجد وابوها وكلهم اخاف تخرب علينا فرحتنا
قالت جملتها وهي شايفه طيف وراء الشجره بس علشان تقهرها مدت بوزها بزعل ماهر مسك ايدها وهو بيراضي فيها:حبيبتي انا من كنتا شافع عارفها بتحبني المخلوقه دي ما عندي ليها شي ولا بحبها ياخ بقرف من شوفتها المنحوسه دي خلاص ولا العرس زاتو ما بعزمها كل شي ولا زعلك حبي
التفت لما حس بايد علي كتفو بس اللحظه اليجيهو كف ثلاثي الابعاد: انت واحد حقير وغلطانه انا الحبيتك لانك ما بتستاهل يا حيوان

ما كان عندها قدره انها تقول اي شي تاني بعدت من المكان بسرعه تحت نظرات سلام الكان متابع الحدث من الاول(الحدث ولا العربيه🐸🐸واهيهيهيهيهي)

________________________________________________

مره الاسبوع بخيرو وشرو وطيف يومها كلو مع سلام في المستشفي جاء يوم العرس ناسو كانو بساااااط بس ماهر واهلوا ووجن👹 وام سلام بس ابوهو ما حضر والاحلي من كده مهند واياد💆💆
اتانقت بتوب جرتك احمر روووووعه مع حنه بسيطه بينما هو جاء داخل بي جلابيه شاي لين تقول يا انا قعدو قرابت الساعتين الماذون خلص العقد قرب من اذنها وقال بصوت متعب:بحبك
ضربات قلبها زادت وامتقع وشها من كلمتو عاينت ليهو وما هي الا ثواني حتي وقع مغمي عليه اسعفوهو للمستشفي بسرعه دخلوهو غرفه الطواري وبعد ساعتين الطبيب دخل جرت عليهو هي الوحيده الدخلت ليه:
قال بصوت متعب:طيف انا بموت
هزت راسها بالنفي: لا ما تخاف قالوا ممكن تتعالج
قال وهو بيحاول ما ينهار قدامها:ما تكذبي علي
دفنت راسها جنبو وهي بتبكي رفعت راسها لما نده باسمها: ارفعي كم قميصي
مسحت دموعها بكف ايدها:حاضر
مسكت ايدو بهدو رفعت كم قميصو شهقت بفزع:دا شنو يا سلام
كان واشم كلمه "قلبي الوسط" في ايدو مكان شريانو بالضبط: انتي قلبي الوسط.....شفتي انا بحبك اكتر
ابتسمت بهدو بعد ما فكت توبها ونزلت كم الجزء العلوي من كارينتها: ما اكتر من حبي ليك
فتح عيونو علي وسعهم.....
كانت واشمه كلمه "قلبي الوسط" قريب من ترقوتها في مكان اسمو الجيد (بتتقري بكسر الجاء وانا بالنسبه للحيقروها جيد ديل ممكن تفهموها من الايه القرانيه ﴿فِي جِيدها حبلٌ﴾)
قال بصوت مبحوح:ااااخ منك يا وجع قلبي

مجرد ما قال كلمتو دي هي صرخت لما صدرو بدا يعلو ويهبط وبدا يتنفس بصعوبه جرت نادت الممرضين والدكاتره دخلو ليهو......فضلت واقفه في الحاجز الزجاجي وهي بتراقب الدكاتره البيصعقوهو كهربيا وهي بتقري ايه الكرسي علا صوت الجهاز وبدا نبضو في الاستقامه
عاينت للممرض الشبك يدينو ببعض وهو بيضغط في صدرو بس ماف اي استجابه.......
فضلت تضرب في القزاز وهي بتصرخ باعلي صوتها وبتنطط في مكانها ووشها محمر وبصراخ وصوت عالي: لا لا ارجوك
الممرض بدا يغك الاجهزه منو هنا العيله كلها بدت تبكي بي ماهر ووجن عاينت ليهو من الحاجز:لا انتظر انت وعدتني انك ما اسيبني لا لا انت وعدتتي انك حترجع
ضربت في القزاز ووشها محمر: ارجوك ما تخليني سلام انت وعدتني ما عندي غيرك يا سلام انا يااااااارب
قالت جملتها الاخيره وهي بترجف من البكاء:ما تخليني براي سلام ارجوك ما تمشي ارجوك ارجوك ارجوك

عاينت للممرض الرفع ىاسو وهز للطيب راسو بالرفض بمعني خسرنا المريض رجهت لوراء بخطوات بطيئه وهي بتهز راسها بالرفض: لا لا لا لا
قالتهم بصوت عالي وهي بتجري علي جهه الباب بوراها لميس ووجن وماهر وام ماهر وهم بينادوها.......
وقفت بعيد من السرير الطبي وهي بتصرخ في وش الممرض والدكتور: لي واقفين كده انتو ما تعملوا حاجه
اشرت علي سلام وهي بتصرخ:اعملوا شي سلام ما مات يارب سلام ما حصل ليهو شي
فضلت تنطط في مكانها وهي بتهز يديها:ما تخلوهو كده اعملوا حاجه
الممرض:تعازي الحاره يا مدام
وكانو بكلمه مدام دي فجر كل الاحاسيس العندها سكتت مسافه وهي بتهز راسها بالنفي:لا ما مات ما مات اعملوا حاجه حيعيش
لميس:ط..طيف
فضلت تصرخ في وش الممرض مشت علي جهه جثه سلام ختت ايدها في شعرها الاتفكي وهي بتشدو بقده مسكت ايدو مكان الوشم: قلبك انا قلبك بحبك اذا يلا فوق سلام اذا بتحبني اذا اثبت لي
ختت ايدها في صدرو وقالت بهدوء:سلام سلام قوم سلام
دوت صرخه عاليه هزت كل المستشفي من ام سلام الوقعت في الارض وهي بتردد في اسمو بتبكي علي ضناها المات في عز شبابو علي ضناها الما قدرت قبمتو الا بعد ما خسرتو الكل كانو بيبكو عليه اكتر واحد اتعذب ما زاق طعم الراحه والامان ما عرف حنان الام ولا عطف الاب كان زي اليتيم مع انو اهلوا عايشين حتي المخلوقه الحباها كسرتو مئات المرات حتي حبو ما اتهني بيه.......
وكانو القدر بيلعب معاه بس لعبه قذره ......

قالت وهي بتحاول تحل ايدها من لميس وروعه اخوات ماهر:سلام قوم قوم سلام اصحي الدكاتره ديل اغبياء
مسكوها وبعدوها من جثتو وهي لسه بتقاوم وبتحاول تحل ايدها منهم وتلزهم فكت ايدها وجرت علي جثتو رجعت خصلات شعرها لخلف اذنها وهي خاته ايدها في صدرو وتردد في اسمو ختت راسها في صدرو وهي بتصرخ باسمو رفعتو لما جاء عليها الطبيب وطلعوها بره بعد معافرات وماهي الا ثواني حتي وقعت مغمي عليها.......

________________________________________________

واقفتا امام المبني سيده في نهايه الثلاثينات ترتدي ثوبا ازرق جميل وتزين كفاها حناء بسيطه وانيقه مسحت دموعها التي تنزل علي خدها بغزاره وهي تطالع المبنيان اللذان الامامها في شرود ابتسمت وهي تري مبني كبيييير مكتوب علي لائحته ﴿مستشفي الطيف لعلاج السرطان﴾
تذكرت هذا المشفي الذي بناه سلام من اجلها نظرت الا المبني الذي قربه
﴿مستشفي السلام لعلاج السرطان مجانا﴾

ختت ايدها في جيدها وهي تتحسس الوشم الرسمتو علشانو نقزت لما حست بزول بيحوطها من وراها ويقبلها في عنقها: انا بقيت اغار من سلام مع انك مرتي انا يا طيف بس بحسك مرتو هو
ضحكت بهدوء:لي كده ياخ
ابتسم بهدوء:سلام دا بمثابه السيده خديحه للرسول صلي الله عليه وسلم وانا في الغيره قلب عائشه يا طيف
_سلام الله يرحمو💔 كان رفيقي صديقي الا ان وصل مرحله زوجي وقف معاي في اللحظه الاتخلوا عني الاقربين الي فهمتا يا مهند(اي مهند الواحد دا اخو مهيد ياهو راجل طيف🐸🐸)

نقزت لما سمعت صوت طفولي بينده ليها:ماما ماما سلام عايز يضربني
ضحكت بصوت عالي وهي بتناظر سلام بهدوء وتتامل ملامحو ليه شبهه مبالغه من سلام الكبير شالت سلام قرصتو في ارنب انفو: بطل شقاوه
مهند رفع البت الصغيره اسمها ملاك وعاين لي ملاك: بحبك ياملاكي
طيف عاينت لي سلام وهي بتقول بصوت واطي:بحبك سلامي

اتذكرت يوم كانو في المستشفي ومسك ايدها وقال:#كوني_لي💔
عاينت لي ولدها الفي حضنها وحولت نظرها للسماء:انا ليك وحافضل طول عمري ليك انت وبس

#كسره:

قصه.....ندم💔

ندمنا كثيراً .......ولكن اصعب انواع الندم ذلك الذي ياتينا بعد فوات الاوان......ذلك الندم الذب ياتينا بعد ان اصبحت الافعال تساوي صفراً.....
صغيرتي.....! ذلك الذب ندمتي عليه بعد ان اغلقت صفحاته وبعد مغادرته للحياه.....كنتي له القلب والدم والوتين.....ذلك الذي كسرته الاف المرات......
ولم تشعري بذلك الا بعد ان غادر الحياه.......ماذا سيفعل ندمك بعد هذا؟!...هذا جزائكي صغيرتي....هذا ما تستحقينه.....لم تشعري بكل ذالك الاهتمام الا بعد ان تلاشي!!!..... هكذا نحن البشر لا نشعر بقيمه الاشخاص الا ببعدهم....!
Ghaidaa541❤

*
*
*

﴿الحب....الكره....الانتقام.....الخيانه.....الغدر.......كليها مسميات بتجسد محتوي روايتنا....

اما »الندم« فهو الكلمه الوحيده التي ستخسد محتويات روايتنا بدقه........

طيف ختفضل طول حياتها ندمانه لانها ظلمت انسان حباها وعمل المستخيل علشانها حارب الموت علشانها وفي سبيل حبها الما ذاق منو غير الرجع والالم
صح انو الندم ما خيرجع ليها سلام بس حيعلمها درس نستحيل تنساه حتظل ذكري سلام خالده في قلبها حيظل سلام مالك كيانها وروحها........

الهدف من روايتي دي يا جماعه اني اوعي الناس علي شي هم غاضين البصر عنو اسي طيف ما كانت متخيلهوانها في يوم ممكن تخسر سلام واحنا كمان بنغلط علس الناس وما بنكون خاتيين حساب اننا نخسرهم......خبيت اوعي الناس علي نقطه لو عندك زول/زوله عايز تعترف ليها/ليهو اعترف قبل فوات الاوان لو عندك صديق كان ام صديقه غلطو غي حقهم وزعلتوهم اعتزو لانو الاعتزار ما حينقص من عدد سبيبات شعرك ولا اعتباروا اهانه او تقليل لقيمتك لانو الندم دا اسواء شعور ممكن تتخيلوا بحياتك زي طلوع الروح واحد💔.....

#نهايه:
لكل بدايه نهايه وهذه كانت نهايه الروايه الاولي لي.......استمتعتا في كتابتها.....شكر جزيل لي كل الناس الياعدتني وشجعتني اكمل الروايه دي.......بشكركم علي تعليقاتكم الجميله وتفاعلكم الجميل زيكم.......
بعتزر عن كل الايام الما نزلتا فيها ولا الاتاخرتا فيها وعن الشحتفه الحصلت فتكم بي عافيه ونتقابل في الروايه الجايه حتنزل يوم الاحد الجاي ان شاء الله......
اما بالنسبه للسالوا من عمري عمري14 سنه وشكرا مره تانيه لكل التابعو الروايه واستحملوني........

بهدي اول روايه لي...لي اكتر انسانه جاهدت وتعبت معاي كانت هي مصدر الهام لي وحتفضل طول العمر بهدي ليها اول انجاز لي وربنا ما يحرمني منم يارب:
اهداء: قافي مميزتي😍(حتفهميها طبعا😇)


.........تمت بحمد الله........