ليان... /بعد الكلام السمعتة من رواء انهارت اعصابي وانة خانكتني العبره من قبل لا تتصل رواء واسمعت هالكلام انتهيت
وضليت ابجي بصوت عالي واانحب واباوع لصورة بابا ورواء تحاول تسكتني شبيج يمعودة علكيفج مالحكنة نحجي كبيتي علينة كنت.....
... سديت المبايل قبل لا تكمل مااريد اسمع شي باوعت لبابا كتلة بابا شوف انة مستعدة انطي عمري بدون مقابل وهوة باعني بسبب شي تافه
بابا كسرني علاوي انة امنتة كلبي وهوة جرحة وخلاه ينزف، الم قبل ماينزف دم.. وانة مستمرة ابجي ورواء تتصل عليه بس ماارد عليه
وانة على هالحال اتصل علاوي كلت في نفسي اكيد راح يبلغني بقرارة ضليت ابجي ومااهتميت
مارديت عليه وهوة كرر اتصالة وانة اباوع للمبايل واكول انت تركني وكسرت كلبي كله لن ماجاوبت اتصالك من كل عقلك تحجي وين راح الحب والوعود اندك باب غرفتي والي دكة حاول يفتحة بس انة قافلتة من دخلت للحمام وضل مقفول غلست مارديت اندك مرة ثانية وسمعت صوت
حنين ....ليان فتحي الباب
.....مسحت دموعي نسيت كلشي من سمعت حنين ماتعودت اردلهة طلب او اكسر بخاطرها طول عمرها واحنة مدللينة وما محسسينهة انهة يتيمة رحت الحمام غسلت وجهي ورحت فتحت الهة الباب كالت
حنين... وين كنتي صار ادك بالباب
ليان.. اسفة حبيبتي كنت بالحمام
حنين ...ليش عيونج حمر
ليان... من سبحت طاح بيهن شامبواا
حنين... اها زين ممكن اطلب منج طلب
ليان.... تفضلي انتي تأمرين مو تطلبين
حنين.... اريدج تاخذيني للمدينة الترفيهية من صارت العطلة ولسة مارحت عود نجحت واخذت الاول محد خذاني سفرة
ليان... اسفة يرويحتي انتي .. عذريني التهيت بتحضيرات خطوبتي
......من كلت هالكلمة جريت حسرة كانت تحرك بصدري
وكملت كلامي....
مو تدلل الحلوة اخذها مو بس للمدينة الترفيهية اخذها للمول ووين ماتريد واعشيهة بمطعم بس خل يجي لطوفي واكلة
حنين....واو شكرا يا احلى واغلى اخت بالدنيا يعني اروح اجهز روحي
ليان... لا لا انتضري اولا لسة ماكلت للطيف وماما
ثانياً حتى لو كتلهم ووافقوا
مااروح اليوم تعبانة ومالي خلك خلي اشوف لطيف بلكي باجر فارغ ونحدد اقرب موعد.....
شبكتني وكامت تصيح من الفرحة هناك ارتاحيت لأن كدرت ادخل الفرحة للكلبهة
نزلت لمستوهة كعدت على ركبتي ووحضنتهة كلتلي ليونة انة احبج كون كون
گتله وانة احبج اكثر يالبيج ريحة الغالي وصبت دموعي وانة شابكتهة مسحتهن من غير ماتشوفهن
وكتلهة يالله حبيبتي روحي اريد انام شوي راسي يوحعني وراحت ورجعت لغرفتي سديت الابتوب ودك المبايل بسرعة فتحتة وگلت بعبرة
بعد مالي حجي وياك بعد لا تتصل...وسمعت الرد
لطيف... على كيفج شسويت وياج
ليان.... خررررب هذا صوت لطيف. جاوبت
اسفة لطوفي كنت اسوي مقلب وي علاوي ماادري بوري، نضرب بوجهي طلعت انت المتصل ههههههههه
أنت تقرأ
عشقني فجرحته
Romanceقصة بنت طعنت في ضهرها من اقرب الناس لها حتى وصلت الى الجنون وشاء القدر ان تلتقي بمن هوة صادق في الحب هل، يستطيع تغيرها واعادتها لمسار حياتهة الطبيعي مع هذه القصة اتمنى لكم متابعة ممتعة
