مرحبا حبايب راح اختصر احداث هذا البارت يعني بارت بس احداث حوارات راح تكون قليلة..............
______________________________________
وبدات سنة دراسية جديدة اجة علاوي كال الاسبوع الجاي تبلش المدرسة
علاوي .... امشي خلي اخذچ للسوك تجيبين ملابس وتجهيزات المدرسة
ليان .... اوكي بس خل اشوف رواء خاف تحب تروح ويانة
علاوي .... يمعودة عوفج من رواء انة اريد اخذ راحتي وياچ
شنو رواء لزكة بينة وين مااروح راوء ..رواء
ليان .....خاف تزعل اذا درت رحت من دونهة
علاوي .... عندي فكرة خل اخذچ لهلچ ومناك عالاساس رحنة للسوك حتى بعد ماعدهة حچة
ليان ... يمعود ماراح تفوتهة الي بس خل نمشي وانة اشوفلي حجة اقنعها
.....ومشينة رحنا للسوك اشتريت كلشي بنفسي اصلن علاوي شايل مبلغ كبير وكالي اخذي اليعجبچ والمايعچبج بس كان مايشاركني بأخيار الملابس او الاكسسوارات والمكياج وحتى العطورات
اشترينة كلشي ومرينة على اهلي بالرجعة وتعشينة عدهم ياربي شگد مشتاقتلهم
وبعد العشة التمينة انة وامي واخواي ونسوانهم وسوالف وضحك وشقى علاوي گال طالع مشورا وراجع
لطيف كان كاعد يمي يسولفي عن اكو بنية تراسلة وتغازلة ومافاكتة كلما يحضرهة تجيلة من غير رقم
وكلما يحضرها على مواقع التواصل الاجتماعي تجيلة من غير حساب وتراسلة
فاقترحت علية يسايسهة ويشوفهة شنو تريد منة
هوة ماكال رفض رفض قطعي بس كال خاف تأثر على دراستي وانة مقبل على مرحلة دراسة جديدة
بالصبح بالكلية وبالعصر بالشغل يعني ماعندي وقت فارغ
وبالليل اكضية بين دراستي واصدقائي
گتلة لعد عوفها تولي وحدة تتلاعب واكيد تريد تضرك
گالي وهذا الراح اسويه
....... طبعا لطيف بمرحلة ثانية كلية التربية هوة شاد روحة ومثابر بالدراسة والعصر يروح يشتغل وي صديقة عندهم محلات جملة اما عيشة اهلي على راتب والدي المتوفي ولطيف يساعد العيشة من شغلة
ومصاريف دراستة كلهة علية مايقبل ياخذ من امي او اخواني
هوة معتمد على نفسة وعندة شعور بالمسؤلية
اما اخواني الكبار كل شهر بس يستلمون رواتبهم يجون ينطونة مصروفنة انة وامي وحنونة
الحمدلله عايشين بخير ودلال واخواني الله يحفظهم مامخلين علينة عياز من الناحية المادية
.......... بعد هالشرح المطول بعدني ابيت اهلي رجع علاوي
خذاني منهم رجعنة للبيت گتلة يخلي علاليك
المسواگ بالسيارة لمن ينامون نفوتهن للبيت والا رواء تسوينة سالفة اذا سمعت رايحين للسوك
وفعلا علما ناموا فوتناهن وكعدت اقيس بالملابس
يجنن علية اي قطعة اقيسهة اشمرهة بالغرفة والبس غيرهة لمن تعبت ورحت نمت والملابس تارسة الغرفة
اماعلاوي كان مشغول بالتسجيل بالكلية مالتة ...
الحمدلله امورنة تمام گعدت يوم ثاني الصبح على دگت الباب
بقوة وبشكل متواصل كمت بكسل كلت منو اشو الباب انفتچ
طلعت رواء تفاجات بيهة كنت لابسة تراك اشوة مستورة
بس تعجبت على فوتتهة انة متأكدة لما نمنة قفلنة الباب
اجت تحچي وانتبهت ان الغرفة متروسة ملابس وعلاليك
صار عيونهة بالطول كالت رحتي تسوكتي من دوني
وانة جايتچ من الصبح مثل الهبلة علمود اگلچ نروح للسوك نشتري ملابس ،، بسيطة انة اعلمچ ورگعت الباب ومشت
وحتى ماانطتني فرصة اشرحلهة التفتت علاوي ماموجود
استغربت وانة اكول شعجب ماكعد وقت الاقتحام
بس وين راح ياترى
كمت من فراشي فتحت مبايلي لكيتة تاركلي رسالة عالواتساب يگول هوة راح للكلية يكمل اجرائات التسجيل وماحب يگعدني من الصبح وكالي راح يتريك وي صديقة ياسر
الي هوة صديق طفولة وهوة صديق دراسة
وطبعا همة دوم وي بعض علاقتهم حلوة وبيناتهم ميانة قوية
طبعاً من خلال الفترة التعرفت بيهة على علاوي لاحضت
ان ياسر صديقة يلاحق رواء ودوم نضراتة الهة بأعجاب بل اكثر من اعجاب يحبهة ويخاف عليهة وهالشي اتضح عندي بعدة مواقف اله
بس رواء مامعبرتة ولا منطيتة وجهة وعلى مايبدوا هية معجبة بلطيف من يجي يزورني تحتار شتلبس وتضل تتدلل وتتميع گدامة وتحاول تلفت نضرة بأي طريقة
ومرات تطلب مني تروح وياي لاهلي
على اساس تشوف امي وحنونة وهم تغير جو
بس انة مو غبية ملاحضة كلشي والمكتوب مبين من عنوانة
عالعموم عوفونة من كل هذا خل نرجع للحدث الصار من شافت رواء الملابس وزعلت
بعد ماگعدتني من النوم ومانطتني فرصة اتكلم كلتني بريشي گمت اخذت ملابس وفتت للحمام سبحت ولبست بدلة قصيرة شوي فوگ الركبة وجواهة ستريج
وشسورت شعري ومشطت
نزلت لكيت محد بالبيت سنطة (سكتة ..هدوء)
رحت لغرفة الطعام اتريك محد موجود اشوي سمعت حركة اجت ام احمد طبعاً ام احمد تشتغل معينة او مدبرة منزل عد اهل علاوي وخوش مرة وحبابة عمرهة ابداية الخمسينات
طبخها كلش طيب .....
اتقربت يمي جاي تنضف سلمت علية رديت عليهة السلام وسألتهة
وين الجماعة محد بالبيت كالت كلمن راح على شغلة خالتي ام علاوي وعمي ابو علاوي بدواماتهم اما رواء گالت نزلت معصبة وطلبت من امها فلوس وراحت للسوك
حتى ريوگ ماقبلت تتريگ
بهالاثناء احتاريت ياربي شلون رواء راسهة يابس وعنيدة شلون راح اقنعها فجئة بين هاي الافكار خطرت ابالي فكرة
اكيد راح تقتنع محد غيرة يقنعها
أنت تقرأ
عشقني فجرحته
Romanceقصة بنت طعنت في ضهرها من اقرب الناس لها حتى وصلت الى الجنون وشاء القدر ان تلتقي بمن هوة صادق في الحب هل، يستطيع تغيرها واعادتها لمسار حياتهة الطبيعي مع هذه القصة اتمنى لكم متابعة ممتعة
