نوفيلا غزال من عائلة الذئاب
الفصل الخامس
جافها النوم رغم تعبها لكن وجودها معه في غرفة واحدة حرم قلبها من الهدوء والسكينة
مر الليل عليها وهي تفكر في حالها كيف تملك قلبها رجل كان أول لقاء لها به قسوة
ثم ابدل القسوة بالجفاء ،كيف يدق قلبها رجل يرفض أن يحبها يتمنى ان لم تكن هي
فكيف لها أن تغير واقع أن تغير ماض أن تغير حياة
ظلت تلعن قلبها مع كل نفس تشتم عطره فيه فكانت الليلة الطويلة جدا
إلى أن أعلن الفجر قدومه مع سماع الاذان قامت لتتوضأ في الحمام
ماان ذخلت حتى تحرك من مكانه كان حال ليلته كحالها لم يدق طعم النوم
بات يفكر في مشكلة أخيه وحال عائلته ،وشرد فكره كثيرا في تلك التي ارتبط اسمها باسمه وارتبط قلبه بها من دون ارادة منه
خرج من غرفته واتجه إلى غرفة أخيه بعد أن رأى أمه تقف في المطبخ
استحم وتوضأ وصلى هو الآخر
ثم استلقى على سرير أخيه فاخده الاشتياق إليه
واخد يفكر في القرار المصيري بالنسبة لاخته مي
مر وقت إلى أن اشرقت الشمس
سمع بعدها أمه تدق الباب ثم تذخل
نورة : انت صاحي يا حبيبي
مجد : ايوى يا ماما صباح الخير
نورة : صباح الخير طب اموم عشان تفطر
مجد : ما ليش نفس يا امي افطرو انتم
نورة : بقالك كام يوم ما حطتش لقمة في بقك ماينفعش كدا يابني
مجد : لما اجوع حاكل ماتشغليش بالك بيا
نورة وقد اقتربت ووضعت كفها على وحده : ماشغلش
بالي ازاي يا بني وانت واخواتك كل دنيتي
قوم يا حبيبي علشان خاطري روح هات مراتك وتعالى كلك لقمة
مجد : هه مراتك
نورة : ايوى انا عارفة انتو اتجوزت ليه وعشان ايه بس في الاول والاخر البنت الي جوى دي مراتك يا بني ،وكفاية انها بتساعدك توصل لاخوك
مجد : بتساعد اختها هي عارفة أن اختها اول وحدة
حتتادي من موضوع خطف سيف
نورة : دا معناه انها بنت كويسة مش وحشة لأن اختها لما عملت عملتها ماهتمتش بيها وبانها ممكن تتأدي من الموضوع دا بس هي بالعكس وافقت تتجوز بطريقة دي ،وزي ما هي قالت مش كل الي من عيلة الذيب وحش
مجد : اصحيح يا ماما هي قالت انك اكثر واحدة عارفة كدا ،هي تقصد ايه بدا
نورة مرتبكة : هاااا مش عارفه يمكن لاني اعرف عيلة الذيب من زمان قبل ما يحيى يقلب حالهم كدا
مجد: بعدم اقتناع يمكن
نورة : طب قوم صحيها وهتها وتعالو فطرو،باين عليها
خجولة اوي مش حتيجي من نفسها
مجد: انت الي باين عليكي حبيتها يا امي بس ماتنسيش انها من عيلة الذيب
نورة : انت الي اوعى تخلي كرهك للعيلة دي يغلب على كل حاجة حلوة جواك
تركته وخرجت فقام وعاد إلى غرفته وجدها جالسة
على حافة السرير ترتدي حجابها كاملا
مجد : صباح الخير
مريم : صباح النور
مجد : صاحيه من بدري
هزت راسها بنعم
مجد: طب قعده هنا وحدك ليه و ماخرجتيش برى مع ماما ومي
مريم : محرجة مش عاوزة أزعج حد بوجودي هنا
مجد : محدش حيتزعج منك ماما طيبة اوي ومي اطيب منها
مريم : عارفة
مجد : عارفة ايه انت من امبارح وانت بتتكلمي مع ماما كانك تعرفيها اوتعرفي حاجة عنها
مريم : مش مسالة اعرف حاجة كل الموضوع ان مامت حضرتك باين على وشها الطيبة اوي كفاية انها تقبلت وجودي هنا ومااعترضتش
أما عن مي فلي هي مستعدة تعملو علشان سيف
يتبت انها اطيب بنت في الدنيا
مجد: زيك
مريم : هاااا
مجد: ما لي حتعملو مي انت عملتي زيو بظبط
يعني انت كمان اطيب بنت في الدنيا
خجلت مريم بشدة واحمرت وجنتها حمرة محببة جعلتها تشرق بجمال رائع
ام يتمالك مجد نفسهش بقربها ووجد نفسه يقبل وجنتها
لتتصلب في مكانها
مجد لنفسه بعد أن أبتعد عنها : انا ايه الي عملتو دا
ثم قال ليرفع الحرج عنه مغيرا الموضوع
مجد :تعالي نطلع الكل مستنينا برى على الفطار
وفتح الباب ليخرج وتبعته وهي لاتزال تلملم شتاتها
