عقاب بلا ذنب

عقاب بلا ذنب ح (١٦)

عقاب بلا ذنب
  الفصل السادس عشر

تفاجأت سما بدخول عادل الغرفه،
  ولوهله من الزمن تخيلت أنه أتى لها كي يهينها، ويقول أنها السبب في ما آلت اليه.
قبل أن يتحدث عادل اندفعت سما بدموع لامعه في عينيها:
دكتور عادل لو سمحت، لو حضرتك جاي تلومني على اللي حصل، فيا ريت توفر اللوم لأني لومت نفسي، ومعترفه بخطأي، وأكيد ندمت كتييير جدا، وعقابي كان فقدان ابني.
وأنا بعفي حضرتك من طلبك طبعآ، مفيش أي لوم عليك أكيد، بس أرجوك سيبني كفايه جروح كده.
  لكن صدمت من ابتسامة عادل
  عادل: الجميل عامل ايه النهارده بقيتي  احسن ولا نقعد شويه كمان في المستشفي الوحشه دي
   سما باندهاش من طريقته، لكن ردت بهدوء نسبي :لا انا مروحه انا زهقت من جو المستشفيات.
  عادل:وانا زهقتي مني.. ولا هتديني الفرصه اعوضك عن الظلم اللي اتعرضتي إنتي كنتي أكتر واحده اتظلمت، منكرش انك كنت سبب من الأسباب، بس مفيش انسان معصوم من الخطأ، وانا حبيتك بصدق.
صمت قليلآ ثم تابع: منكرش اني حاولت أبعد؛ لأني انصدمت ان انسانه مثقفه، ومتعلمه زيك تقع في الغلط ده، بس لما فكرت حسيت ان تحكم أخوكي الزائد، مع عدم توعيه من أم، مع حبكة الخطه من الإنسان ده، وعلشان انتي نقيه صدقتي وعده، وأنها علشان ظروفه الماديه.
انتي اتعرضتي لظلم من اللي حواليكي
  من أول اخوكي حتى البنى ادم اللي فرغ انتقامه على أضعف حد في الحلقه، بدل ما يواجه ويجيب الحق من اللي ظلمه.

أنا حابب أمسح كل اللي فات من حياتك،
   و لو قبلتي ابقي سندك وحبيبك وزوجك.. أكون أسعد إنسان في الدنيا.

أنا فعلا انجذبت ليكي من أول مره شوفتك فيها، وحبيت إصرارك على النجاح، انا بعد ما كنت قافل قلبي انتي فتحتيه بحبك، أنا بحبك بصدق وأتمنى تقبليني زوج، وشريك لحياتك.

  سما وقد بدأت دموعها في الهبوط :انت ازاي كده؟
   عادل : لأني حبيتك بجد بس أرجوكي بلاش حب المستشفيات
  لحسن الشبكه تبقى كيس قطن وحقنه فيتامين.😂😂

  سما ضاحكة بعد بكاء : بس مش هيجي يوم تفكرني، باللي حصل مني؟

  عادل: متقلقيش، أنا قولتلك اني حابب أمسحه، مش اذكره.
ولو سمحت لي انا حابب انهي الغربه دي، ونرجع لأهلنا انا وانتي، ولو تحبي اكلم اخوكي من هنا الأول قبل ما انزل مفيش مشكله.
  بس يلا بقي عشان تروحي ترتاح ونتكلم بعد ما تبقى احسن على ما نخلص إجراءات الاجازه انا وانتي يا قمر
   ولا الجميل مش موافق عليا
   سما (احمر وجهها خجلا): لا موافقة بجد انا مش مصدقة اني ممكن يكون في انسان زيك كده في الدنيا، أكيد انت هديه وتعويض من ربنا.
   عادل :لا دا انتي احلي هديه.
   سما ضحكت : طيب ياله بينا، اه انا فعلا كنت قررت ارجع، بس إنت ماتكلمش أبيه توفيق غير لما ارجع الأول.

عادل: زي ما تحبي ياسمايا، ولا عايزاني أقول مهندسه ههههه.
سما: انت خليت فيها مهندسه ما خلاص، حلو سمايا.
  وخرجا الإثنان معآ وفي كل واحد منهم أمل بأن تكون الحياه أفضل، وأحلى وفضل عادل ألا يخبر سما أي شئ عن حبه السابق لأكثر من سبب.
  أهمها انه لا يريد جرح مشاعرها وأنه أراد الزواج منها لأنه بالفعل أحبها وقد نسى ما مر قبلها والسبب الآخر الأهم انها أفضل بكثير وكثير وهذا ما يهمه، يكفيه برائتها.