عشقني فجرحته

الجزء الثاني عشر

ووگع علاوي ووگعت فوكة جمدت بمكاني لف ادية على ضهري واسرني مااكدر اتحرك وكال

علاوي.... هااا وين راحت شراستچ اشو بعدني ماكلت بسم الله صرتي دگول دجاجة
هههههههههه الضاهر اليوم فرستچ سهلة

ليان ... من سمعت كلامة طفرت من فوگة صدك تملكني الخوف كمت من السرير ووكفت تكول تمثال بدون اي حراك اوكلام

علاوي .... الله على هالجمال ياكلني جمالك ياحلو
لچ البدلة تخبل عليچ انتي مطلعتلهة شكل اخخخخ بعد مااتحمل

ليان ... كال هالكلام وهجم علية حضني بكل قوتة كتلة لححححضة خل نصلي ونتعشة بعد وكت

علي .... ولچ ياوكت بت الاوادم اليوم الا احرك عشيرتچ واذا عالصلاه خل نكتل كم شيطان اول علمود بعدين نصلي براحتنة
ليان .... كال هالكلام ودفعني عالسرير ونام فوكي وضل يطبع برگبتي وانة اكلة شششقصدك كم شيطان
يعني مو بس واحد

علاوي .... لچ الفاهية من فهاوتچ هاي تخليني اكتل جيش اابليس كلة بيچ الليله

ليان ... وخلاني ابدلتي وهجم علي حتى ماصبر يفتحها مثل الاوادم وافترسني ....،،،،
ببعد ما لعن خير خيري كام انكلب عالسرير وراح بسابع نومة
كمت كوة من السرير، كنت اتوجع كوة امشي، رحت للحمام
سبحت ولفيت المنشف علية وطلعت
... مشيت على كييف علمود لا يفز علاوي
من النوم انوب شيفكني منة هه
رحت للكنتور فتحتة بهدوء
اخذت بدلة نوم بيضة وروب طويل فوكها كان عندي روبين نوم واحد قصير،، واحد طويل
فختاريت الطويل گلت خافن يجيبون العشة ويطبن علينة البنات استحيت لفيتة علية بحيث سترت جسمي
ونزلت المنشفة الي على راسي
وكعدت علاوي مايقبل يگعد شلع كلبي اي حقة مو بس تعبان الة هلكان حيل وياه يستاهل التعب
نكثت علية شعري ونز وفتح عيونة كتلة كوم اسبح ياعريس
يالله علمود نتعشة ميتة جوع صرفت
حتى امعائي

علاوي .... ام بطن نززتني علمود تردين تاكلين

ليان .... ابن الاوادم هاي فوكاهة صاحب الزايد هم طيحت حضي وهم تلوم بعد يلا كوم بسرعة معدتي تأذيني

علاوي .... بية ولا بيچ الوجع هسة اخابر البنات يحضرن العشة علما اكمل سباحة

ليان .... اتصل علاوي على رواء وكلهة تجهز العشة وكلهة من ارمشلچ صعدي العشة النة ودخل للحمام
وانة مشطت شعري وصليت صلاتي الواجبة وصليت تطوع
طلع على من الحمام حجينة سوة انة كتلة نعيما واهو كالي
تقبل الله
وردينة سوة هوة كال الله ينعم عليچ وانة كلت
منا ومنكم صالح الاعمال
وبعدهة ضحكنة سوة على هاي الصدفة كان علاوي لاف
خصرة بالمنشة
راح للكنتور خذة ملابس وبدة يفل المنشف انة دنگت بسرعة
وسويت روحي جاي اسبح غلست
ضحك بصوت عالي وكال فديتة الخجلان
ابتسمت خليتة كمل لبس الملابس وكمت عن المصلاية خليتهة الة رمش على رواء علمود تجيب العشة
وبدة يصلي انة كمت اكف السرير ضميت البدلة بالكنتور ولفيت الچراچف بعدني ماعدلت النزلة افتقدت حلقتي ما موجودة بصبعي توترت ليمتة وگعت ماحسيت بيهة
دورت عالسرير وجوة ماكو دخلت للحمام اندك الباب
فتحة علاوي ولنة امة وخواتة جايبات العشة
لكيت الحلقة واكعة بالحمام الضاهر وكعت وقت السباحة وماحسيت عليهة
اخذت حلقتي اجيت اطلع من الحمام
لان تذكرت لقطعة مالت البياض عالسرير كلت بلكي الحك اضمهة قبل لا يدخلن طلعت صارن بوجهي باوعن للسرير،، وباوعن علية
وهلهلن كلهن سوة خلسن اذاني ضلييت خجلانة ودنكت سلمن على علاوي وباركلة
وسلمن علية وطلعن بس لمن طلعن احس دمي نشف
هففف
صاحلي علاوي كالي اجة العشة نتعشة لو اكمل صلاتي
كتلة لا كمل
گالي اوكي ضمي البياض فضحتينة ضميتي كلش الة هوة نسيتي
بس شكول غير الله يصبرني على البروفيسورة الي تورطت بيهة هههههه
كتلة هاااااا بدينة بالحچي الماخوذ خيرة وضال بلي خير وتريد تسد شهيتي وتخرب علي ليلتي
گالي

علاوي... ماعاش اليخرب ليلتچ يا فريسة ليلتي هههههه على فكرة انة مفكر من اخلص صلاه اتعشة بيش شرأيچ

ليان .... علااااااوووووي جوووز

علاوي .... خلاص لا تعصبين شگلنة حنة يالله اكمل صلاتي وانتي اكلي لا اتانيني انتي جوعانة

ليان ... لا ابد عادي اكمل ترتيب الغرفة علما تكمل صلاتك
ونتعشة سوة
..... كملت ترتيب الغرفة وعلاوي كمل طلاتة وطبك مصلاتة وكعدنة نتعشة سوة انة متعودة على علاوي ناكل سوة فنما استحيت منة عادي اكلنة لمن فرغنة الصحون كان العشة تككة وكباب ومعلاك بصينية وياها جميع مقبلاتهة مبين شغل مطاعم
وياه شوربة وفواكة ولبن وتمر وبقبلاوة هاي بجوانب الصينية
كلينة انة لحد التخمة طلعنة ضيم كلبنة بالاكل هههههه
خلصنة اكل كال علاوي يرادنة بيبسي لو سفن اب والا من التخمة بعد اسبوع ماناكل هه
فتح الثلاجة البالغرفتنة باوعت الهة باستغراب اول مرة انتبه بغرفتنة ثلاجة فتحها شفت بيهة اشكال والوان من ما لذ وطاب الله حسيت اني شكد محضوضة
عز ودلال وعائلة معروفة بس ماادري ليش اكو حساس بداخلي انو هذا كلة ماراح اتهنة بي يمكن لان عمتي
ام علاوي سمعتني كلام يغث وجارح
وكأنهة تبينلي انه مقامهم عالي واحنة مو گدهم
ولا بمقامهم
الله يصبرني على غرورهة انة تعودت عالدلال مدري،
شلون تاليتهة وياهة
عالعموم بلكي اكون غلطانة وماخذة فكرة غلط عنهة ،،،، وضليت ابررلهة بنفسي علمود مااضوج منها
جابلنة قوتين سفن شربنة سفن وغسلنة وفتحنة التلفزيون
وكعندنة نطالع گتلة لعلاوي انزل اخذ صينية الاكل
الغرفة انترست ريحة اكل وهية غرفة معاريس موحلوة هيچ
كالي جمعي الاكل كله بعلاكة وذبية بالزبالة
كتلة لا مو حرام نعمة الله
كالي الخير واجد لا تهتمين بس ماقبلت كتلة نزلة للمطبخ وشيردون يسوون بي اهلك خل يسوون
اخذ الصينية ونزلهة
وانة مسحت الارضية بمعطر ارضيات وماي وشغلت تفريغ الهواء مالت السبلت
وشعلت المبخرة بخرت الغرفة صعد علاوي فتح الباب وكام يگح واختنك وكوة كام يجر النفس وطلع من الغرفة ضل بالممر يكح طلعت اركض وراه امرخ صدرة وكتافة بلكي يتحسن احس طار عقلي مو مصدكة
متت خوف علية
كان بحالة حرجة وماكنت اكدر اسويلة شي
وهومختنك وعيونة كامت اتصب يحاول يكلي شي
بس مايكدر يحچي كوة فهمتة يكلي بالجرار گتلة شنو هوة واي جرار تقصد
كالي بصوت متقطع كوة حچة جرار الميز اليم الكنتور وانة گمت مااشوف دربي
ركضت حتى ماكنت اعرف شنو يقصد
رحت للميز فتحت الجرار
وشفتة اذهلني ممعقوووول !!!!!!!!!

وانة كل هلوقت غافلة ماادري؟؟؟؟؟ .......... يتبع

&&&&&&&&&&&&&&&&&&

الكاتبة...... منتظرة الامل

مرحبا حبايبي لهذا البارت راح نتوقف فترة لان عندي سفر بالعيد جاي احضرلة ورى السفر انشالله استمر وياكم بسرد القصة واحداثهة الشيقة انشاءالله وعذروني التقطعي عنكم خلال شهر رمضان كان المفروض اتوقف خلال الشهر كلة بس ماحبيت اقاطعكم كلش وسويت الاكدر علية بعد محاربتي للضروف الة كدرت اسوي كم