Unicode
လှေကားပေါ်က ဆင်းလာသော ကောင်ငယ်လေးသည် ဂျင်းဘောင်းဘီ မိုးပြာရောင်လေးနှင့် သခွါးရောင် စပို့ရှပ်တို့ဖြင့် မနက်ခင်းမှာ လန်းဆန်းလွန်းလှသည်။
ဝါကျင်ကျင် ဆံပင်မွှေးလေးတွေက နဖူးပေါ် ဝဲဝဲလေးကျလို့ .........
“ ကျွန်တော်ပြီးပြီ Jung Kook “
“ ကိုယ်ဝယ်ပေးတဲ့ အင်္ကျီတွေက မင်းနဲ့ အဲ့လောက်ထိ လိုက်နေမယ်ဆို ကိုယ်မဝယ်ပေးခဲ့သင့်ဘူး “
“ Jung Kook ! “
“ ဟုတ်တယ်လေ ... သူများဝိုင်းကြည့်မှာ မနာလိုပါဘူး “
“ ကျွန်တော် တခြားအင်္ကျီ ပြန်လဲလိုက်မယ်လေ “
“ ထားလိုက်ပါတော့ လာသွားစို့ “
ချစ်ရသူကိုတင်ဆောင်ထားခဲ့သောကားလေးသည် လမ်းမထက်မှာ အရှိန်ဖြင့် ပြေးနေလေသည်။
“ Jung Kook ဘယ်ကိုသွားမှာလဲဟင် “
“ ရောက်တော့မှာ ကလေးရဲ့ “
“ ပြောပြလိုက်တာမဟုတ်ဘူး “
“ ရောက်ပြီ “
ကြီးမားသော အဆောက်အအုံကြီးတခု
လူတွေလဲ ပျားပန်းခတ်လို့...
Shopping mall တခု !
ဘာတွေထူးဆန်းလို့ ဒီနေရာကိုလျှို့ဝှက်နေတာတုန်း
စူပုပ်ပုပ်လေးကို Jung Kook ရိပ်မိသည့်နှယ်
“ ဈေးဝယ်လာတယ်ထင်နေတာလား “
“ ဒါဆို ဘာလာလုပ်တာလဲ “
“ အပေါ်ထပ်မှာ ရုပ်ရှင်ရုံရှိတယ် ... ဟိုတနေ့က ကလေးကြည့်ချင်တယ်ဆိုတဲ့ကာတွန်းကား ရုံတင်နေပြီ “
“ ဟင် ... အဲ့ဒါဆို ကျွန်တော် ကြည့်ရမှာပေါ့ “
“ အင်းပေါ့ “
“ အားးး ပျော်လိုက်တာ Jung Kook ကို သိပ်ချစ်တာပဲ “
ပေါက်ပေါက်ဘူးနဲ့ cola ကို ကိုင်ထားရင်း ကျေနပ်နေတဲ့မျက်နှာက အထင်းသား
သိပ်ချစ်ဖို့ကောင်းသည်။
မျက်ဝန်းလေးတွေမှေးစင်းသွားသည်အထိ ရီလိုက်လျှင် ပီဘိကလေးငယ်လေးအသွင်။
မြတ်နိုးရသော ထိုလူသားလေးသည် သူ့အား အလုံးစုံပြောင်းလဲ စေခဲ့သည်။
