المهــم عـدت الأيـام ع نفس الوتيـرة... لحـدي م جات إمتحانات السمستـر الأول😭 وأنا اجتهـدت شديـد... أصـلا أيـام الإمتحـانات ولا بتفاهـم أنا😂😂😂
أها أول يوم امتحان دا طبعا كنت خايفة مبالغة😭😭😢 وخصوصا إنـو ناس البيت وماما لأول مـرة م يكـونو معاي😭💔 المهـم عمار الطريق كلو يوصـي فينـي وم تتوتـري وم تخافي وشنو لحـدي م نزلنـي ومشـى😢 أها جيـت واكتشفـت إنـي ناسية بطاقتـي😢 والليـلة الحرس الكعـب فيهـم قاعـد🤦♀️ وع حظـي كمان أحمـد قاعـد معاهو... يعنـي ياهـو الشمـت فينـي😢😭 ( ب مناسبة الحرس أمنيـة وبرو خبركم😂 وأمنية متذكرة أرصـد حق تربية😂😂) وقدر م حنستـو عشان يدخلنـي أبا وأحمـد يقول لي أصلا بنات الزمن ديل م مسؤولات😒 ( أسـي دا وقتـو بالله طبعا شميتو زيادة) الوحـدة تنـوم وتجـي براحتها تقول نسيـت بطاقتـي😒 ولا بيـراعو ل أهلهـم المرسلنهم ديل... أنا طبعا مع كلمة أهلهـم ديل😢 طوالـي بكيـت😭😭😭😭 لأنـو أصلا زهجانة وفاقداهم😭😭💔... ياخ بكيـت بكاء لامـن الحرس زاتو استغـرب فينــي😳 ودخلنـي طوالـي... وأحمـد دا اتصمـغ بالخلعة😳 وجا داخل وراي" شكلـو نـدم لمـن شافنـي كدا'" أنا مشيـت قعدت تحـت شجـرة بعيـد براي وقعـدت أبكـي😭😭😭 هـو جا قعـد جنبـي ساكـت بدون م يتكلـم🤐 بكيـت ب حرقة... قالـي أنا آسـف م قصـدي😢 قلـت ل آسف... آسف ع شنـو ولا شنو... ياخ انت مالك معاي من جيت الكلية دي.. قاتلة ليك زول أنا😢 سارقاك قبل كدا.. عاملة ليك حاجة كعبة😖 ياخ أنا حتى إسمك م بعرفـو كويس😭😭😭 بعديـن أهلـــي الإنت بتتكلـم عنهم ديل أنا شهـور م شفتهم😭 عنـدك مشكلة معاي... اتكلم فينـي... لكن م تدخل أهلـي ف كل كلام ليك😭 ياخ أنا زهجت منك وشكلك كل مرة... كرهتنـي الكلية وحياتـي زاتا💔 يمكـن انت عايش وسط عيلتك وبتصحى كل صباح ب دعوات أمك لكن م كل الناس زيك ف رجاء💔 م تجيب سيـرة أهلـي تانـي.. وأحمـد ربك ليل ونهار ع عيلتك وأمشـي بوس رجلين أمك... وقمت مشيت طوالـي... م أديتـو فرصة يتكلـم زاتـو تانـي😢 دخلت امتحنـت وطلعت طوالـي حتى م اتكلمـت مع شلتـي زاتهم... لقيتـ أحمـد واقف جنب الباب💔 م اتكلمـت معاهو... ولا حتى انتظرت عمار طلعت أجـرت لي أمجـاد ومشيت البيت.. خالتـو لاقتنـي... قالت لي امتحنتـي كيف?? قلت ليها كويس الحمـدلله.. ومالك عيونك مورمة كدا😢 كنتي بتبكـي... ف زول زعلك.. عمار اتكلم معاك ولي جيتـي بالأمجاد😳 قلت ليها م ف زول زعلنـي وطلعت بدري عشان كدا م انتظرت عمار☺️ مصدعـة بس حنوم شوية.. قالت لي طيب ي بتي ربنا يواليك بالعافية😢 قلت ليها تسلمـي.. دخلت استحميت بلعـت لي بندول ونمـت😴
صحيـت بعـد الظهـر لقيت أمنيـة جات🍀 الحمـدلله الصداع كان راح🍀😻 قمـت مشيت اعتذرت من خالتـو وقلت ليها قبيل كنت مصدعة عشان كدا😢 قالت لي ولا يهمك حبيـبتي♥️ حبيـت ع راسها.. ومشيـت الغرفة أمنيـة قالت لي مالك ي فلانـة🌚 قلت ليها مصدعة كنت ي علانة... قالت لي دا علـي أنا🌚 قلت ليها لا علـي انا😂 قالت لي يومك زاتو ياخ😂 غلطانة أنا البسألك زاتـو😂😂😂 قلت ليها خلاص م تغلطـي وتسألـي تانـي😜 شالت الشاحن وجرت وراي...😂😂 ف دا تلفونـي ضرب.. قالت لي انتي دقيقـة ي فلانة بقيتـي تخلطـي من وراي ولا شنو🌚 من أنا جيت تلفـونك دا ضرب عشرمية مـرة🌚 اتخلعـت قلت ليها الليـلة😱😱 نسيـت أكلـم عمـار إنـي جيـت... قالت لي الليـلة سجمك😱 جري مشيت شلت التلفـون... لقيت قريب كم وعشرين مكالمة م فتحتهم.. طوالي اتصلـت ع عمار... قالـي أيوا ي لاريـن معليش إتأخـرت عليك... بس انشغلت ف الشركة ونسيت اتصل عليك.. شوية كدا وبجيـك😆 دقيـقة دقيقـة... يعنـي عمار م اتصل لي ولا مشى م لقاني ولا حيشاكلني💅😀😀 ي سلام ياخ😀
قلـت لي لالا خلاص ولا يهمـك... بس كنت عايزة أقول ليك إنـي لما انت اتأخرت أجرت أمجاد وجيـت🙊 قالـي ولا يهمك خلاص لارين نتفاهم بعديـن🍀 عشان أنا مشغول أسـي... قلت تمام وقفلـت😆 ياخ فرحـت فرح💃وبس شغالة أرقص💃💃💃 أمنيـة جات لقتنـي بنطط... قالت لي حمانا الله😳 عمار طلع راسك شكلو😂
ولا اشتغلت بيها واصلت رقيصـي😂😂 بعدين اتذكـرت المكالمات😳 قلت أجـي ديك كانو من منـو طيب😳 مشيـت فتحت التلفون لقيتهـم من ناس بيتنا والشلة😳 الليـلة وووب🤦♀️ كان أخيـر عمار والله🤦♀️... رجعـت ل أروى قلت حتكـون مشت بيتهـم... والشلة م معاها وم حيشاكلوني كلهم سوى🤤 وي فرحـة م تمت😆 أول م فتحت الخط جانـي صوت باسم ولؤي وشوية شوية كلهـم بدو يشاكلو فينـي😱الليـلة وووب😱 جـود قالت لـي حرام عليك من قبل الإمتحان بنتصل عليك احنا وغيث قال وجيتي الإمتحان بعد دخلنا وعيونم مورمة عديل ولؤي وبعد طلعنا م لقيناك ونرجس قالت وبنتصل م بتردي... ودعـو قالت انتـي عارفة ل أسـي م ف زول مشى بيتهـم😕 وسامـر قالـي اتخيلـي إني عشانك ل أسـي م فطرت😹...
يـاخ بجـد زعلـت من نفسـي زعل😢 وحسيـت قدر شنو إني
قلقـت الناس علـي... بكيـت طوالـي😭
( يلا أصلا أنا دموعـي قريبة) اتخلعـو ومالك وف شنو... اعتذرت ليهم وقلت ليهم آسفة وشنو... سامر قالـي ي زولة تعزمينا بس...😂😂😂 م ف حاجة اسمها آسفة كلهم قالو لي ااااي بس عزومة ي زولـة😂 قلت ليهم خير... ليكم علي بكرة أعزمكم كلكم بعد الإمتحان أصلا اليوم البعدو أوف... بس قالـو لي كدا متفاهميـن😍 عارفاهم أنا غير الطقة😂😂 م ف حاجـة بتجيـب آخرهم😂😂( أمنيـة وممـو عدس آلاء كيف بالله😂) قفلـت منهـم ورجعـت ل ناس بيتنا وقلت ليهم الإمتحان كان كويس وماما دي كانت خايفة خوف ي حليلها😍😭♥️... مازن قالـي والله ماما بالليـل كلو تدعـي ولما م رديتـي من قبيل طوالـي بقت تبكـي😢 قالت لينا أنا حاسة لارين زعلانة وم كويسة😢💔
( سبحان الله الأم دي لو وين وين... قلبها بحس ب أي حاجة بتحصل معانا😢💔) قلت ليها أنا كويسة ي ماما بس جيت نمت عشان كدا💔.. اتكلمـت معاهـم مسافة... ورجعت ل بابا برضو اتكلمت معاهـو ومع مؤيد وطمنتهم علـي ( ديل ف الشغل عشان كدا)... قفلـت منهـم... فتحت الشبكة دخلت الفيس رفعت منشور..." تمتمـات الأمهات ع سجـادة الصلاة.. نجتنا من أشياء لا يعلمها إلا الله♥️😭) وطلعت
دخلت الواتس اتونست مع شلة دبـي ولقيت مجاهد طمنتـو كان قلقان برضو... أول م استلم الرسالة رجع لي😍😍 جودا الحححب ياخ♥️ قالـي ي كعبة وين انتـي... قلت انت الكعب م عارفنـي ممتحنة الليلة لي م اتصلت😒... قالـي انتـي رديتـي ع الإتصلـو عليك😳 قلت ل قصـدك... قالـي من زمان متابع مع باسم من زمن م لقوك😂 وم اتصلت عليك ي سجم عشان عارفك حتبكـي😭😍... قلت لي انت الحححب ياخخ😍( وارجع اقول الصحاب الزي الأخـوان ديل نعمة😍) قالـي ي زولة م تشاغلينـي😂 قلت بالله شوف وشك الواحـد دا😒😂 م تفرح لو لقيت ليك زول يعبـرك😂 اتونسنا كدا وطلعت قفلت الشبكة عشان أقـرا😍 وبكريتـو مشيـت وطبعا بطاقتي قبل ألبس دخلتها الشنطة😂😂 تبت ياخ😂 أول مشيت الحرس عاين لي قبل افتح خشمـي قالي خشـي خشـي😂 دخلت لقيت الشلة منتظرانـي جنب الباب😂 ( حلوين ياخ😍😂) وبعدها دخلنا الإمتحان... وطلعنا كان كويس برضو...وعزمتهم وي ريت م عزمتهم😂😂😂 بالله فلسـو بس... عايز تغلط بس جيب سيرة عزومة قدام شلتك😂...
عـدت الإمتحـانات ب خيـرها وشـرها😍 وكان ف منها السـاهل ومنها الصعـب...
واتفقنـا آخـر يوم دا نطلـع فيهـو😍 ومشينـا توتـي( توتـي الحححـب😍) ولعبنا وأثناء م قعدين كدا جا واحـد سلم علـي وقالي دكتورة بريطانيا اذيك😂😂 م قلت ليكم اشتهرت ياخ... بسلمو علي ناس حتى م بعرفهم زاتو😂 اتونس معانا شوية قلنا لي أقعـد... قال لا معاهو ناس... لكن تعالو انتو زاتكم نتلمى كلنا بدل كلـو زول براهـو😊 عجبتنا الفكـرة ومشينا قعدنا معاهم وطلعـو ظريفيـن ب شكل😂😍 وف نص قعـدت واحـد من ورى قال سلام... ردو لي وين ي أبو الشباب😍😍 وأخيـرا جيت ياخ😍♥️والله اللمة كانت ناقصـاك بس...
واتلفت بس أشـوف ليك😳
يتبع
