تائهه بين اوراق الماضي

بارت 50

تائهة بين اروقة الماضي 

البارت 50
والله خفت لا بية احجي واكلة روح كول للباشة مالتك لا يكعد يهدد بعرضه ترة عيب عليه اني عرضه
زين هو هم من ناحية ما يعرف اني عرضه وبنت عمتة وهو اصلا ما عندة علم بوجودنا
واني متأكدة فاهم السالفة غلط
ياااعزة وهسة حسبالة اني عشيقة ابوه صخام ودازلي ناس يهددوني يمة شلون اسلوب عبالك مافيا حتى ما كلف نفسة ويجي هو ويحجي وياي ولو همة المثلهم ما اتوقع ينزلون مستواهم وينفذون المهمات القذرة بنفسهم لا
هيج شغلات يكلفون بيها غير اشخاص مختصين يكملون عنهم بدون ما يلوثون ايديهم ويجيبون لنفسهم الشبهات 16

خفت لا يتهور ويسوي بية شي
لازم ابلغ خالو  عن ابنة الي ما اعرف منو بيهم
هو شنو كال اسمة
اتوقع كال الباشا 6

ريام: منو هذولي
حجيت لريمة عنهم وشنو يردون
ريام : يمة شلون والله خفت
هيام: لج سكتي غير گلبي اجة يوكف من سمعت ذكر اسمي يمة كلت هذولي شلون عرفو  اسمي
صرت كلي ارجف ونوب واحدهم جنة حايط من الضخامة
ريام: هيام لاتكولين هالمرة هم راح نسكت وما نحجي لخالو
هيام: لا هاي السالفة صعبة ما ينسكت عليها
لازم ابلغ خالو
بس بالاول خلي يجي
هيام: شنو شبيج ليش وجهج اصفر
ريام: ما اعرف اشو هاجت على النغزات
هيام : روحي نامي شوية بلكي ترتاحين
صار الليل وريمة اتخربطت وانخبصت بيها وما اعرف شنو اسويلها ظليت حايرة اتصلت على خالو و مدا يرد على اتصالي والسايق ماكو بالباب ما ادري وين اختفى
واني اخاف اطلع اصلا ما اندل هنا اي شي لاصيدلية
اباوع عليها صار وجها ليمونة من التعب
واثار المرض  بينت على معانيها خفت عليها دخيلك ربي اختي شبيها
غسلت وجها واخذتها للغرفة وخليتها تنام على السرير ورجعت كررت الاتصال على خالو ظل بالي عليه معقولة صاير شي بضرار
هيام بقلق: هَـا ريومة شلون صرتي هسة
ما اعرف ليش دا اسألهة واني اشوفها كدامي  عيني شلون ذبلت بس مثل الي يريد يطمن نفسه او يقشمر على روحة
همست بضعف: شوية احسن بس اكو نغزات قوية دتجي وتروح كل شوية
اقتربت من السرير واتكأت عالمخدة الي بصفها وحطيت ايدي على راسها وصرت اقرة ايات على راسها مثل ما جانت امي تسوي ويانة
اتذكرت امي وصرت ابجي وينج يوم تعالي لبناتج والله محتاجيج يوم تعاي شوفي ريمة مريضة ومحد النة