عقاب بلا ذنب

عقاب بلا ذنب ح (١٩)

عقاب بلا ذنب
        الفصل(التاسع عشر )

أصبح سليم أكثر اجتهادآ في عمله، وكأنه يعاقب نفسه بكثرة العمل، والبحث، والدراسة.
فأصبح له شهرة كبيره في عالم المحاماه، كان حريص جدآ أن ينصف المظلوم.

عاد إلى المنزل وجد نجوى بانتظاره.
نجوى: الحمد لله على سلامتك يا سليم، كده أفضل مستنياك طول النهار، وأنا اللي كنت جايه أقضي معاك اليوم، اتأخرت ليه كده حبيبي.

سليم بإرهاق: معلش يانوجه، كان عندي شغل كتير
نجوى: كده كتير يا سليم ارحم نفسك، لا انت موافق تيجي تعيش معانا علشان سما، ولا موافق تتجوز، ومموت نفسك شغل .

سليم: أرجوك يا أبله نجوى بلاش كل ما تشوفيني تقوليلي اتجوز، لو حاسه إني بتعبك لما بتبعتي الغدا أو لما بتيجي تشوفي طلباتي، خلاص متتعبيش نفسك، أنا عارف انك متجوزه دلوقتي ومش فاضيه ليا.

نجوى بانفعال: اخرس يا سليم، انت إيه غبي، هو انت متعرفش انت بالنسبه ليا ايه؟

وقفت وكملت بزعل: الظاهر انك انت اللي مبقتش بتعتبرني أمك اللي تشكي ليها همك.

أنا ماشيه وكل طلباتك جاهزه، أنا عملتها بحب  مش تأدية واجب يا متر.

قبل أن ترحل أمسك سليم يدها وقبلها: أنا أسف، مش عارف انا بقيت كده ازاي، أرجوك سامحيني واعذريني، بس أرجوك بلاش موضوع الجواز، مش هقدر، أنا فعلا معرفتش ان حب سما امتلكني كده غير بعد ماراحت مني، مش بجوازها لأ ده من وقت سفرها.

ممكن عرضي للجواز قبل سفرها كان جزء كبير منه علشان ضميري فعلا، إنما لما ضاعت من إيدي فوقت على روحي بتتسحب مني وأنا واقف، مفيش في ايدي غير اني اسكت لأنها تستاهل تعيش سعيده.

شعرت نجوى بألم في صوت أخيها واقتربت منه وضمته إليها وقالت: خلاص ياحبيبي، أنا بس عايزه أطمن عليك، واحس انك فرحان.
شدد سليم من ضمتها له ونطق بصوت متردد: هو ينفع تخليكي معايا النهارده؟
نجوى: طبعا ياحبيبي، عمك توفيق أكيد مش هيمانع، وهأكلك بإيدي كمان زي زمان.
ابتسم سليم بهدوء وردد: تسلمي لي يا أمي.😍
💎💎💎💎💎💎💎💎

في ملهى ليلي يجلس كريم كعادته، في تبزير المال، فيما حرمه الله، ومعه فتاه ركيكه.
سونيا: إيه مالك ياكركر، متعصب ليه وشربت كتير اوي كده.

كريم في حالة عدم اتزان: البت بنت***** اللي البيه أخويا راح اتجوزها، حامل.

سونيا: يالهوي، يعني هتكوش على كل اللي يملكه أخوك، بالذات لو طلع اللي حامل فيه ولد.
كريم بغل: مش هيحصل أنا لازم أفكر في طريقه توقعهم في بعض، وبعدها هتبقى بعيد عنه، أبقى أشوف حد يضربها علشان الجنين ينزل، لازم ابعدهم عن بعض، لأنه طول ما هو موجود مش عارف اعملها حاجه.
سونيا برخامه: طب اشرب وتكتك ياخويا تكتك.
💎💎💎💎💎💎💎💎
مرت عدة أيام، يهتم فيها عادل كل الإهتمام بسما،
كانوا يجلسون في حديقة المنزل