آخر كلمه حجيتها هي من صرخت....دااااااغر انتبههههه
...كانت آخر شي اذكره من مرت سياره كدامنه ...
حسيت روحي جاي اطير مو بمكاني.. اسمع صوته يكلي اتحملي حبيبتي فدوه اروحلج...الرؤيه ماكو ما اشوف شي جسمي مبند ماكدر احرك شي...
احس بي وبعطره كلماته المشكله فقط جسمي مايتحرك واذا ردت ماكدر اتالم اكثرر واكثر استسلمت للالم ...عيوني ثقلن ونامن كأنهن استسلمن لنومه طووووويله...هذا الصوت بداخلي يتردد(اني متت)...
...............
جنت كاعده بيتنه والدنيا تمطر بقووه والرعد يضرب حيل طلعت من غرفتي وسمع اصوات قرآن..اي هذا صوت بابا يقراء ...نزلت بخطوات جنت احسبهن سريعه بس احس المسافات تكثرر هوواي..
لكن اخيرا وصلت وعلى وجهي ابتسامه مافاركت وجهي واخيرا راح اشوف ماما وبابا مشتاقتلهم هوواي...كلت بصوت مسموع...بابا
جانت كفيله بانو يصدق من القرآن ويباوع عليه امي جانت موجوده يمه عيونهم بيها لمعه فرح وحزن ممزوجه...ابوي حط القرآن على القنفه كدامه ...
كام من مكانه وهو يتفحصني ركض عليه يبجي سوده عليه اني اشبكه وابوس بي اكله..بابا حبيبي فدوه الك لاتعوفني مره ثانيه بابا كلهم ائذوني محد يريدني حتى انتم....جنت احجي وابجي وهو يبجي...
امي اجت انضمت النه كعدنه بالكاع امي اذا اكول عليها حلوه فا قليل بحقها جانت ملكه تخبل...شكبتني شبكه خلتني اشهك بجي وهي تهمس محد عافج اني وابوج اجه يومنه ورحنه...
واذا تحجين اذوج بس كولي حسبي الله ونعم الوكيل....وربج ياخذ حقج من اشوفج حزينه بكبري ما ارتاح لا اني ولا ابوج...
كتلها يمه اني متت هسه موو؟؟ يعني اجيتكم؟؟...ابوي باسني من ايدي كالي...لابنتي انتي بعدج موهسه مكانج يمنه...
آخر كلمات جانو ينطقوها باسوني من راسي شبكونيي بكل قوووه شميتهم حيل ....احس هم راح افقدهم...
آخر شي خلوا القرآن بنفس مكانه ابوي لزم امي من ايدها واخذها وطلعو بره البيت بالمطر...
صيحت عليهم ميطلعون بارده وتمطر بس مايقبلون بس يبتسمون كلما اطلع ينسد باب عليه مثل المجنونه اركض ادور حل اريدهم بس ماكووووو عافوني!!!
....................
حال داغر ...
يمكن البعض يصير وياي والاخر لا !!..لكن اليوم راح اتكلم عني وشنو انا...داغر احمد محسن من البصره وابن عشائر ..شجن تصير بنت عمي وزوجتي او تسمى طليقتي!!!...من مات عمي اني وابوي تحملنه مسؤؤليتها بس الصدك!!...
اني الي تحملت مسوؤؤليه شجن من وهي صغيره جانت مختلفه بكلشي كلبي اتعلق بيها ما جنت حاسب حساب احبها لا !! بعد ربي خله. حبها بدكات كلبي ...الي صارت بس باسمها...
أنت تقرأ
هّـوٌ آلحہب
عاطفيةقُضًـهّـ بًأّلَلَهّـجّـهّـ أّلَعٌرأّقُيِّهّـ ... اقتبست بين الخيال والواقع...دراميه ورومنسيه.... تتحدث عن امراة يتزوج عليها زوجها بسبب عدم مقدرتها على الإنجاب ... لگن مع ذلك يحبها ولايريد خسارتها هكذا تفرض عليه انانيته وغيرته.... ياترى الى...
