نوفيلا غزال من عائلة الذئاب بقلمي منى ارام
الفصل الرابع عشر والاخير
انطلقت الرصاصة واستقرت في سقف الغرفة ،نظر أوس بصدمة الى ذاك الذي أمسك بيده ورفعها إلى أعلى
مجد :مش حسيبك تريحو بالسهولة دي انا بيني وبينه ثار لازم اخدو الاول
ثم نزع من يده السلاح وتقدم نحو يحيى وقال
مجد: انت مقبوض عليك بتهمة قتل فواز الجودي والتهمة ثابثة عليك بصوت والصورة يعني إعدام ان شاء الله
مش قولتلك مش حتقدر تهرب من الحساب وانت حسابك تقيل اوي مع الكل ثم صاح في العساكر : خدوه
فتقدمو نحوه وقيدوه بالاصفاد وقادوه نحو الخارج نظر الي أولاده الذين اجتمعوا في المكان عله يجد في عين أحد نظرة شفقة يستغلها لمساعدته ،لكنه حصد مازرعت يداه فالكل اشاح بوجهه عنه ليسقط في شر أعماله ويعرف انا الله حق يمهل ولايهمل
******************************
في المنصورة
سيف : مش عارف أشكرك ازاي يا حج فهمي على استضافتك ليا جميلك مش حنساه يا راجل ياطيب
فهمي : انت نورنتنا يا بني وخليك فاكر انا بيتي مفتوحلك في اي وقت، انت شاب جدع وابن اصول كفاية الي عملتو مع زينة بنتي
نظر سيف الى زينة بدهشة
فهمي : ماتبصش كدا زينة مش بتخبي عليا حاجة
وانا مقدر الي عملتو جدا
سيف : شكرا يا حج
زينة : بابا انا عاوزة اروح مع سيف على مصر اطمن
على لميس بعد الي حصلها
فهمي : مش حينفع يا زينة تروحي معاه لوحدكم كدا
وما تخفيش يومين كدا و ننزل سوى
سيف: احم ايه رايك يا عم فهمي نخليه ينفع
فهمي : قصدك ايه يا ابني مش فاهم
سيف: انا بطلب منك ايد زينة بنتك للجواز على سنة الله ورسوله
فهمي: والله يا ابني انت فجأتني الصراحة ايه رايك انت يا زينة
خجلت زينة واخفضت رأسها
فهمي : طب افهم ايه انا كدا
سيف: مازحا ماهي باين زي الشمس يا حج السكوت علامة الرضا جوزهالي بقا
زينة : لا طبعا مش كدا
فهمي : يعني انت مش موافقة
زينة : بخجل شديد موافقة بس مش حنتجوز بالسرعة دي
سيف : طب خلاص يا حج انا اول ما الأمور تتزبط في مصر حجيب اهلي ونيجي نخطبها رسمي ونتفق على كل حاجة ماشي
فهمي : والله مدام هي موافقة الي تشوف يا بني
سيف : بس انا عندي شرط
نظر إليه كل من فهمي وزينة باستغراب
سيف: شرطي انها تتحجب
فهمي : وانا من رايك يا بني ها قولت ايه يا زينة
هزت راسها بالموافقه وعينيها تشع سعادة
***************************
اجتمع كل من جابر ومي مع مجد وابويه وبرفقتهم مريم
كان جابر ينتظر قرار مجد بشأن زواجه هو مي على احر من الجمر
جابر : ها قررت ايه يا مجد انا قولتلك قبل كدا طلاق مش حطلق انا عاوز مراتي يا اخي
مجد: طب أهدى على نفسك شويا دكتور ،القرار الاول والاخير باديها هي لو عاوزة تكمل في الجوازة دي تكمل ولعاوزة تنفصلو بردو دا قرارها ،وانا شايف أن بابا وماما من راي مش كدا
اومأ له والداه بالموافقة
مجد: ها يا مي قولتي ايه
مي : بخجل انا عاوزة اروح مع جوزي يا ابيه
جابر : اهي موافقة اهي ثم جدبها من يدها وقال يلا سلامو عليكم
وخرج بها وسط دهشة الجميع
حرك مجد رأسه مبتسما وقال : مجنون
ثم نظر الي مريم وقال : انا وانت كمان حنكمل جوازنا
انا مش حطلقك يا مريم
مريم: مش شايف أن دا ظلم ليا
مجد مستغربا : ظلم !!!!؟
مريم : ايوى انت أديت لاختك الحق انها تقرر وتختار تكمل ولا لأ وبتحرمني من الحق دا
ليه هي مريم المسكينة فنظرك مالهاش حق تقرر يعني
مجد: ايه الكلام دا يامريم
مريم : دي الحقيقة يا حضرت الرائد انت من الاول شايف أن جوازك مني تضحية كبيرة منك
جيت على نفسك اوي علشان تتجوز واحدة من عيلة ذيب واهو الي جيت على نفسك عشانو خلص
يبقى مالوش لزمة تضغط على نفسك اكثر
مجد : مريم انا عاوز أكمل معاكي لاني بحبك
مريم : وانا قلتلك قبل كدا انا مش عاوزة الحب دا
مش عاوزة حب انت مش مقتنع بيه مش بارادتك
مش عاوزة افضل معاك وانا حاسة اني اخر اولوياتك
وأول تنازلاتك
مجد: قولتك مية مرة الي حصل غصب عني
مريم : لا مش غصب دا كان اختيار ومش اول مرة ما كنش اختيارك
مجد: كنت عوزاني اعمل ايه اسيب فرصة حتوصلني لاخويا
مريم : لا ماكنتش عاوزاك تسيبها بس كنت عاوزة تفكر فيا لو لحظة تخليك اقل حاجة تعملها تبعتلي رسالة واتكلمني عالتلفون
مجد : انا رجعت عشانك
مريم : وكنت ضامن تلاقيني
سكت ليه ما فكرتش في دي صح مافكرت فيا اصل
طب حب ايه الي بتتكلم عليه بقا انسى الحكاية خلصت
مجد : يعني ايه
مريم : يعني انا حاخد قراري زي مي ،وانا قررت ما كملش في الجوازة دي ،انا عاوزاك تطلقي يا مجد
مجد: لا مش حيحصل يا مريم
مريم : مش حتجبرني اعيش معك بالعافية
مجد: مش حجبرك بس مش حطلقك كمان
انا عارف اني غلطت فحق كثير اوي بس الي متأكد منو اني بحبك ومش غصب عني انا كل حتة فيا مقتنعة بدا بتطالب بيكي
ولأنك اغلى عندي اكثر من ما انت فاكرة مش حطلقك يا مريم وحفضل استنى اليوم الي تقتنعي فيه بحبي
ولو استنيت عمري كلو انت اغلى من عمري كلو
مريم : بس انا قراري نهائي يا مجد
ثم خرجت وتركته لالمه هل حقا خسرها للابد
