بالاول مانتبهت على الدكتور الي دخل للشعبه بس من كعدت هناا جانت المفاجأة؟!!!!!...اي والله هوو معقوله يعني هوو الي يدرسنه؟؟ لا هاي هيه نجحت..
تدرون جان منو ؟؟ اي نفس الولد الي ضل صافن بوجهي كأني جايه من كوكب عطارد....باوعت علي وجانت الصدمه مرسومه على وجهه سرعان ما اختفت ورسمت الابتسامه على وجهه...ياا هذا شبي؟؟
اول شي يصفن نوب يبتسم ؟؟ داخل بي جني هذا الرجال هههههههه والله لو يدري بعقلي شيحجي واني فصخته تفصيخ ...صدك تخبلت لو من زمان اني هيج هههههههه....
بده يحجي وكال ...السلام عليكم شلونكم اني الدكتور سليم ابراهيم قاسم ..... اتمنى تتعاونون ويايه وتجيبون معدلات ترفع الراس وراح اكون وياكم اول باول....
هذي جانت كلماته بده الهمس بين الطلاب اما اني جنت اتابع شلون بده يتعرف على الطلاب واسمائهم حتى يعرفنه وهمين يصير رابط وياه....وصل للبنيه الي كاعده يمي...اسمها ساره ابراهيم قاسم ...وهنا اجه دوري...
كمت كلي ...عرفينه حجاها وهو مكتف ايده ويباوعلي بابتسامه عززه شبي هذا بس يبتسم بوجهي مضيع شي اي طبعا اني عمله نادره هههههههههه...
كتله ...شجن محمد محسن ...شفته صفن بس اني كعدت البنيه تبتسم وياه يتبادل وياها...هلا هلا انوب مصاحب بنات خطيه هاي البنيه راحت بيها لازم انبهها اي لازم شنو ذنبها الحقير ابو البنات.....
بعد ماكملنه تعارف ماكو شي نسوي بس يتناقش وياهم بمواضيع اجتماعيه يعني مثل الي يريد يشوف عقليه كل شخص....اجه سوال كالاتي كال ...صحيح احنا ابتعدنه عن الماده بس اريد اشوف شنو تفكيركم من خلال اجوبتكم سؤالي...لو حبيت بنيه بيوم من الايام شنو تسوي تخطبها؟؟ لو تعوفها؟؟...
الأغلبية كانت اجوبتهم بنعم لكن البقيه كانت لا لان حبتني يعني تحب غيري ومادري اذا بيوم حبت واحد قبلي..شوف تفكيرهم الحقير اني من يمي تشعوطت(احتركت)...رفعت ايدي وكلت ممكن اشارك...هو هز راسه وعلى شفته ابتسامه خفييفه.....
كتله ...الاغلبيه يكولون اي اخذها ونعم منهم بس السؤال الأهم هل هم صادقين بهذا الشي لو لا يعني بمجرد ما كالوو اي نصددك؟؟ العفوو منهم بس مو كل شي ينكال معناها صح !!! ثانيا من يجي شخص يحب بنيه وما ياخذها فهذا اصلا لازم يسمى (ذكر) مو رجاال لان الذكور بعدهم عقلوهم ناقصه شوكت نرتقي احنا؟؟ طيب انت تحب عادي وبنات لا ليش ؟؟ شنو فرقهن عنكم ؟؟ ترى اذا انت خلقت من طين احنا نفس الشي ..اذا انت تشنغل فا احنا تساوينا وياكم اذا انت تتعب هيه نفس الشي ...طيب سؤال الهم اتت تكدر تتعب نفس المراه..شغل بيتها..اطفال...زوجها..تعليم ..الطبخ... الولاده الي تتحمل 9 أشهر في سبيل الرجل وتالي تجيب ولد بعد كم سنه يكول على المرأه مجرد للبيت والاطفال وبسس!!يجي يكول المرأه ناقصه عقل..اي ناقصه عقل اذا حبت شخص ميقدرها..ناقصه عقل اذا اهتمت بشخص ميستاهل..ناقصه عقل اذا بيوم خلتك على جتافهه وتحملت كلشي وتالي تجي تخونها!! اذا هم رياجيل ميسوون هيج بس عيب يتسموون بي لان كلمه جبيره وياخذها الي يستحقها ...
أنت تقرأ
هّـوٌ آلحہب
Romanceقُضًـهّـ بًأّلَلَهّـجّـهّـ أّلَعٌرأّقُيِّهّـ ... اقتبست بين الخيال والواقع...دراميه ورومنسيه.... تتحدث عن امراة يتزوج عليها زوجها بسبب عدم مقدرتها على الإنجاب ... لگن مع ذلك يحبها ولايريد خسارتها هكذا تفرض عليه انانيته وغيرته.... ياترى الى...
