يضيق القلب في بعدك ويحملني الحزن بظنون
مثل مركب ف عباب البحر وموجه قاسيٍ طبعه
انا المغرم انا العاشق انا اللي ف الهوى ممحون
انا القاسي انا العاصي انا اللي منتحي ربعـــه
كسرت قلوب في حبك وجازيتك بألم وطعون
خلطت الماي ويّا الدم ولاجلي شرِبْت منه جرعه
تركت الورد بغصونه وجازيتك بشوك مسنون
طعنت بها جميل الروح بطعونٍ عدّها تسعه
بالأول صار لي قربك جِنان الارض ويّا الكون
وفرشت الحقد في دربك ورمشٍ غارق بدمعه
انا اللي شفتك بقلبي وصرت من الهوى مجنون
سكنت البر ويّا البحر وضويتك ف عتمتي شمعه
اشوف الكون من دونك ونورك طاعن ف الكون
واذا قالوا البدر اسمك اقول نور البدر طبعه
انا ما قلت لك مشتاق ولا شفتك فوجيه مليون
انا عفت العمر كله وعشتك في العمر متعه
يكلّمني الشروق بشوق وتكلّمه بغروب عيون
يخنقني السكوت بطوق وصوتك قادر بمنعه
يعلمني الهوى قاسي وقسوتك دايما لي تهون
يذكرني بجمال الوقت في طيبك ولو ساعة
انا ما قلت لك ما قلت إلا لأني لك مديون
وأنا ما قلت لك لي قلت إلا وأمرك لي طاعة
تحمّل ولا تزيد اللّوم على قلبك وكل شي يهون
وأمانه دايم اذكرني وانا بذكرك كل ساعه
وذكر قلبك الموهوم بقسوة قلبي وجنونه
وبذكرك دايما عندي ... عمرٍ ضاع في ساعة
