قاْلواْ تَرىٰ ماْلِكْ أَمَلْ
فِــيْ قُـرْبَهاْ لَوْ يوْمْ
إِبْـعِدْ وِجَـنِّـبْ دَرْبَـهاْ
هَذاْ هُوَ الْمَقْــسوْمْ
قِلْتْ اْتْرِكوْنِيْ واْسْكِتُواْ
خَلُّواْ الْعَتَبْ وِالْلّوْمْ
قِدْنِيْ غِرِقْتْ فْبَحْرَهاْ
وَلاْ عاْدْ يِفيْدْ الْعُوْمْ
قَاْلَواْ تَرَىْ فِــيْ حُبَّهاْ
وِيْلْ وْأَسىٰ وِهْمُوْمْ
قِلْتْ إِنْ قِتَلْنِيْ حُبَّهاْ
حَسْبيْ تِقُوْلْ مَرْحوْمْ
قَاْلَواْ لِيْ إنْسىٰ ذِكْرَهاْ
مَنْتْ بِهاْ مَلْزوْمْ
قِلْتْ اْبْشِرواْ ياْ عاْذِلِيْنْ
بَنْسىٰ لِذِيْذَ الْنُّوْمْ
قَاْلَواْ بِتِلْقىٰ غِيْرَهاْ
وِاْتْرَكْ هَواْهاْ الْيُوْمْ
قِلْتْ العَفْوْ ياْ حَاْسِدْيْنْ
ماْ ابْدِلْ قَمَرْ بِنْجوْمْ
قَاْلَواْ لِغِيْرَكْ حُبَّهاْ
قِلْتْ الْجَواْبْ مَفْهوْمْ
دَاْمْ أَنَّهاْ مِتْهَنِّيَهْ
وِشْلوْنْ أَصِيْرْ مَحْروْمْ
بِقْضيْ الْلِّياْليْ اْنْتِظِرْ
صاْبِرْ عَلىٰ الْمَقْسُوْمْ
مِتْعَلِّقْ بِطَرْفَ الْأَمَلْ
يِمْكِنْ يِجِيْنِيْ نُوْمْ
قاْلواْ تَرىٰ فِيْ حُبَّهاْ
ماْلِكْ أَمَلْ لَوْ يوْمْ
إِبْـعِدْ وِجَـنِّـبْ دَرْبَـهاْ
هَذاْ هُوَ الْمَقْــسوْم
كَلِمَاْتْ / عَبْدِالْرَّحْمَـٰنْ بِنْ مساْعِدْ
