أهـا دخلنا ساعدنا ديانا ولمينا المكان وكل زول مشـى ع غرفتو.. أنا دخلت استحميـت وغيـرت وجيـت رقدت ومسكـت فونـي😍
فتحـت الشبكة... لقيت دردشات ورسايل كتيـرة... قعـدت أرد عليهم كلهم.. وف النهايـة دخلـت قروبنا ( حق البنات بس) رسايلهم كانت كتيـرة طبعا... وأنـا ف العـادة م بقراها😂 أها اليـوم داك كنت فاضية وقعدت أقراها.. لقيتهم كلهم منبرشيـن ليهـم ف زول كدا😂 ودعاء تقـول لي رؤي وااي لكـن مكسرنـي.. وجود شفتـو اللبس والأناقة😍 ورؤى تقـول والرقـي والكلام البراحة♥️ والعضلات والوجنة وي حلاة البسمة😂😂 المهـم ضحكـت كدا فيهم وقلت دا منـو المكسرهم كدا ي رب😂😂 المهـم وأنا بقـرا.. كدا جـود قالت ليهـم إسمـو أحمـد.. دقيقة دقيقة😳 يعنـي أسي الزول العامليـن ليهو قومة وقعدة دا أحمـد😒😒 قلت ليهـم م جادين أسـي داك الحلـو فيهو شنـو😒... بالله هاجـو فينـي م خلـو شـي😳 زهجت قفلت الشبكة ورقدت نمت😴... صحيـت الصباح لقيـت فلانة ديك جنبـي😂 م عارفاها جات متين... اليوم كان خميس إستأذنت عمـي وخالتو إنـي حمشـي ل ناس خالتـي وأهل أمي أقضـي معاهم الجمعة والسبت ديل عشان م مشيت ليهـم نهائي..🍀 ووافقـو لي... أها حضـرت محاضراتـي عادي وبعـدها طلعت ع أمبـدة.. واتصلـت ع بت خالتـي الأصلا كنت متواصلة معاها من زمان بالفيس وبعدها الواتس ووفرحت ب مشيتـي😍😍 ووصفـت لي لامـن وصلـت البيـت... لقيتهـم منتظرنـي جنب الباب ياخ😍😍 حبـوبة وخالاتـي وبناتهم😍😍( الناس الحنيـنة😭♥️) ومسكـو كل وحـدة تسلـم علـي وتبوسنـــي... يـاخ فرحـو فرح ب مشيتـي ليهـم ووحـدة منهـم بس تبكـي عديل وتسلم علي وكل م تفكنـي ترجع تمسكنـي تاني😢❤️ ودخلت جـوة وفضلونـي.. وبعدو طوالـي الغداء الـم خمـج... وخالتـي ديك تانـي تسلم علي وتبكـي.. لامـن حبوبة قالت ليها فكـي البت خلاص ي فاطمة.. أجـي😳😳😳 فاطمة كيف يعنـي... دي الماما شايلة لي الهـم منها🤦♀️ ياخ دي طيبة عديل... والله ماما دي خوافة سـاي😂😂 قعـدت معاهم يوميـن وأحلـى يوميـن لي😍😍 وطلعت منهم السبـت العصـر بعـد م وعدتهـم إنـي أجيهـم تانـي... أهـا وأنا راجعة دخلت لي ب طريق فاضـي كدا عشان اختصـر المسافـة🍀 وقـوم ي الحظ أضـرب معاي والعربية عطلت لي ف نص الطريق😤 وأنـا لا عارفة يميـن لا شمال طبعا.. بالله واقفة قريب ساعـة حمار ساي م جا مشى😂 خلـي العربية... وفونـي قفل😕 عشان تكمل الناقصة وأنا طبعا خفت😕😕😕😞 .. بعـد مسافة جات عربيةbmw😍 ماشة .. أشرت وقف لـي... وأريتـو م وقف😒 نزل منها ولـد... وأنا ف اللحظـة دي تلفونـي وقع... دنقـرت عشان أرفع التلفـون... وأنـا مدنقـرة قلـت ليهـو عربيتـي اتعطلـت... لـو ممكن تشوفا لي... أها الساعة الأرفـع ليـك راسـي وألقـاهو أحمـد😳 ي ساتـر الأخ دا بيطلـع لي من وين أصو😱🤦♀️💔 عملـت ل كدا😒 وهـو نفس الشـي... المهـم اتوقعتـو يخلينـي ويمشـي طبعا لكـن فتح العربية وبدا يحاول يشتغل فيها... قالي محتاجة شنو كدا م حتتحرك ليك... أرح معاي أوصلك ع جـوة وبعديـن رسلـي زول يجيبا ليك🍀 قلـت ل شنو😱 أنـا أركب معاك انت لا وكمان ف عربية مقفولة😱 مستحيل طبعا... عاين لي كدا😒 وقالـي أنا زاتـي م قاتل نفسـي عشان تركبـي معاي.. لكن رجولتـي م بتسمح لي أخلـي بت براها ف شارع فاضـي كدا وأمشـي.. قلت لي لا بالله من متين بقيت بتحس انت.. قالي آخـر مرة أقول ليك تعالي اركبـي😒 قلت لي وأنا آخر مرة أقول ليك لو بيـت ف الشارع م حركب معاك😒 طبعا طوالـي ولا كضـب.. دور عربيتـو وفات😳 أنا مع نفسـي بالله شوفو الحيوان دا خلانـي ومشى😳😒 وتانـي أرجـع أقـول ل نفسـي وااي ي لارين كنتي تركبـي معاهو...انتـي لسانك دا م بتقدري لي🤦♀️ وااي... وفجأة ف أولاد ظهـرو من وين م عارفة😰 وشكلهم كيف كيف كدا... ززي سكرانيـن ولا حاجـة😭 وبـدو يشاغلـو فينـي.. الحلـو مالـو واقف براهـو😓 و ي الجميـل أرح معانا وألفاظ م عارفة جايبنها من وين.. طبعا بالخوف م قادرة أعمـل شي😓😓 فجأة أحس ليك واحـد فيهـم بيجـر ف طرحتـي والتانـي بيقول لي أحسن تمشـي معاها بالذوق واحنا حنبسطك😷😷 أنا طبعا بقيـت أبكـي وأصرخ طوالـي... البيجـر في لبسي داك😷 قالـي هنا لو بكيتـي ل بكـرة زول بيجيـب خبرك غيرنا م ف😦 وبدو يجرجر فينـي.. وفجأة ف زول ضربو بنيـة وبدا يشلت فيهم كلهم... عاينت لقيتـو أحمـد😃 داك قالـي ي أصلـي لو عايز أرح معانا😷 طبعا م خلى فيهم شـي... وأنـا بس بعايـن... ولأول مرة ألاحظ ليهـو ياخ😍 لونـو أسمـر كدا وطويل ومعضـل😍😍 وأحيي أنا ياخ😍 ولابس قميص نص كبدي مظهـر عضلاتـو ياخ😍😍😍 ومع بنطـلون أسود تانـي طرفو من تحت😍😍 أها شكلـي انبرشت شديد😂 (ب مناسبة الإنبراشbatch22 كيفتمام😂🤝)خلوني أواصل ليكم طيب.. أها بدا يضرب فيهم لامن بدو يجرو منـو... لكن ف واحد غدر بيهو وطعنو بالسكيـن ف يـدو وجرا😭 والدم دا نازل كيف😭😭😭 عاين لقانـي واقفـة قالـي عاجبك كدا.. دا الكنتـي دايـرة يحصل صح😡 وأنا بس ببكـي??😭 ردي قالـي بتكلـم معاك أنا..
لسانك القبل شوية مشى وين😡 وأنا بالـي بس ف الدم داك... الحمـدلله كان معاي معقم ف العربيـة شلتو ومشيـت عشان أعقم ل الجـرح... قالـي خلي م عليك تعالـي أركبي بس أوصلك ولا لسة م عايزة تركبـي.. قفلـت لي خشمو ب يدي لامن هو زاتو اتخلع😨 وعقمت ل الجرح وم لقيت شاش😢 طبعا ولا كضبـت طوالـي شرطت من طرحتـي لفيـت ليهـو يدو... وهو لسة مخلوع😨😂😂 مشيت ركبت ف العربية وقلت لي بعد الصدمة تفك تعال😂 عشان نمشـي... بعد مسافة جا لقاني راكبة محل السواق😂 عاين لي كدا😒 وقالـي دا شنو... قلت لي شايف شنو😂 قالـي انزلـي خلينا نمشـي... انت اللـي اركب خلينا نمشـي😂 أنا حركب مع وحدة زيك😳 قلت لي مع الأسف م عندك خيار تانـي🤷♀️ أها بعـد كلام كتيـر ركب واتحـركنا... بعـد دخلنا ع جوة كدا قلـت لي ساكـن وين?? قالـي لا لحـدي هنا كفاية... قلت لي حتقول ولا أنزلك هنا وأواصل براي بالعربية😒 قال اللهـم طولك ي رووح🤦♂️ وصـف لي.. وصلـت ووقفت.. نزلت أديتـو المفتاح وشكرتـو... وعايزة أتحـرك.. قالي حتمشـي زي الوقت دا براك كيف?? قلت بتصـرف وم اديتـو فرصة يتكلـم تانـي.. طوالـي مشيـت أجـرت لي أمجاد واتحركت ع البيـت... طبعا حالتـي حالـة😕 والوقت كان عشاء كدا.. قلت إن شاء الله م يلاقينـي زول... دخلت وأنا بتسحـب والحمـدلله م صادفنـي زول♥️ وحتـى أمنيـة كانت بتتكلـم ف البلكونة... طوالي ختيـت تلفونـي ف الشاحـن... ودخلت الحمـام استحميـت ( بالله حسيت روحـي سنة م استحميـت🍀) جيت طالعة أمنية كانت خلصت.. شافتنـي قالت بسم الله... وقبل تتكلم خالتـو نادتا للعشاء طبعا م قايلنـي جيت😂 نزلت معاها اتخلعـوا خلعـة😂😂 وعمار يقول بسم الله بقينا نتخيل كمان😂 أها قعدت وحكيت ليهم الحصل معاي... بس م قلت ليهم قصة الأولاد كدا.. بس إنـو عربيتـي اتعطلـت عشان كدا اتأخرت ولقيت زول جابني لحدي جوة وبعدها أجرت الأمجـاد.. عمو محمد قالي دي سلامة كبيـرة ي بتـي😍 وخالتو قالت ااي والله.. عمار قالـي بكـرة برسل يجيبو العربية.. قلت تمام🍀 اتعشينا وطلعنا... أنا طبعا مشيت فتحت فونـي اتصلت ع ناس خالتـي عشان م يقلقو وقلت ليهم م اتصلت من قبيل عشان فونـي كان قافل وي داب شحن🍀 بس وطوالـي قفلت الفون تاني ورجعتـو الشاحن.. بعدها صليت ورقدت نمت طوالـي لأنـو كنت تعبانة😴😴
يتبع......
