تائهه بين اوراق الماضي

بارت 96

تائهة بين اروقة الماضي 

البارت 96
ام ضرغام: اليوم اجتي جارتنا ام مصطفى هي وابنها يردون يطلبون ايد هيام بس بالاول الولد يريد يشوفها وجدتك كالت خلي هيام تجهز نفسها حتى تدخل عليهم وهذا حقه
جنت شايلة الصينبة
ام ضرغام: امشي فوتي يالله شبيج واكفة جنج صنم
اتحركت متوجهة عالباب
سمعت زمخة ضرغام : هياااااام لحظة شنو وين رايحة اشو بالله تعاي رجعي وجيبي الصينية  اخذها مني وشمرها على ميز الطعام بعصبية
وكمل كلامه
: واشوف مرة تكسر كلامي وتطلع للخطار
التفت على امه
: وانتي يمة هسة ترحين تكلليهم ماعدنا بنات للزواج
ام ضرغام: يايمة ليش تسوي هشكل عيب من الوادم وجدتك خاجية كاعدة يمهم 9

جاوبها بعصبية بحيث من يمي كمزت
ضرغام: شوفي يمة لا تخليني اروح ادخل عليهم هسة واسحل مصطفى والخلفو واشمرة بالشارع
ام ضرغام: هاي شبيك اتخبلت عيب شنكول للناس طلعو من البيت والله لان استاذ ضرغام ما يقبل
ضرغام: هاي مشكلتكم منو كللكم توافقون عالولد بدون ما تاخذون رأينا شنو احنا هنا طناطلة
وزين هذا الخروف مصطفى شلون يدخل لبيتنا وماكو رجال يستقبلة شلون يرضاها على نفسه
ام ضرغام: يمة ضرغام هي السالفة بعدها ما صايرة وهسة بس حجي نسوان وكلنا يشوفها وتشوفه وعودك من يقتنعون اثنينهم نكللكم
ضرغام: جا ما دامة يمشي ورة حجي النسوان مثل الخروف ما ننطيه مرة
ما كدرت اسكت على اسلوبة المستفز وكأنما هو ولي امري
هيام: ضرغام ترة كل الزواجات هشكل تتم يعني
شي عادي اشوفه ويشوفني لعد شلون تريدني اتزوج قابل يكبعني وياخذني مثل ايام جدي
ما حسيت الا على ضرغام وكف كدامي وسحبني من زندي كدام امه واخذني على غرفة بيبي خاجية
وسد الباب من خوفتي والصدمة انخرست وما حجيت ولا كلمة بس اسمع صوت حليمة
ام ضرغام: يا يمة ضرغام عيب عليك عوف البنية افتح الباب شعندك سديتة
غمض عيونه وسحب نفس وبصوت خشن رج اركان الغرفة
ضرغام: يمة روحي منا وكليلهم ماعدنا مرة للزواج يالله ترة والله بس اطلع منا وهمة ما طالعين تصير مو خوش مو تكولين ضرغام ماكال
رجع التفت علية وعيونه شرار
عبالك يكلي يالله تعاي هسة وقت الحساب
ضرغام: اي ست هيام اتفضلي من ساعة شنو جنتي تكولين بالطبخ بالله شو ذكريني نسيت شنو كلتي
هيام: ما حجيت شي عجيب ولا تكعد تستهزء
بكلامي وما اشوف الك اي داعي ولا الك اي دور بسالفة الناس الي راح يخطبوني اشوفها واكفة من حضرتك تكعد تحجي وتصيح
انتبهت عليه اقترب مني
رجعت للخلف لان صارت المسافة الي بيني وبينه معدومة عبالك راح يطخني بجسمه
هيام برتباك: شششنو شبيك ضرغام ليش هشكل تباوع علية
ضرغام: هيام فد سؤال