عشقني فجرحته

الجزء العاشر

ليان..... اليوم يوم حنتي كعدت الصبح ب 9:00 كوة كومتني امي من الفراش لأن البارحه مانايمة كضيتهة اجمع بأغراضي واحزم جناطي وابجي ووامي تساعدني
بجمع الغراض وتبجي وياي ضلت ليلة وحده تفصلني، عن فراكهم امي غاليتي ولطوفي الغالي، وحنونة نبض، كلبي
كضيت الليل ابجي للصبح الا نمت
كمت من فراشي بكسل واحس خوفة بداخلي مدري شنو مخوفني ضليت متوترة دخلت للحمام اخذت شاور بارد علمود اتنشط
ولبست بنطرون ماروني وقميص كريمي
وشال ماوني (يسمى بفصيح اللغة ارجواني)
وحذاء فلات ذهبي وجنطة بلونة وراي روحة للصالون فجهزت نفسي ورحت تريكت كان محد عدنة لحد الان بس عائلتي
ونسوان ااخواني مرن علينة
اكلت لكمتي؟ن مااشتهيت اكل بس امي اصرت علية
المهم الساعة 11:00 رحت للصالون وراحت وياي خالتي سلوى بشلت بية شغل الكوافيرة ب2 تقريبا لأن قبل لا تبلش  هية استلمني مساعداتهة حفني ورفعن حواجبي وسولي اقنعة وتنضيف بشرة وبروتين
حتى من باوعت للمراية ماصدكت هاي انة معقولة اكيد راح يتخبل علاوي من يشوفي طلعت ثمرت التعب مال عاملات الصالون االي دخلني سمكرة وتصليح
صارلهن ساعاات
لمن شلعن كلبي ··الا خلصن انوب استلمتني ام الصالون
سحبت شعري ولبست بدلة صفرة چاغير طلعت كيكة
اوييييلي اليوم مايضل عقل براسك علاوي
كتلة اريد شعري، مفتوح رفعتة شوية ولبستني تاچ وبرمتة من جوة طلع يجنن ورشت علية صبغ موقت لون ذهبي طلع فد شي ... خلصت  من الصالون وخالتي
حفت وصبغت شعرها طلعت تخبل
خابرنة لطيف اجة خذانة من الصالون وكضى الطريق كلة يغازل بية لأن شافني ضايجة
كان يبذل جهدة يغير،مزاجي للأحسن وينسيني الم فراكهم
انة ادري بي ضايج مثلي بس يكابر، علمودي
وصلنة للبيت دخلت سحبوا البرنس من راسي كان لطيف بعدة   واكف ابتسم وكال احلى عروس بالدنيا
جاو،بتة كتلة طالعة حلوة على اخوي
كالي طالعة على اخوچ لو هاي نتيجة الجرائم الي ارتكبتهة ام الصالون حتى تطلعچ هيچ حتى صبغ سيارات حاطتلچ
انة بهالموقف ضحكت بعلو صوتي ضحكة طلعت من كل كلبي
والكل ضحكو على ضحكتي
ودخلوني للهول كانت الساعه ب6 العصر قريب المغرب
دخلوني لغرفة امي لان جوة كلولي ارتاحي
وكان بيتنة متروس نسوان خوالي وبناتهم ونسوان خواني  وبيبي وقرايبهة طبعاً انة عمامي ساكنين بالشمال فما موجود احد منهم ...
اذن المغرب وصبوا العشا واجت يمي نرجوسة بت خالي كامت  توكلني شوي فواكه تگول علمود تصير بيچ طاقة  للركص
واهية مصرة علية تريد ترگصني
بعد العشة طلعوني كعدوني بالهول وشعلو الديجي وگبن يركصن البنات سولني واهس وكمت رگصت وياهن انوب اجو اهل علاوي وقرايبة  تقريباً بيهن عشرين مرة يعني مو هواي
وكعدن گضن الوقت يبسبسن بيناتهن شبيهن ماادري
ورواء اجت كعدت يمي وطلبت مني اركص
بس رفضت كتلهة توني كنت اركص وتعبانة
مابية حيل بعد خلي باقي الحيل العلاوي كالتلي دتشوفين هذن اليبسبسن كتله اي شبيهن
تكول مضغوطات
اي هنة مضغوطات كومي ركصي وضغطيهن زيادة اريدچ تكسرين الجو اليوم
اشو من كالت هيچ شجعتني وكمت ركصت ذبيت لحم بالرگص
خليت وجوهن انعفست وانة فرحانة
واحلة  الاغاني  لعبنة لعب
وبعد ساعتين  تقرريبا رحوا  اهلة  وراحت  الناس العدنة كالولي اجة علاوي يريد يشوفچ
رشيت  عطر  وعدلت مكياجي ودخلت لغرفة  الاستقبال ودخلوه علية  ضل واكف بمكانة وفاك حلگة  مامصدك اعيونة
كانت مبينة علية الصدمة
اتقرب  مني وكلي