هّـوٌ آلحہب

آلَبــآرتـ♥آلَآوٌلَ

مشيت على رؤؤس اصابعي ماريد يطلع صوت حتى لا انكشف... هاي هيه بعد ماگو مجال لازم اهرب على شنو باقيه عنده الي ماوفه وياي والي گلي اضل العمر گله احبج تالي يتزوچ؟!!...

خوف وترقب گضيت( اليده) مال الباب على اقل من مهلي حتى لا يطلع صوت... ايديه ترجف جسمي ماحس بي گانه بايد كلش... واني افتح الباب اتلفت... انفاسي ماثابته بارده يمكن حتى ماحس على روحي اتنفس  ..

گلبي يدك حيييل وكانه راح يطلع من صدري فتحت الباب بسرعه ركضت للباب الخارجي... بسرعه فتحته وطلعت... اركض واتلفت بالشارع اخاف احد يشوفني..

جنت لابسه صايه وبوشي وجنطه( ضهريه ) بيها مسمتسكات وجنسيتي وذهب وفلوس.... ذهبي وفلوسي ذن ورث بابا وماما الله يرحمهم...

الدنيا جانت بارده موسم( شتاء )جسمي من الصكوك باارد كلش...السما جانت زرگه صافييه وتخبل الطيور تحلق بحريه وگانها تكولي او انطتني شجاعه هاي هيه اختاري حريتج...

باوعت على الشارع جنت واكفه نهايه الشارع بالطرف..شفت تكسي لو كاني شفت منقذي...بسرعه اشرتله وكف واني ركضتله سئلته واني الهث...عمو توديني للكراج فدوه؟؟!

جان رجال جبير خطيه...گال: اي عمو اصعدي اوديج...
گتله: عمو بس هاي الجنطه وين احطها
شفته طلع من السياره وگال: جيبيها عمو....اخذ جنطتي  وخليت جنطه الظهر بايدي...وانطلقت السياره الى مقصدي..

باوعلي الرجال من المرايه گال: عمو ليش وحدج انتي..ليش خلوج طلعين هيج وقت...سئلني بس توترت كلش اذا جان جسمي بارد فهسه صار حاار ماعرف شنز اجاووب صمت ثواني افكر الى ان كلت: عمو اني يتيمه ماعندي احد مقطوعه من شجره ورايحه اسافر لكربلاء ازور امي وابويه...

حسيته مثل الي اقتنع هز راسه وگال:  الله يرحمهم...
ماحجينه شي بقينه ساكتين الى ان وصلت محطتي الي راح تغير حياتي ومسارها كلها مو للافضل لا يمكن للاسوء ماعرف... عليك يالله..

طلع الرجال الجنطه واني لبست جنطه ظهر گلي:  عمو تعاي اعرف واحد صديقي يوصلج لكربلاء بامان ماخليج هيج... حسبتج مثل بتي الي اخاف عليها... هو حجه هيج واني دمعتي صبت كتله عمو ماعرف شلون اشكرك... گال: لا بويه شسالفه يلله تعاي ويايه...

رحت وراه واشوف ناس كووومه ياهو الي اشوفه يباوع حتى تعثرت ماعرف... يمكن لان ماخله عندي ثقه بنفسي... يمگن لان هو عودني بس علي وماعرف اشوف غيره...

طلعني من تفكيري صوت سلام بين عمو السايق والرجال صديقه اتفقوا ويه بعض وكال هو راح يطلع بعد ربع ساعه جانت الساعه  45: 4... طبيت للگيه تلفت اريد مكان بي بس نسوان... اي والله هذا كعدت يم مره جبيره حيل سلمت وردتلي السلام...

باوعت عليها جان جبيره وجها مدور وجها منقوش بالازرگ يمكن داگه... لابسه  ( شيله ) يمكن شال هو بس اله مسميات بعد...انتبهت لايدها كانها دكول عانيت هواي بحياتي متروسه تجاعيد لا بسه عبايه...اااخ ياالام تتحمل كلشي بس اني مشفت ولا عشت وياها...