تائهه بين اوراق الماضي

بارت 97

تائهة بين اروقة الماضي 

البارت 97
حاولت ادعي القوة الوهمية كدامة الي اصلا مالهة اي وجود بداخلي خصوصا وهو واكف قريب علية
هيام: اتفضل اسأل
ضرغام: ليش كاعدة تدورين على عريس
زين وابن عمج وين راح معقولة ما كدر يكون بكد كلمتة ويخطبج لو حضرتة غلس عليج وانطاج كارت احمر من حياته
ارتديت للخلف سؤاله كان عبالك مثل الصفعة الي اجتني على غفلة بدون ما اسويلها اي حساب
كلامه فتح جروح قديمة جنت دافنتها وما اريد اقترب منها حتى لا اكعد اعاني من جديد
باوعت عليه
وسحبت نفس عميق واتمنيت اتمالك نفسي واضل متماسكة ومحافظة على كرامتي لاخر حد
هيام: كلامك جدا جرحني واذا جان قبل عندي قناعة ان احجيلك عن وضعي اني ونبراس
هسة من بعد هذا الحجي الي سمعتة راجعت حساباتي
وشفت انت اخر شخص ممكن الجيء له واحجيلة عن الي صار
خانتني دموعي ونزلت غصب عني اتمنيت اني ما واكفة كدامة ولا موجودة بنفس المكان
اقترب مني شفت بعيونه شي غريب مثل الندم
ضرغام: لحظة لحظة ليش تبجين انا ما جنت اقصد اجرحج بس انتي تصرفاتج تستفز الواحد وغموضج
حيرني والتحفظ الي انتي بي يخلي الافكار السودة تلعب براسي
وانتي ما تحاولين توضحين باقية مصرة على نفس موقفج
هيام : افتح الباب اريد اطلع بعد ما عندي حجي وياك
جنت كلش منفعلة وما مستعدة اتقبل اعتذاره او تبريره
رحت عليه بغضب بسرعة انطيني المفتاح اريد اطلع
ضرغام: واذا طلعتي وين راح ترحين
هيام : اروح الحك عالعريس قبل لا يروح
حسيت بي رجع ضرغام نفسة مجرم الحرب الي شفتة اول يوم بلقائنا
ما حسيت الا على روحي مدفوعة
ولزم ادية الثنين وحطهم ورة ظهري
و جسمي ملاصق لجسمه الخشن
صرت اتلاوة وياه اريد احرر ايدية بس شكل حركاتي
زادت من قسوتة وصار يقربني منة اكثر
حسيت هذا مو ضرغام المتحفظ الي اتعودت عليه
دائما يحاول يكون ملتزم ويانة
هذا هسة مجرم الحرب الي عرفتة
هيام: ضرغام لا تتخبل عوفني عيب عليك اني بنت عمتك
ضرغام: لج انتي وتصرفاتج دين ما خلت براسي
كل طلعة تطلعيها كوة الزم روحي عنج وما ااذيج
بس شكل تصرفج هذا صرف اخر قطرة تحمل عندي
كمل كلامه واقترب من شفايفي وسحبهم بشفايفه
للوهلة الاولى جمدت من الصدمة وبعدها اتسرب الخوف لداخل روحي من حسيت بي
صار يعامل شفايفي بترافة
لاول مرة بحياتي اصير بهيج موقف صرت كلي ارجف
حس على رجفتي جوة ايدة ورخة. ايدية الي كان حابسهم وصار لهث بانفاسهة الحارة
ما اعرف اني شصار بية غيبوبة وقتية مدري غفلة
على صدمة كل هاي المشاعر اتجمعت بنفس اللحظة
انشل اللسان وبقت بس الحواس هي الي تتكلم
حسيت على ايديه الخشنة
ورة ظهري صدر مني انين الم خفيف حسيت بشفايفي تأذيني
فجاء هو انتبه على حالة وابتعد مصدوم
من الي سواه وياي باوع علية وكف برتباك وحطيت ايدي على شفايفي واباوع عليه
رفع ايدة ورجع شعرة للخلف
ضرغام : احم اسف ما اعرف شصار بية
بس كل الي اعرفة ان هذا الشي جنت متخيلة متوقعة راح يصير بيني بينج من اول يوم شفتج بي بالمستشفى
جان يحجي ويفتح الباب وكأنه يحاول الهروب لا يضعف اكثر ويرجع يكمل الي بينا