مرحبا حبايب طبعاً هذا البارت راح يكون مختصر اكثر من البارت السابق راح تكون الاغلبية للاحداث وحوارات قليلة ومثل ماگتلكم راح تكون احداثة مهمة اتمنالكم قراءة ممتعة مع قصة...عشقني فجرحتة...
~~~~~~~~~~~~~~~~~~~~~~~~~~~~~~~~
ليان.... كنت صاعدة لغرفتي وسارحة بيني وبين نفسي افكر بكلشي صار اليوم وفجئة صوت من وراي نززني
علاوي.... ويين كنتي
ليان...يممةةة فززتني
علاوي... وين سارح الحلو الماخذ عقلة يتهنة
ليان... نزلت بأتجاه علاوي وحضنتة گتلة .مشتاقتلك 😘 وين كنت من الصبح
علاوي .... انة تركتلچ رسالة وبلغتچ اني رايح للجامعة بس،انتي الي وينچ اقلقتيني عليچ حبيبي
يعني بما انچ اقلقتيني لازم تفصليني يالله صعدي كدامي اليوم افرسچ
ليان ... علوشي انة تعبانة ومكسرة من الفران بالسوك وي رواء اريد امدد وارتاح
علاوي ... حچي يفيدچ هذا هلليومين ميبستهة علية مسوية حصار كال هاي العبارة ولزم ايدي يجر بية عالدرج وانة اعييط علاوي لا عوفني عفية فدوة والله مالي حيل
ليان ... وانة بهالحال وعلاوي يجر بية التفتت وراي شفت رواء واكفة جوة تتفرج ومضيكة عيونه سرحانة ومسنحة تگول بغير عالم توقعتهة تتخيل نفسهة وي لطيف بهالموقف
ههه لا وين انة رحت بعيد لطيف اخييي واعرفة
مايريد زواج تقليدي يريد زواج عن حب
مسكينة تحبة من طرف واحد
عالعموم .. نرجع لموضوعنة انة وعلاوي طبعاً ماسبق ان ذكرتلكم ان علاوي منطيني حريتي وين مااريد اروح بدون ان اكلة او اخذ اذن الا اذا كان بالبيت ابلغة اذا ردت اطلع مكان بس هالمرة رادهة حجة علية علمود
يعمل عملتة ههه
علاوي فريي واطباعة حلوة اصلن يگلي خلچ فري وعيشي حريتچ دائما حتى الحجاب اذا تردين ذبي او خلي على نص راسچ هيچ بس كشخة ماعندي اشكال ولبسي وتمكيجي على راحتچ ...
مركبلي جناحات ويكلي طيري
بس انة عارفة حدودي وملتزمة بحجابي الا بالمناسبات البس على راحتي لان بس نسوان ماكو زلم
اما رواء عكسي هية دائماً تلبس الشال النص راسهة كذلتهة دوم طالعة وبالمناسبات العامة بالمدرسة او احتفاليات مختلطة رجال ونساء تذب حجابهة ماعدهة التزام
ويمكن هذا السبب اليخلي لطيف ينفر منها
لان هوة واحد غيور كلش ويحب المرأة منضبطة وثكيلة وملتزمة ..... المهم خلينة من هذا كلة
ونرجع لعلاوي دخلني الغرفة وقفل الباب وكال هسة منو يفكچ مني
اتقدم علي وانة ارجع حصرني بين الحايط واديه وحدة بيميني وحدة بشمالي
ضلت عينة على شفتي ويتقرب منها بهدوء غمضت عيوني
واندگ الباب التفت علاوي استغليت الوضع وفلتت منه
شفتة عصب والدم صعد الراسة
وراح صوب الباب فتحا طلعت رواء
گلت بگلبي اجاك الموت ياتارك الصلاة ههه اجة يحچي گاطعتة رواء لان عرفتة معصب
رواء .... ماما تصيحلك بسرعة ..وراحت تركض قبل لا يعيط بيهة علاوي
علاوي ... ايا خبيثة خربتي علية اللحضة. وشد قبضتة وضرب الحايط التفت على ليان تضحك . گاللهة .عبالچ فلتي عقابچ بعدين وركع الباب ونزل
أنت تقرأ
عشقني فجرحته
Romanceقصة بنت طعنت في ضهرها من اقرب الناس لها حتى وصلت الى الجنون وشاء القدر ان تلتقي بمن هوة صادق في الحب هل، يستطيع تغيرها واعادتها لمسار حياتهة الطبيعي مع هذه القصة اتمنى لكم متابعة ممتعة
