تائهه بين اوراق الماضي

بارت 94

تائهة بين اروقة الماضي

البارت 94
مرت يومين على موضوع عمو احمد
واني كل يوم اكعد من النوم خايفة وحاطة ايدي على گلبي
واترقب جية عمو لان الرجال ما حدد يوم ومنتظر من خالو راضي الجواب بس خالي كال ما ينطيني كلبي ارد عليه
.................................
ام ضرغام : شوفي عيني اليوم حضري روحج راح تجي مرية هي وابنها حتى تشوفج
هيام: ما افتهمت شنو قصدج
ام ضرغام: حقج ما تفتهمين ومتعجبة وانتي لحد هذا عمرج محد داك بابج
اقصد اكو ناس شايفينج ويردون يخطبون لابنهم
وكالت راح تجي اليوم هي وابنها وبنتها حتى يشوفج وتشوفينه
هيام: وانتي شلون تتصرفين من يمج
ام ضرغام : حبيبتي هذا الكلام روحي احجي لبيبيتج خاجية هي الي كالت روحي انطي خبر لهيام
حتى تجهز نفسها راح يجون الناس
ظليت اكل بروحي من القهر والله اكص ايدي اذا ما طلعت هي ام ضرغام الها يد بهذولي الناس حتى تتخلص من عندي وما اخذ ابنها
الله ياخذج حليمة
هيام: بس منو كللكم اني اريد اتزوج
ام ضرغام: هسة الي يسمعج غير العرسان مكطعين روحهم عليج وانتي كاعدة تتدلعين
عمي حمدي ربج لكيتي واحد يكلبج
هيام: منو كلج اني عانس وانتي كاعدة تدورين لي عرسان
ام ضرغام: حبيبتي روحي احجي هذا الحجي لجدتج خاچية هي الي تريد تزوجج باسرع وقت حتى عمج ما ياخذكم منها
يالله اتحركي الناس راح يجون ما اوصيج روحي لبسي هدوم مرتبة وكشخة
رحاب: هَـا هيومة كلتلج ام ضرغام على الناس
هيام: خالة بس اني ما افكر يالزواج هسة وما مستعدة اعوف اختي
رحاب: حبيبتي هيومة القسمة والنصيب ما يكعدون ينتظرون استعدادج وانتي مو صغيرة استسلمت للامر الواقع ورحت لبست
كنت لابسة تنورة قالب سبورت وقميص مفصل جسمي
جنت طالعة كلش مرتبة ولبست الشال لفة خليجية
علمتني عليها ميس
صاحتني خالة رحاب : يالله هيومة استعجلي ترة الناس
وصلو روحي للمطبخ هناك حتى ام ضرغام تنطيج صينية التقديم
رحت للمطبخ وخطواتي كلش ثكيلة اجتي وراي ريمة الي اتخبلت من سمعت كلام حيلمة وخالة رحاب

يابه والله القصة جاهزه م̷ـــِْن العصر بس نت بلبيت كان أإأبـْيے مشڱلھِ اسف علـّۓ. تخير الحد يضلمني فداكم انه خلو لايك