عشقني فجرحته

الجزء الثالث عشر

ليان... لما شفت علاوي تخربط كدامي وكام يجر النغس كوة تخرربطت احوالي كان ودي اصرخ من خوفي علية
كان الوقت متأخر من الليل والناس نايمة تعبانين من حفلة العرس محد حس علينة
ولما كالي علاوي بجرار الميز اليم الكنتورة كوة حچاهة وهوة يلفض انفاسة
جسمي كلة كام يرعش ايدي ورجلي مايشيلني
كوة ركضت للجرار احس رجلي ثگال علية
فتحت الجرار وماكنت اعرف
علاوي شكان يريد منة
ففتحتة انصدمت معقوووول !!!!!
كان علبة بخاخ ربووو انصدمت معقول علاوي عندة ربو وماكايلي اذا صار بي شي مااسامح نفسي
انة السبب
اخذت العلبة وركضت متوجهة صوبة وصلت لكيتة امدد عالارض
لااااااااا ..لاااااااا
ضليت اصرخ بعلو صوتي علاوي كوم لا تغمض رد علي
لاااااا علاووووووووووووي
صراخي ترس البيت
اجت الناس تركض علية شافو علاوي امدد وانة كلي ارجف خلاص علاوي راح من ايدي
احس اختنك صدري ووكع البخاخ من ايدي احس الدنيا فرت بية اعيوني غوشن بعد مااشوف شي ووكعت
وماحسيت على شي

ولما فتحت اعيوني باوعت المغذي معكلك فوك راسي والكانولا بايدي لابسة بدلة مستشفى شجابني لهنا
شصار الساعة كدامي صار الصبح
المفرروض اليوم يكون صباح عرسي
شجابني لهنا
جاي احاول انتهض واكوم التفتت على يميني علاوي نايم عالسرير الي على يمنتي السرير المخصص لمرافق المريض
وبهاللحضة تذكرت كلشي
تذكرت الي صار البارحة طلعت صرخة لا ارادية
علاووووي علاووووي
حاچيني ليش نايم علاوي
هوة طفر من سريرة وكام اجة يمي حضني وباسني

علاوي .... صحيتي حبيبتي الحمد لله على سلامتچ يعيوني عذريني ماانتبهت عليچ من صحيتي كنت طول الليل سهران من قلقي عليچ توة نمت وجه الصبح شلونچ هسة تحسين روحچ احسن

ليان.... ضليت متعجبة صافنة بوجهة ماانطيت اي ردة فعل كان البارحة امدد كدامي تكول چثة
وهسة انة المريضة وبيدي الكانولة
وهوة القلقان لا وسهران طول الليل على راحتي اكيد صار لعقلي شي وكمت مااوزن الامور هوة البارحة مريض وانة نايمة مستشفى نيابة عنة
شي مامعقول لا وكل شوية خلة ايدة على وجهي يقيس حرارتي وايكول الحمد لله غزال والشر زال
انخفضت حرارتچ وصرتي مثل الفراشة
بصراحة خلاني اشك بنفسي كلت اجوز البارحة كنت محمومة وتخيليت الصار وياه يعني انة المريضة مو هوة
بس شلون انة بأيدي كضيتة وهوة كان مخنوك ومالحكت انطيه علبة البخاخ مالت الربو شنو الي صار ماادري
شفتة واكع وضليت اصرخ والتمو اهلة وضيوفهم علية وبعد مااذكر شي
بهالاثناء قطع صفنتي

علاوي... هاااا حبي . وين وصلتي بس لا تلف دماغچ من الحمى هههههه

ليان.... ماتحملت ضغط افكار صار علية....
علاوي كلي شنو الي صار شجابني للمستشفى
وانت شلون صرت

علاوي.... لا الضاهر مو بس دماغج تلف حتى ذاكرتچ فقدتيهة
ليان... فقدت اعصابي انة بيا حال وهوة يستهزئ بية
دمعت عيوني ووكاتلتني الحيرة.وگتلة بعبرة ... اطلع برى خليني وحدي