عقاب بلا ذنب

عقاب بلا ذنب ح ٢٢

عقاب بلا ذنب
   الفصل الثاني والعشرين (الأخير) هتوحشوني حبيباتي وأتمنى  تقييم الروايه يعني اللي شافها جميله يقولي جمالها في ايه واللي شايف فيها نقص يقولي بجد تكون سعيده جدا.
😘😘😘😘😘😘😘😘

   اتجهت زينات لزيارة كريم، وهي تقدم قدم وتؤخر قدم.

تحدث نفسها: معقول معقول اللي انا فيه دا الأخ يقتل اخوه
عادل اتقتل واللي قتل كريم، أااااه أنا السبب
طمعي السبب، تربيتي لكريم السبب.

دخلت زينات لزيارة كريم وعلامات الاستفهام كلها مرسومة ومنحوته على وجهها تلبس الأسود على الحبيب الإبن البار عادل  الذي فراقه أدمى قلبها.

عندما دخل عليها كريم انطلق ليرتمي في أحضانها؛ لكن فوجئ بصفعه قويه على وجهه.

زينات:ليه فهمني ليه تقتله أو تحاول تقتل مراته ليه
  تطفشها، تزهقها، انما قتل
وكمان ده كان قبل ما تكون حامل، انت ايه بس أنا اللي عملت كده فيك أنا، كانت تتحدث ببكاء شديد
  كريم ببكاء  :والله مقتلتوش صدقيني انا فعلا حاولت اخلص من سما والبيبي
بس عادل لا صدقيني لا، والله مش أنا اللي حطيت السم.
في اللحظة دي كان سليم يفتح الباب لزيارته كما طلب وسمعه وقال :انا بقي مصدقك في موضوع انك محاولتش تقتل عادل لسبب واحد.
  كريم بعدم تصديق :بجد ايه اللي حصل؟
سليم :سونيا اتضربت في السجن من مسجونه وحاولوا يقتلوها، دي غير اللي حاولت تنزل البيبي لسما.
في طرف ثالث مجهول يعرفك ويعرف عادل وسما وانا لازم اوصل له فكر كده وانا راجع لك تاني.
كريم: مش عارف والله، بس اكيد سونيا هى اللي تعرف، لأنها قالتلي لو جبت سيرتي هتهمك انت، يعني هى عملت كده لصالح حد تاني معرفوش، بس ممكن تروح الديسكو وتسأل الجرسونات مين كان يتردد في القعاد معاها غيري، يمكن توصل لحاجه.
اقتربت زينات من سليم، وأمسكت يده وأرادت أن تقبلها: ابوس ايدك يابني لو تقدر تبرأه من القضيه دى معدش ليا غيره .
ايوه هو غلط، وطمع بس هموت لو جراله حاجه، نموت لفقدانهم، ولأني سبب تربيته الغلط.
سحب سليم يده بسرعه وقال: سما هتخرج براءه ودا اللي يهمني، بس علشان ضميري المهني، هحاول اثبت برأته، لكن هيتعاقب على محاولته لقتل سما بقطع الفرامل.
زينات: شكرآ يابني، أهم حاجه ميتعدمش، وعقابه يكون على اللي عمله بس.

كريم (ارتمي في حضن أمه)، ببكاء شديد :صدقيني مقتلتوش صدقيني، انا خلاص مش عايز حاجه لا فلوس ولا أي حاجه.
🌸🌸🌸🌸🌸🌸🌸🌸
خرجت سما من سرايا النيابة وهي تحمد ربها على عفوه ورضاه وظهور الحق
ووجدت كل أفراد العيله منتظرها، وأيضآ سالي ومدحت
ارتمت في حضن نجوى
التي ملست على شعرها بهدؤء :اهدي خلاص كل شئ اتصلح، ورجعتلنا.
سما :لازم اعرف مين اللي قتل جوزي مين حرمني السعادة.
سليم رغم فرحه لخروجها (كانت الغيره تنهش قلبه) : إن شاء الله هجيب لك حقك.
بس انا عايزك ترتاحي وتركزي معايا قوي قوي.
سما: حاضر ياسليم، وبجد مش عارفه اشكرك ازاي على وقوفك جمبي.
سليم وقد شعر بسعاده لسماع اسمه منها بهذه الطريقه الهادئه: بتشكريني على إنقاذ روحي يا سما، لو جرالك حاجه كنت هموت.
سما بتوتر: احمممم طيب ممكن نروح أبيه توفيق وحشني، ونفسي اطمن على صحته.
هاني: ياله حبيبتي.
😍😍😍😍😍😍😍😍😍

وبدأ سليم في استغلال صداقاته مع  الظابط( أمجد)  لان له قدره عل ان يجعل المجرم مهما بلغت خطورته أن يعترف.