لاْ تِـعْتِذِرْ لاْ تِقُوْلِ بَرْجَعَ
لاْ تِزِيْدْ فِيْ قَلْبِيْ اْحْسَرَاْتِيْ
قَلْبِيْ بِحُبِّكْ كَاْنِ مُوْلَعْ
وِالْيُوْمْ بِبُعْدِكْ مَاْ يِحَاْتِيْ
صِبْتِ الْمُتَيَّمْ بِحِبٍّ أَرْجَعْ
حُبٍّ قَدِيْمْ ف ذِكْرَيَـــاْتِــيْ
حُبٍّ تَعَدَّىٰ كِلِّ مَطْمَعْ
حُبٍّ مَاْ تُوْصِفَهْ اْعْبَرَاْتِيْ
ذَكَّرْتِنِيْ بَهْ وِكِنْتْ اْسْرَعْ
مِنْ نَظْرِتَكْ شِفْتِ الْمَمَاْتِيْ
عِيُوْنٍ فِيْهاْ جَمَاْلِ يِصْرَعْ
مَيِّتْ بِهاْ وْفِيْهاْ حِيَاْتِيْ
مُغْرَمْ بِهاْ وْماْدْرِيْ بِهاْ تِخْدَعْ
زَاْدَتْ فِيْ دَرْبِيْ اْعْثَرَاْتِيْ
زَاْدَتْ فِيْ قَلْبِيْ هَمٍّ أَوْجَعْ
جِسْمِيْ بْجِروْحٍ دَاْمِياْتِيْ
وِلِكْ تَعاْلْ مِنِّيِ إسْمَعْ
بَذْكِرْكِ داْيِمْ فِيْ صَلاْتِيْ
عِنْدِيْ حِصُوْنْ جِدْراْنَهاْ اْمْنَعْ
صاْرَتْ بِحِبِّكْ مِتْشَقِّقَاْتِيْ
وِالْيُوْمْ أَرْجوْكْ لاْ تِــقُوْلِ بَرْجَعَ
لاْ تِزِيْدْ فِيْ قَلْبِيْ اْحْسَرَاْتِيْ
قَلْبِيْ بِحُبِّكْ كَاْنِ مُوْلَعْ
وِالْيُوْمْ بِبُعْدِكْ مَاْ يِحَاْتِيْ
